ကရင်နီပြည်နယ်၊ လွိုင်ကော်- မိုးဗြဲကားလမ်းပေါ် တက်လာတဲ့ အကြမ်းဖက်စစ်ယာဉ်တန်းကို ဒေသတွင်းတော်လှန်ရေးပူးပေါင်းတပ်က သန်းခေါင်ကျော်တိုက်ပွဲဆင်နွှဲခဲ့ရာစစ်သားတွေ သေဆုံးထိခိုက်များနိုင်ကြောင်း The Karenni Information Centre (KnIC)ကထုတ်ပြန်ပါတယ်။

ဒီနေ့မနက် ၂နာရီလောက်က အကြမ်းဖက်စစ်တပ်ယာဉ်တန်းကို လွိုင်ကော်- မိုးဗြဲကားလမ်းမတစ်နေရာမှာ ကရင်နီအမျိုးသားကာကွယ်ရေးတပ် (KNDFတပ်ရင်း၃)နဲ့ ဗိုလ်တစ်ထောင်တပ်ဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်ပြီး စစ်ကားတချို့ထိခိုက်ပျက်စီးသွား‌‌ကြောင်း ထုတ်ပြန်ထားပါတယ်။

“ဒီနေ့မနက်ကြားရတဲ့သတင်းတွေက ခွေးတွေ သေတာ ထိတာများတယ်တဲ့။ခွေးတွေက လစ်ပြီးထင်ပြီး ညဘက်မှာ သွားတာထင်တယ်။လွတ်ပြီအထင်နဲ့အေးဆေးသွားတဲ့အချိန် အတိုက် ခံရတာ။စခတွေ တော်တော်ထိတာ ဘာလို့သေချာသလဲဆိုတော မနက်က လက်နက်ကြီးတွေနဲ့ ရမ်း ပစ်နေလို့ပဲ”လို့ လွိုင်ကော်မြို့နယ်၊နောင်ယားရပ်ကွက်သားတစ်ဦးကပြောပါတယ်။

အကြမ်းဖက်စစ်တပ်ဟာ ကျေးရွာတချို့ကိုလက်နက်ကြီးနဲ့ ရမ်းသန်းပစ်ခတ်နေပြီး မိုးဗြဲ - လွိုင်ကော် လမ်းမကြီးတစ်လျှောက်လည်း အစစ်ဆေးကြမ်းနေကြောင်း KnIC ကဆိုပါတယ်။

ဒီနေ့မနက် သန်းခေါင်ယံတိုက်ပွဲမှာ ပူးပေါင်းတပ်ဖွဲ့ဘက်က အထိအခိုက်မရှိပါဘူး။
~~~~~

ကိုထိုက်