မန္တလေးတိုင်း၊ နွားထိုးကြီးမြို့နယ်၊ မျက်ရှုရွာ အထိုင်ချ အကြမ်းဖက် စစ်တပ်ကို ဒရုန်းဗုံး ကြဲခဲ့ရာ (၇)ဦးသေဆုံးကြောင်း သိရပါတယ်။

ဒီဇင်ဘာ (၂၇)ရက်၊ မနက် (၉)နာရီလောက်က မျက်ရှုရွာမှာ အထိုင်ချထားတဲ့ စစ်သား (၂၅)ဦးလောက်ကို ဒရုန်းနဲ့ဗုံး (၂)လုံး ကြဲချခဲ့ခြင်းဖြစ်ပြီး ဗိုလ်အဆင့်ရှိသူတစ်ဦးလည်း ဒဏ်ရာရခဲ့ကြောင်း Natogyi People Defence Force- မြင်းခြံခရိုင် အမှတ် (၄)တပ်ရင်း က သတင်းထုတ်ပြန်ပါတယ်။

“မျက်ရှုဆိုတာ အိမ်ခြေ၁၀၀၀လောက်ရှိတဲ့ရွာကြီး။ စခတွေက ကျေးရွာအုပ်စုအဆင့်ရှိတဲ့ ရွာကြီးတွေမှာ အထိုင်ချတယ်။ ဆက်ကြေးကောက်တယ်။ အခုကြားရတဲ့သတင်းတွေက ဗုံးက စစ်သားတွေ တည့်တည့် ကျကွဲတာ။ (၅)ကောင်အထက်သေတယ်လို့ ကြားရတယ်” လို့ မျက်ရှုရွာအနီးနေ ဒေသခံတစ်ဦးက ပြောပါတယ်။

မျက်ရှုရွာအခြေစိုက်တပ်ဟာ လမ်းသွားလမ်းလာပြည်သူတွေကို ခြိမ်းခြောက် ငွေညှစ် နေကြောင်း Natogyi People Defence Force က ဆိုပါတယ်။

ဒီဇင်ဘာ (၂၆)ရက်၊ ညနေ (၄)နာရီလောက်ကလည်း နွားထိုးကြီးမြို့နယ်၊ ခက်လန်းရွာ အနီးရှိ မိုင်တဲတာဝါတိုင်ကို ဖောက်ခွဲဖျက်ဆီးခဲ့ကြောင်း Natogyi People Defence Force က ဆိုပါတယ်။

~~~~~~~~~~~ 

ကိုဦး