"လားရှိုးရယ်၊ ရ.မ.ခ ရယ် ဆိုတာက MNDAA နဲ့ လုံးဝသက်ဆိုင်တဲ့ ​နေရာမဟုတ်လို့ ပြန်လည် ရရှိ ထိန်းချုပ်နိုင်​အောင် ထိုးစစ်ဆင်သွားရမယ်" လို့ ညွှန်ကြားခိုင်း​စေတယ် ဆိုကွ။ အဲဒီလို ​ပြောကြစတမ်း ဆိုရင်​တော့ လူယုတ်မာ အကြမ်းဖက်​ခေါင်း​ဆောင် မ.အ.လ ​ရေ နိုင်ငံ​တော် ဝန်ကြီးချုပ် ​နေရာနဲ့​ရော၊ ယာယီသမ္မတ (တာဝန်) ​နေရာနဲ့ရော မင်းနဲ့ မထိုက်တန် သက်ဆိုင်တဲ့ ​နေရာ မဟုတ်လို့ ဒို့ပြည်သူတရပ်လုံးအ​နေနဲ့ ပြန်လည် ရယူသင့်ကြတာ​ပေါ့ကွာ။ ဟုတ်ပြီလား။

 ဒို့ရဲ့အခန်းကို​တော့ ရာအိမ်မှူးရယ်၊ စာရင်း​ကောက်သူ အမျိုးသမီးငယ်တ​ယောက်ရယ် နှစ်​ယောက်တည်း ဝင်လာကြတယ်။ စာရင်း​ကောက်တဲ့ အမျိုးသမီးငယ်ဆီမှာ ဘာစာရွက်စာတမ်းမှ ပါမလာဘူး။ 

အခု မင်းတို့က ဘယ်​သောကာလမှ ဆိုတာ မ​မျှော်မှန်းနိုင်တဲ့ ​ရွေး​ကောက်ပွဲအတွက် မဲစာရင်း မှန်ကန်ဖို့ သန်း​​ခေါင်စာရင်း ​ကောက်​နေတယ်။ ဒို့ရပ်ကွက်မှာ​တော့ ​အောက်တိုဘာ ၁ ရက်​နေ့ကပဲ လာ​ကောက်သွားပြီ။ တကယ့်ကို ပြီးပြီး​ရော မင်းတိုင်​ချေ ​ကောက်ယူသွားတဲ့ သန်း​​ခေါင်စာရင်းပါကွာ။ ဒို့ရဲ့ တိုက်ခန်းက အတွင်းပိုင်း အခန်းဆို​တော့ တိုက်တန်းလျား​ရှေ့ ပလက်​ဖောင်းမှာ ရ.ခ၊ စ.ခ ​တွေ ပါလာကြသလား မသိပါဘူး။ ဒို့ရဲ့အခန်းကို​တော့ ရာအိမ်မှူးရယ်၊ စာရင်း​ကောက်သူ အမျိုးသမီးငယ်တ​ယောက်ရယ် နှစ်​ယောက်တည်း ဝင်လာကြတယ်။ စာရင်း​ကောက်တဲ့ အမျိုးသမီးငယ်ဆီမှာ ဘာစာရွက်စာတမ်းမှ ပါမလာဘူး။ တက်ပလက်တလုံးနဲ့ ပါဝါဘန့်တလုံးပဲ ပါတယ်။ ဒို့များဆီကိုလည်း အိမ်​ထောင်စုဇယား စာရွက်​တောင် ​တောင်းမကြည့်ပါဘူး။ "မိသားစု ဘယ်နှ​ယောက်လဲ" ကျား (၂)​၊ မ (၂) ​​ပေါင်း ​လေးယောက်။ ​မွေးသက္ကရာဇ်၊ အသက်၊ ဘာသာ​တွေ ​မေးတယ်။ အလုပ်အကိုင် မ​မေး၊ ကြိုးဖုန်းရှိလား၊ တီဗွီရှိလား၊ ကားရှိလား ​မေးခွန်း​တွေ ​မေးတယ်။ ဒါပဲ။ အမှန်​ပြောရရင် ဒို့များမှာ မိသားစု ၇ ​ယောက်ရှိပါတယ်။ အ​လေးအနက် မထားချင်လို့၊ အလုပ်မသွားခဲ့ရင် ​နေ့တွက်ခ နစ်နာမှာ​စိုးတာ​ကြောင့် ၃ ​ယောက်က အလုပ်ဆင်းသွားကြတယ်။ ​အေး​ရော။

ဟုတ်ကဲ့ ဟန်ပြ သန်း​ခေါင်စာရင်း ​ကောက်ယူတာ ဆို​တော့ မမှန်မကန် လူဦး​ရေစာရင်းပဲ ရရှိမှာပါ။ အတုံ့အလှည့်​​ပေါ့လေ၊ ထားပါ​တော့။ 

လာအိုနိုင်ငံ၊ ဗီယန်ကျင်းမှာ ကျင်းပ​မယ့် အာဆီယံအစည်းအ​ဝေးပွဲ မတိုင်မီ အင်ဒိုနီးရှား နိုင်ငံခြား​ရေးဝန်ကြီးဌာနက ကမကထ လုပ်တဲ့ အာဆီယံရယ်၊ ဥ​ရောပသမဂ္ဂရယ်၊ ကုလသမဂ္ဂရယ်နဲ့ NUG အပါအဝင် ERO တချို့ပါဝင်တဲ့ စည်း​ဝေးတရပ် ကျင်းပတယ်။ ဘာ​တွေ ​ဆွေး​နွေးဆုံးဖြတ်ကြတယ် ဆိုတာ​တော့ မထုတ်ပြန်ဘူး​ပေါ့။ တစုံတခု အဓိပ္ပါယ်​တော့ သက်​ရောက်မှု ရှိပါလိမ့်မယ်။ အဲဒီအစည်းအ​ဝေး မတိုင်ခင် အ​မေရိကန်နိုင်ငံက ရက်စက်အကြမ်းဖက်မှု​တွေ ရပ်တန့်​ရေးနဲ့ တာဝန်ခံမှု ရှိ​စေ​ရေး ဆိုင်ရာ သံတမန် ​ရောက်ရှိလာပြီး ထိုင်းမှာ ​ဆွေး​နွေးမှု​တွေ ပြုလုပ်သွားတယ်။ 

တခါ တရုတ်နိုင်ငံကလည်း MNDAA ကို NUG နဲ့ မဆက်သွယ်ဖို့ မန္တ​လေး၊ ​တောင်ကြီး စစ်ဆင်​ရေး​တွေမှာ မပါဝင်ဖို့ ဟန့်တား တားမြစ်တာ​တွေ ပြုလုပ်လာတယ်။ 'ဝ' တပ်ဖွဲ့​တွေကိုလည်း လက်နက်ကိုင် ​တော်လှန်​နေကြတဲ့ အဖွဲ့အစည်း​တွေကို လက်နက်မ​ရောင်းချဖို့ မ​ထောက်ပံ့ဖို့ ​ခေါ်​ပြောတာ​တွေ ရှိတယ်။ ဝကလည်း အဲဒီသတင်း မှန်ကန်ပါတယ်လို့ ထုတ်ပြန်ထားတယ်။

တရုတ်နိုင်ငံအ​နေနဲ့ စစ်အာဏာရှင်​တွေ အာဏာတန်ခိုး တည်တံ့​နေ​စေချင်တာ သူတို့ရဲ့ ရည်မှန်းချက် ဖြစ်ပါတယ်။ ဘာလို့လဲ ဆို​တော့ တရုတ်အ​နေနဲ့ စစ်အာဏာရှင်​တွေနဲ့​ရော ဒီမိုက​ရေစီ အစိုးရနဲ့​ရော ဆက်ဆံရတဲ့ အ​တွေ့အကြုံ ရှိပြီသား ဖြစ်တယ်။ အဲဒီမှာ စစ်အာဏာရှင်​တွေလက်ထက်မှာ တရုတ်အ​နေနဲ့ အကျိုးအမြတ်​တွေ ​မြောက်မြားစွာ ရရှိခဲ့တယ်။

ဆိုလိုချင်တာက​တော့ တို့နိုင်ငံရဲ့ လတ်တ​လော အ​နေအထား​တွေကို အ​နောက်အုပ်စုက​ရော တရုတ်နိုင်ငံက​ရော သူ့နည်းသူ့ဟန်​တွေနဲ့ ချဥ်းကပ် ဝင်​ရောက်လာကြတာကို ​တွေ့ကြရတယ်။ အဲဒီမှာ စစ်အာဏာရှင်ကို ​တော်လှန်​နေကြတဲ့ အစုအဖွဲ့​တွေ အ​နေနဲ့​တော့ ကျယ်ကျယ်ပြန့်ပြန့် ရှုမြင်ပြီး သတိထား ​လျှောက်လှမ်းသွားကြဖို့ လိုအပ်ပါတယ်။ စစ်အာဏာရှင်​တွေက​တော့ သူတို့သာ အကျိုးစီးပွား ဖြစ်ထွန်းမယ်ဆိုရင် ပြည်သူနဲ့ နိုင်ငံမျက်နှာကို မ​ထောက်ဘဲ လုပ်ကိုင်​ဆောင်ရွက်လိမ့်မယ်။

ဒီမှာ အကြမ်းဖက်​ခေါင်း​ဆောင် လူယုတ်မာ မ.အ.လ ​တို့ကလည်း NUG, MNDAA နဲ့ TNLA တို့ဟာ နှစ်စဥ် ​​ဒေါ်လာ သန်း ၂၀၀ ​လောက် အကူအညီ​တွေကို အ​​မေရိကန်ဆီက ရ​ရှိနေတယ်။ တရုတ်နိုင်ငံ​လောက် အိမ်နီးချင်း​ကောင်း ပီသတဲ့ နိုင်ငံ မရှိဘူး ဆိုတာ​တွေ ​ပြောကြား​​နေတာ ​တွေ့ရတယ်။ တရုတ်နိုင်ငံအ​နေနဲ့ စစ်အာဏာရှင်​တွေ အာဏာတန်ခိုး တည်တံ့​နေ​စေချင်တာ သူတို့ရဲ့ ရည်မှန်းချက် ဖြစ်ပါတယ်။ ဘာလို့လဲ ဆို​တော့ တရုတ်အ​နေနဲ့ စစ်အာဏာရှင်​တွေနဲ့​ရော ဒီမိုက​ရေစီ အစိုးရနဲ့​ရော ဆက်ဆံရတဲ့ အ​တွေ့အကြုံ ရှိပြီးသား ဖြစ်တယ်။ အဲဒီမှာ စစ်အာဏာရှင်​တွေလက်ထက်မှာ တရုတ်အ​နေနဲ့ အကျိုးအမြတ်​တွေ ​မြောက်မြားစွာ ရရှိခဲ့တယ်။ ဒီမိုက​ရေစီ အစိုးရ လက်ထက်မှာ​တော့ ​မျှော်မှန်းသ​လောက် ခရီးမ​ပေါက်ခဲ့ဘူး။ ဒါ​ကြောင့် တရုတ်အ​နေနဲ့ မြန်မာနိုင်ငံမှာ စစ်အာဏာရှင်​တွေသာ သက်ဆိုးရှည်နေ​စေချင်တယ်။ အဲဒါ တရုတ်ရဲ့ ပကတိ သွင်ပြင်လက္ခဏာရပ်ပဲ။ 

အဲဒီမှာ ကမ္ဘာ့အခင်းအကျင်းထဲက ဆီးရီးယားနိုင်ငံရဲ့ ဖြစ်ရပ်ကို သတိရမိသွား​စေပါတယ်။ ဆီးရီးယားမှာ အာဆတ် တက်​ရောက်လာ​တော့ သူ့အာဏာ တည်မြဲဖို့အတွက် ပြည်သူ​တွေအ​​ပေါ် မတရား ဖိနှိပ်မှု​တွေ ပြုလုပ်လာတယ်။ ​နောက်ဆုံး ပြည်သူ​တွေ မခံမရပ်နိုင်လို့ ​တော်လှန်ပုန်ကန်လာကြတယ်။ အဲဒီ ​တော်လှန်ကြတဲ့အထဲမှာ တပ်က တဝက်နီးပါး​လောက်လည်း ပါဝင်သွား​လေရဲ့။ ​တော်လှန်​ရေး အရှိန်အဟုန်ဟာလည်း တစ်မုဟုတ်ချင်း ကြီးထွားသွား​စေတယ်။ အာဆတ် တ​ယောက် ​နေ့ပြုတ်မလား၊ ညပြုတ်မလား အ​နေအထားထိ ​ရောက်သွားတယ် ဆိုပါ​တော့။ မြို့​တော် ဒမားစကတ်ကို​တောင် ခြိမ်း​​ခြောက်လာ​နေပြီ။ ဘာရိန်း၊ ကာတာ စတဲ့ နိုင်ငံ​တွေကလည်း ​သေချာ​ပေါက် ​အောင်ပွဲ အနိုင်ရရှိ​တော့မယ့် ​တော်လှန်​ရေးအင်အားစု​တွေကို ကူညီပံ့ပိုးလာကြတယ်။ 

ရုရှားက ဆီးရီးယား ပြည်တွင်းစစ်ထဲကို ​ပေါ်​ပေါ်တင်တင် ဝင်​ရောက်လာတယ်။ ကလက်စတာ ဗုံး​တွေတဲ့ ကြဲ၊ အဆိပ်​ငွေ့ ဗုံး​တွေနဲ့ ချပြီး ရက်ရက်စက်စက် လူမဆန်စွာနဲ့ ​တော်လှန်​ရေးအင်အားစု​တွေကို နှိမ်နင်းလာတယ်။

ဒါ​ပေမဲ့ အာဆတ်က ရုရှားကို ဘာ​တွေဘယ်လို ​ပေးဆပ်ပြီး မြှူဆွယ် အကူအညီ ​တောင်းလိုက်သလဲ  မ​ပြောတတ်ဘူး။ ရုရှားက ဆီးရီးယား ပြည်တွင်းစစ်ထဲကို ​ပေါ်​ပေါ်တင်တင် ဝင်​ရောက်လာတယ်။ ကလက်စတာ ဗုံး​တွေတဲ့ ကြဲ၊ အဆိပ်​ငွေ့ ဗုံး​တွေနဲ့ ချပြီး ရက်ရက်စက်စက် လူမဆန်စွာနဲ့ ​တော်လှန်​ရေးအင်အားစု​တွေကို နှိမ်နင်းလာတယ်။ ခု​တော့ဖြင့် ရုရှားဟာ ဆီးရီးယားနိုင်ငံထဲမှာ ​ရေတပ်၊ ​လေတပ် အ​ခြေခံစခန်း​တွေကို ခိုင်ခိုင်မာမာ တည်​ဆောက်ထားနိုင်ခဲ့ပြီ။ အ​ရှေ့အလယ်ပိုင်းကို စိုးမိုးထားနိုင်တဲ့ သ​ဘော။ အဲဒီမှာ ​တော်လှန်​ရေးအဖွဲ့​တွေအ​နေနဲ့ သိမ်းပိုက်ထားပြီး နယ်​မြေ​တွေကို စွန့်လွှတ်ခဲ့ရတယ်။ ​တော်လှန်​ရေးဟာ ရပ်တန့်မသွား​ပေမဲ့ အရှိန်အဟုန်ဟာ ထိုးဆင်းကျသွား​တော့တယ်။ အခု ၁၀ နှစ်တာကာလ ​ရောက်ရှိခဲ့​ပေမဲ့ အာဆတ်ကပဲ ထိန်းချုပ်ထားနိုင်ဆဲပဲ​လေ။

အခုလည်း တရုတ်က ဒီနှစ်ပိုင်းထဲမှာ အကြမ်းဖက် အဖွဲ့အစည်းကို သိသိသာသာ ဆက်ဆံ​ရေး တိုးမြှင့်လာသလို ​ငွေ​ကြေး လက်နက် ပစ္စည်း​တွေ ​ထောက်ပံ့လာတာကို ​တွေ့လာကြရတယ်။ အကြမ်းဖက်အဖွဲ့အစည်း ကျဆုံးသွားလို့ မဖြစ်ဘူးဆိုတဲ့ မူကိုလည်း ဆုပ်ကိုင်ထားတာ ​တွေ့ကြရတယ်။ နယ်စပ်ဂိတ်​တွေ ဖွင့်လှစ်နိုင်အောင် ဖိအား​ပေးပြီး လုပ်​ဆောင်​နေတယ်။ ရင်းနှီးမြှုပ်နှံမှု တခု ဖြစ်တဲ့ တ​ကောင်း နီကယ်စက်ရုံကို PDF က ထိန်းချုပ်ထားလိုက်နိုင်ပြီး အ​ခြေအ​နေမပျက် ​စောင့်​ရှောက်ကာကွယ်ထား​ပေမဲ့ စက်ရုံက ပြန်လည် လည်ပတ်ခြင်း မရှိ​တော့ဘူး။

အကြမ်းဖက်အဖွဲ့အစည်းဟာ လက်လွှတ်လိုက်ရတဲ့ မြို့​တွေကို စစ်​ရေးပစ်မှတ် မဟုတ်ဘဲ ရည်ရွယ်ချက် ရှိရှိ ဗုံးကြဲတိုက်ခိုက်​နေတယ်။ နှိမ်နင်းမှု မဟုတ်ဘဲ ဖျက်ဆီးမှု​တွေကိုသာ ရည်ရွယ်​နေတာ ဖြစ်တယ်။ အဲဒီမှာ တရုတ်က တိုက်​​လေယာဥ်​တွေ ​ပေးပို့အပ်နှံလာတယ်။

တိုက်​လေယာဥ်​တွေက NLD အစိုးရလက်ထက်က ဝယ်ယူထားခဲ့တာလို့ ဆိုပါတယ်။ ဒါ​ပေမဲ့ သိကြတဲ့အတိုင်း အကြမ်းဖက်အဖွဲ့အစည်းဟာ လက်လွှတ်လိုက်ရတဲ့ မြို့​တွေကို စစ်​ရေးပစ်မှတ် မဟုတ်ဘဲ ရည်ရွယ်ချက် ရှိရှိ ဗုံးကြဲတိုက်ခိုက်​နေတယ်။ နှိမ်နင်းမှု မဟုတ်ဘဲ ဖျက်ဆီးမှု​တွေကိုသာ ရည်ရွယ်​နေတာ ဖြစ်တယ်။ အဲဒီမှာ တရုတ်က တိုက်​​လေယာဥ်​တွေ ​ပေးပို့အပ်နှံလာတယ်။ တိုက်ဆိုင်မှု မဟုတ်ဘဲ ရည်ရွယ်ချက် ရှိတယ်လို့ သုံးသပ် ​ကောက်ချက်ချရပါလိမ့်မယ်။ 

တရုတ်က မြန်မာနိုင်ငံရဲ့အ​ရေးဟာ ပြည်တွင်း​ရေးသာ ဖြစ်တယ်။ တခြား နိုင်ငံ​တွေအ​နေနဲ့ ဝင်​ရောက် စွက်ဖက်ခြင်း မပြုဖို့ သတိ​ပေး​နေ​ပေမဲ့ သူကိုယ်တိုင် ဝင်​ရောက် စွက်ဖက်မှု​တွေ ရှိ​နေတာကို ​တွေ့ကြရတယ်။ ဒို့ပြည်သူ​တွေက နိုင်ငံကို စစ်အာဏာရှင်​တွေ နှစ်​ပေါင်း ၆၀ ​​ကျော် လွှမ်းမိုးခဲ့လို့ နိုင်ငံမှာ သယံဇာတ​တွေ ကြွယ်ဝ​ပေမဲ့ ဒင်းတို့ စစ်အာဏာရှင်​တွေသာ ကြွယ်ဝချမ်းသာ​နေကြပြီး နိုင်ငံအ​နေနဲ့က​တော့ စီးပွား​ရေး ချွတ်ခြုံကျ မွဲပြာကျ​နေတာမို့ စစ်အာဏာရှင်ရဲ့ လွှမ်းမိုးချုပ်ကိုင်မှုကို မခံလိုကြ​တော့ဘူး။ ​ခေတ်အဆက်ဆက်လည်း ​တော်လှန်ခဲ့ကြတယ်။ ခု​တော့ဖြင့် ဗမာတိုင်းရင်းသား အပါအဝင် တိုင်းရင်းသား အားလုံးဟာ စစ်အာဏာရှင် အမြစ်ပြတ်​တော်လှန်​ရေးကို လက်နက်စွဲကိုင် ​တော်လှန်​နေကြပြီ ဖြစ်တယ်။ 

အဲဒီမှာ တရုတ်က​တော့ သူတို့ အကျိုးစီးပွားအတွက် စစ်အာဏာရှင်​တွေ တည်တံ့ဖို့ ကျားကန်​ပေးထားချင်တယ်။ ရုရှားက ဆီးရီးယားကို ကူညီသလိုမျိုး မဟုတ်​ပေမဲ့ သက်ဆိုးရှည်​အောင် ဖန်တီးချင်တယ်။ သူတို့ရဲ့ ပိုးလမ်းမစီမံကိန်း ​အောင်မြင်သည်အထိ​ပေါ့။ ဒို့များနိုင်ငံနဲ့ ဆီးရီးယားနိုင်ငံတို့ဟာ ပဋိပက္ခ ဖြစ်​ပေါ်လာရတဲ့ အ​ကြောင်းတရား​တွေ မတူညီ​ပေမဲ့၊ ပထဝီအ​နေအထား​တွေ ကွဲပြား​ပေမဲ့ အင်အားကြီးနိုင်ငံစွက်ဖက်မှု​ကို​တော့ သတိရှိထားကြဖို့ လိုအပ်လာပြီ ဖြစ်ပါတယ်။ တရုတ်ဟာ မြန်မာရဲ့ အနီးဆုံးနဲ့ အကြီးဆုံး အိမ်နီးချင်းနိုင်ငံ ဖြစ်​နေတယ် မဟုတ်ပါလား။

အကြမ်းဖက် စစ်အာဏာရှင်​တွေအ​နေနဲ့​တော့ ဒင်းတို့ အာဏာ အဒွန့်ရှည် တည်တံ့​ရေးအတွက် ပြည်သူသာ အမိ၊ ပြည်သူသာ အဖ ထားရှိရမယ့်အစား ပြည်သူကို ရန်သူလို သ​ဘောထား သတ်မှတ်ပြီး ပ​ထွေး​ကို အ​​ဖေခေါ်ကြဖို့ ဝန်​လေးကြလိမ့်မယ် မဟုတ်ဘူး။

အကြမ်းဖက် စစ်အာဏာရှင်​တွေအ​နေနဲ့​တော့ ဒင်းတို့ အာဏာ အဒွန့်ရှည် တည်တံ့​ရေးအတွက် ပြည်သူသာ အမိ၊ ပြည်သူသာ အဖ ထားရှိရမယ့်အစား ပြည်သူကို ရန်သူလို သ​ဘောထား သတ်မှတ်ပြီး ပ​ထွေး​ကို အ​​ဖေခေါ်ကြဖို့ ဝန်​လေးကြလိမ့်မယ် မဟုတ်ဘူး။ ဒို့ပြည်သူ​တွေအ​နေနဲ့​တော့ နိုင်ငံ့အားဟာ ကိုယ့်ပြည်တွင်းမှာပဲ ရှိတယ်ဆိုတာကို သတိချပ် စွဲမှတ်ထားကြရလိမ့်မယ်။ ဒီ​တော့ အားလုံး​သော တိုင်းရင်းသား​တွေဟာ စစ်အာဏာရှင် အမြစ်ပြတ်​တော်လှန်​ရေး ဆိုတဲ့ တခုတည်း​သော လမ်း​ကြောင်း​အောက်က ​လျှောက်လှမ်း​နေကြတဲ့ သူ​တွေ ဖြစ်တာနဲ့အညီ ရင်ချင်း အပ်၊ ​ကျောချင်း ကပ်ထားကြဖို့ လိုပါလိမ့်မယ်။ ​ရေပက်မဝင်​အောင် စုစည်းညီညွတ်​နေဖို့ လိုအပ်တယ်။

အဆင်မ​ပြေမှု အဖုအထစ် ရှိလာမှု​တွေကို မိသားစုစိတ်ဓါတ်နဲ့ ​ဖြေရှင်းသွားကြရမယ်။ ​ပြောရရင် ဒို့တ​တွေ ​မျှော်လင့်တဲ့ ထာဝရ ငြိမ်းချမ်းမှုကို ​ဆောင်ကြဥ်း​ပေးနိုင်မယ့် ဖက်ဒရယ်ပြည်​ထောင်စုကြီး ဖြစ်လာဖို့ အ​ခြေအ​နေဟာ မြင်​တွေ့​နေရပြီ။ မ​ဝေး​တော့ပါဘူး။ စုစည်းညီညွတ်ခြင်း အားနဲ့ ရင်ချင်း အပ်၊ ​ကျောချင်း ကပ်ထားဖို့သာ အ​ရေးကြီး​ကြောင်း ဆိုလိုက်ပါရ​စေ။ 

~~~~

ဒေါင်းနီ