မန္တလေးတိုင်း၊ နွားထိုးကြီးမြို့နယ်၊ ဝက်လူးရဲစခန်းနဲ့တပ်စခန်းကို PDF တွေ ဝင်ရောက်တိုက်ခိုက်ခဲ့ပြီး စစ်ကူကားတွေကိုလည်း မိုင်းဆွဲခဲ့ရာ စစ်သား၇ဦးသေဆုံးခဲ့ကြောင်း သိရပါတယ်။

နိုဝင်ဘာ ၁ ရက်၊ မနက် ၉ နာရီလောက်က ဝက်လူးနယ်မြေရဲစခန်းကို လက်နက်ကြီးနဲ့ ပစ်ခတ်ခဲ့ပြီးနောက် မွန်းလွဲ ၁ နာရီလောက်မှာ ဝက်လူးရွာထဲဝင်ရောက်ခဲ့ကြောင်း အဲဒီနောက် မီးသတ်ကုန်းကို မီးရှို့ခဲ့ပြီး တပ်စခန်းကို လက်နက်ငယ်တွေနဲ့ ပစ်ခတ်ခဲ့ရာ စစ်သား ၄ ဦး ပွဲချင်းပြီးသေဆုံးကာ ဒဏ်ရာရသူတွေလည်း များကြောင်း Natogyi People Defence Force က ဒီနေ့ သတင်းထုတ်ပြန်ပါ တယ်။

တိုက်ပွဲဖြစ်နေစဉ်အတွင်း နွားထိုးကြီးဘက်ကနေ ၀က်လူးစခန်းသို့ စစ်ကူလာတဲ့ ကား ၅ စီးကို ပဲချက်ရွာအနီးအရောက် မိုင်းဆွဲ တိုက်ခိုက်ခဲ့သလို မြင်းခြံကနေ နွားထိုးကြီးဘက် မောင်နှင်လာတဲ့စစ်ကား ၂စီးကိုလည်း မိုင်းဆွဲ တိုက်ခိုက်ခဲ့ရာ စစ်သား ၃ ဦး သေဆုံးပြီး အများအပြား ဒဏ်ရာရရှိခဲ့ကြောင်း သိရပါတယ်။

နိုဝင်ဘာ ၁ ရက်နေ့မှာပဲ ညောင်ပင်သာရွာကားဂိတ်မှာ စစ်ဆေးနေတဲ့ စစ်သားတွေကို ဒရုန်းနဲ့ ဗုံး ၁ လုံး ကြဲချခဲ့ပြီး ထိခိုက်မှုကို စုံစမ်းနေဆဲပဲလို့ သိရပါတယ်။

အဲဒီတိုက်ခိုက်မှုတွေကို Natogyi People Defence Force -မြင်းခြံခရိုင်အမှတ် (၄)တပ်ရင်းနဲ့ နွားထိုးကြီးမြိုနယ် ပကဖ တို့ လုပ်ဆောင်ခဲ့ခြင်းဖြစ်ပါတယ်။
~~~~~ 

ကိုဦး