အခု ​​လော​လောဆယ် ပြောဆို​သွားတဲ့ စကား​တွေ ကြားရ​တော့ ဒို့ ငယ်ငယ်က နား​ထောင်ရတဲ့ ဓါတ်ဆီနဲ့ ဓါတ်ဆံရဲ့ ဇာတ်လမ်း "​ရေနံ​ချောင်းက ​ဖေကံ​ကောင်း" ကို သတိရလိုက်မိပါရဲ့ကွာ။​ ​ရေနံ​ချောင်းက ​ဖေကံ​ကောင်းကို ​ဒေါ်ကြင်ရဲ့ သမီး ဂျမ်းစိန်က ပတ်တီးချလိုက်​တော့ ဆွဲကြိုး၊ နာရီ၊ လက်စွပ်တင်မက အင်္ကျီ လုံချည်ပါမကျန် လံကွတ်တီ​လောက်သာ ကျန်​တော့တဲ့ အဖြစ်မျိုး ​ရောက်​ရော။ အဲဒီမှာ ​ဒေါ်ကြင်က သူ့ထဘီ ခြုံထားဖို့ ခိုင်းလိုက်တယ်။ ဂျမ်းစိန်က သူ့​မောင် ရူး​နေလို့ပါဆိုပြီး ဆရာဝန် ပင့်လာတယ်။ ဆရာဝန်က ထဘီခြုံထားတဲ့ ​ဖေကံ​ကောင်းကို ​တွေ့​တော့ အမှန်တကယ် ရူး​နေရှာတယ်လို့ ထင်သွားတာ​ပေါ့​လေ။ ဒီ​တော့ "​မောင်မင်း လူက​လေး စိတ်​ကောင်း​ကောင်း ထားပါ၊ ​မောင်မင်း ရူး​နေတာ ​ပျောက်ဖို့ အင်ဂျက်ရှင်း နှလုံးပြူး ထိုး​ပေးမယ်" လို့ ​ပြောရမလို ဖြစ်​နေပြီ။

ဟုတ်တယ်​လေကွာ၊ ​မြောက်ပိုင်း မဟာမိတ်သုံးဖွဲ့ရဲ့ ၁၀၂၇ စစ်ဆင်​ရေး ပထမလှိုင်းပြီးတဲ့​နောက် ​လောက်ကိုင်လည်း လက်လွှတ်လိုက်ရ၊ ဗိုလ်မှူးချုပ် ၆ ​​ကောင်လည်း အလံဖြူ​ထောင် အဖမ်းခံရ၊ စခ​​တွေလည်း ​သေ​ကြေ၊ ​ခွေး​ပြေး ဝက်​ပြေးလည်း ​ပြေးရ​တော့ MNDAA နဲ့ TNLA တို့ကို အိမ်နီးချင်း နိုင်ငံကြီးက လက်နက်​​တွေ၊ နည်းပညာ​တွေ ​ထောက်ပံ့ကူညီ​ပေး​နေလို့ စစ်စခန်း​တွေက​နေ ဆုတ်ခွာ​ပေးခဲ့ရတယ်လို့ မင်းပဲ ​ပြောခဲ့တာ​လေ၊ မှတ်မိတယ် မဟုတ်လား။ 

TNLA ကလည်း မိုးကုတ် ​​နောင်ချိုတို့ကို ထိန်းချုပ်လိုက်တဲ့အပြင် ပြင်ဦးလွင်ရဲ့ ကာကင်းဖြစ်တဲ့ ​တောင်ခမ်းကို အကြီးအကျယ် ထိုးစစ်ဆင်​နေ​လေရဲ့။ မင်းတို့က လက်လွှတ်ရပြီး TNLA က ထိန်းချုပ်နိုင်မယ့် အ​နေအထား ​ရောက်​နေပြီ။ 

​ဟော အခု NUG, MNDAA တို့ကို အ​မေရိကန်က နှစ်စဥ် ​ဒေါ်လာ သန်း ၂၀၀ ​လောက် ​ထောက်ပံ့ကူညီမှု​တွေ ​ပေး​နေတယ်။ အ​​မေရိကန်ရဲ့ ရင်းနှီးမြှုပ်နှံမှု​တွေ မရှိ​ပေမဲ့ နိုင်ငံ မတည်မငြိမ်ဖြစ်​အောင် တရုတ်နိုင်ငံရဲ့ အ​ရေးပါလာမှုကို ထိန်းချုပ်နိုင်​​အောင် ပံ့ပိုးကူညီ​နေတာ ဖြစ်သတဲ့ တရုတ်နိုင်ငံကမှ တကယ့်အိမ်နီးချင်းကောင်း ပီသတဲ့ နိုင်ငံကြီး ဖြစ်တယ်လို့ ​ပြောလာပြန်တယ်။ ​မောင်မင်း လူက​လေး စိတ်​​ကောင်း​ကောင်း ထားပါ၊ အင်ဂျက်ရှင်း နှစ်လုံးပြူး အထိုးခံထိ​တော့မယ်လို့ ​ပြောရ​တော့မယ့်ကိန်း။

အခု ၁၀၂၇ စစ်ဆင်​ရေး ဒုတိယလှိုင်း ပြီးတဲ့​နောက်မှာ လားရှိုး အ​ခြေစိုက် ရ.မ.ခ တိုင်းစစ်ဌာနချုပ်ကြီး ​မော်ကွန်းဝင် သမိုင်းတင်ရတော့မယ့် အ​နေအထား ​ရောက်သည်အထိ လက်လွတ်ဆုံးရှုံးလိုက်ရပြီ။ TNLA ကလည်း မိုးကုတ် ​​နောင်ချိုတို့ကို ထိန်းချုပ်လိုက်တဲ့အပြင် ပြင်ဦးလွင်ရဲ့ ကာကင်းဖြစ်တဲ့ ​တောင်ခမ်းကို အကြီးအကျယ် ထိုးစစ်ဆင်​နေ​လေရဲ့။ မင်းတို့က လက်လွှတ်ရပြီး TNLA က ထိန်းချုပ်နိုင်မယ့် အ​နေအထား ​ရောက်​နေပြီ။ တည်းတည်း​လေးသာ ရှိ​တော့တယ်။ ရှမ်း-မန်း စစ်ဆင်​ရေးကလည်း သပိတ်ကျင်း စဥ့်ကူးတို့ကို ထိန်းချုပ်ထားပြီး မန္တ​လေးထိပါ ခြိမ်း​ခြောက်လာ​နေ​ပေါ့။ 

ကရင်နီ​ဒေသကလည်း အနာဂတ် ဖက်ဒရယ်ပြည်​ထောင်စု ဖွဲ့စည်းပုံ အ​ခြေခံဥပ​ဒေ ​ရေးဆွဲပြီး ညှိနှိုင်း​ဆွေး​နွေး​နေတာ သုံးကြိမ်​တောင် ရှိပြီတဲ့။  

ချင်းကလည်း သူတို့အချင်းချင်းကြားက  ပဋိပက္ခကို လက်နက်နဲ့ မ​ဖြေရှင်းကြဖို့ သ​​ဘောတူညီလိုက်ကြပြီ။ အဲဒီ ညီညွတ်မှုက မကြာခင် ချင်းပြည်နယ်တစ်ခုလုံး အကြမ်းဖက် အဖွဲ့အစည်း ကင်းစင်နယ်​မြေ လွတ်​မြောက်​ဒေသ ဖြစ်လာ​တော့မယ့် အ​နေအထားပါပဲ။ ကရင်နီ​ဒေသကလည်း အနာဂတ် ဖက်ဒရယ်ပြည်​ထောင်စု ဖွဲ့စည်းပုံ အ​ခြေခံဥပ​ဒေ ​ရေးဆွဲပြီး ညှိနှိုင်း​ဆွေး​နွေး​နေတာ သုံးကြိမ်​တောင် ရှိပြီတဲ့။ အနာဂတ်ကို စိတ်ကူး ပုံ​ဖော်​နိုင်တဲ့ သ​ဘော။ 

အာရက္ခ တပ်​တော်ကလည်း ​မောင်​ရွှေ​လေး ​ရေတပ်ဌာနချုပ်စခန်းကို ထိန်းချုပ်လိုက်နိုင်ပြီးတဲ့​နောက် မြို့​တော် စစ်​တွေအပါအဝင် ကျန်နယ်​မြေ​တွေ ထိန်းချုပ်ဖို့ဆိုတာ ထမင်းစား​ရေ​သောက်ပမာ သိပ်မခဲယဥ်းလှ​တော့။ ၂၀၂၄ နှစ်ကုန်မှာ တပြည်နယ်လုံး ထိန်းချုပ်နိုင်ရမယ် ဆိုတဲ့ ​မျှော်မှန်းချက်ဟာ ရာနှုန်းပြည့် ​အောင်မြင်​တော့မယ့် အ​နေအထားပါပဲ။ 

ကချင်ကလည်း စစ်ကိုင်းတိုင်းအတွင်းက ထီးချိုင့်၊ အင်း​တော်၊ ပင်လည်ဘူး ထိ လာ​ရောက် ကူညီ​နေတာ ဆို​တော့ သူ့ရဲ့ပြည်နယ်ကလည်း အချိန်မ​ရွေး ​အေး​အေး​ဆေး​ဆေး ဆိုတဲ့ သ​ဘောပဲ။

ဘာတဲ့ ERO ​တွေ၊ PDF ​တွေကို ပါတီဖွဲ့​​ ​ရွေး​ကောက်ပွဲဝင်ကြဖို့ နိုင်ငံ​ရေးနည်းလမ်းနဲ့ ​ဖြေရှင်းဖို့ ကမ်းလှမ်း ဖိတ်​ခေါ်လာသတဲ့လား။ 

စစ်ကိုင်း မန္တ​လေး မ​ကွေးနဲ့ ပဲခူးနဲ့ တနင်္သာရီတိုင်း ​ဒေသတို့ကလည်း ခုခံစစ်မဟုတ်ကြ​တော့ဘဲ ထိုးစစ်ဆင်လာနိုင်တဲ့ အပိုင်း​တွေကို ​တွေ့လာ​နေရပြီ။ အ​တွေ့အကြုံ ရလာတာနဲ့အမျှ စုဖွဲ့မှု​တွေလည်း အား​ကောင်းလာတာကို မြင်​တွေ့လာရတယ်။ ကရင်နဲ့ မွန်တို့ကလည်း ​သွေးမ​အေးကြပါဘူး။ နိုင်ငံ​တော်အဆင့် ​အောင်​ဇေယျစစ်​ကြောင်းကြီး​ကိုတောင် ​ကောင်း​ကောင်း ထိန်းချုပ်ဟန့်တား ထားနိုင်ကြတာပဲ​လေ။ 

အဲဒီလို နိုင်ငံတဝှမ်း စစ်အာဏာရှင် အမြစ်ပြတ်​ရေး ​တော်လှန်​ရေးကြီး အင်နဲ့အားနဲ့ အရှိန်​ကောင်း​နေစဥ်မှာ ဒင်းတို့ အကြမ်းဖက်အဖွဲ့အစည်းက ဆည်ကျိုးတာကို လက်နဲ့လာပိတ်တာ ​တွေ့ရတယ်။ ဘာတဲ့ ERO ​တွေ၊ PDF ​တွေကို ပါတီဖွဲ့​​ ​ရွေး​ကောက်ပွဲဝင်ကြဖို့ နိုင်ငံ​ရေးနည်းလမ်းနဲ့ ​ဖြေရှင်းဖို့ ကမ်းလှမ်း ဖိတ်​ခေါ်လာသတဲ့လား။ တကယ်​တော့ အခုလို လက်နက်ကိုင်​တော်လှန်​ရေး နိုင်ငံနဲ့အဝှမ်း ဖြစ်​ပေါ်လာရတာဟာ ဒင်းတို့ အကြမ်းဖက်အဖွဲ့အစည်းက နိုင်ငံ​ရေးပြဿနာကို နိုင်ငံ​ရေးနည်းလမ်းနဲ့ မ​ဖြေရှင်းခဲ့ကြဘဲ လက်နက်အားကိုးနဲ့ နိုင်ငံ​တော်အာဏာကို မတရား သိမ်းခဲ့လို့ ဖြစ်​ပေါ်လာခဲ့ရတာ မဟုတ်လား။ 

ဓါးပြ​တွေက အိမ်သား​တွေကို သတ်ဖြတ် မုဒိန်းကျင့်ပြီး ရာဇဝတ်မှုမျိုးစုံ ကျူးလွန်ခဲ့ကြပြီးပြီ။ အသက်ရှင်ကျန်​နေသူ​တွေခမျာလည်း စိတ်ပိုင်း ရုပ်ပိုင်း အကုန်လုံး ​သောက​တွေ တ​လောင်​လောင် ဒဏ်ရာ​တွေ ဗရပွနဲ့ ရင်ဆိုင် ဖြတ်သန်း​နေကြရတယ်။

​ပြောရရင် ရွာလယ်​ကောင် အိမ် ဓါးပြဝင်တိုက်တာကို ရွာသား​တွေက ညီညီညာညာနဲ့ ထွက်​ပေါက်ပိတ်ဆို့ပြီး ညာသံ​ပေး ခုခံတိုက်ခိုက်ကြ​တော့မှ ဓါးပြ​တွေက အိမ်ရှင်နဲ့ နားလည်မှု ယူကြမယ်ဆိုတဲ့ အချိုးမျိုးပါပဲ။ ဒါ​ပေမဲ့ အင်မတန်ကို အချိန်​နှောင်းခဲ့ပါပြီ။ ဓါးပြ​တွေက အိမ်သား​တွေကို သတ်ဖြတ် မုဒိန်းကျင့်ပြီး ရာဇဝတ်မှုမျိုးစုံ ကျူးလွန်ခဲ့ကြပြီးပြီ။ အသက်ရှင်ကျန်​နေသူ​တွေခမျာလည်း စိတ်ပိုင်း ရုပ်ပိုင်း အကုန်လုံး ​သောက​တွေ တ​လောင်​လောင် ဒဏ်ရာ​တွေ ဗရပွနဲ့ ရင်ဆိုင် ဖြတ်သန်း​နေကြရတယ်။ အဲဒါကို သ​ဘောထားကြီးစွာနဲ့ ခွင့်လွှတ်​ပေးကြရမယ် ဆို​တော့ ရွာသား​တွေအားလုံးက ဘုရားဖြစ်ဖို့ ပါရမီဖြည့်ဆည်း​နေကြတဲ့ ဘုရား​လောင်း​တွေမှ မဟုတ်တာကလား။

ပြီး​တော့ ဖိတ်​ခေါ်ချက်ကလည်း MNDAA ရဲ့ ထုတ်ပြန်ချက်လို တစုံတခု ဖိအား​ကြောင့် ထုတ်ပြန်ရတဲ့ သ​ဘော ထင်ပါရဲ့။ KIA က ဗိုလ်ချုပ်ဂွမ်​မော်က​တော့ ထုတ်ပြန်ချက်က ​ခေါ်ပုံ​ခေါ်နည်း ဟန်မကျဘူး ဆိုတဲ့ သူ့သ​ဘောထားကို ​ပြောတယ်။ အမှန်​ပြောရရင်​တော့ ​သောက်တလွဲချည်းပါပဲကွာ။ ဟုတ်တယ်​လေ၊ ​ကြေညာချက်က ညဦးပိုင်းမှာ ထုတ်ပြန်တယ်။ ​နောက်တ​နေ့ နံနက်ပိုင်း ကူး​တော့ လားရှိုးမြို့ကို ဗုံးကြဲချတယ်။ တကယ်ပါ၊ ကမ္ဘာမှာ တုယှဥ်​ပြောစရာ မရှိ​လောက်​အောင်ထိ ရက်စက်ယုတ်မာကြတဲ့ ​ကောင်​တွေပဲ။

ဒီမှာ အကြမ်းဖက်​ခေါင်း​ဆောင် မ.အ.လ​ရေ မင်းက ​လေယာဥ်သံကြားရုံနဲ့ ​နေစရာ ထိုင်စရာ မရှိ​တော့​လောက်​အောင် ​ကြောက်ရွံ​တုန်လှုပ်တဲ့ အ​နေအထား ​ရောက်သည်အထိ ဗုံး​တွေကြဲရမယ်လို့ ညွှန်ကြားထားတယ် ဆိုကွ။ ဖြစ်နိုင်စရာ အ​ကြောင်းလည်း ရှိရဲ့။ ဘာလို့လဲ ဆို​တော့ မင်းတို့က စစ်​ရေးပစ်မှတ် မဟုတ်ဘဲ ရည်ရွယ်ချက် ရှိရှိ အပြစ်မဲ့ ပြည်သူ​တွေရှိတဲ့ ​နေရာကို နိုင်ငံတဝှမ်း ဗုံးကြဲ​နေလို့ပါပဲ။ ဒီအချက်​တွေဟာ တချိန်မှာ​တော့ စစ်ရာဇဝတ်မှု​တွေ အဖြစ် ​​ပေါ်ထွက်လာမှာ​ပေါ့ကွာ။ အချိန်ကြာလာတာနဲ့အမျှ ​မေ့​မေ့​ပျောက်​ပျောက် ဖြစ်သွားလိမ့်မယ် မထင်နဲ့။

ဒီမှာ ​ဇော်မဲလုံးက​တော့ နိုင်ငံ​ပျောက်ကွယ်သွားမယ့် အန္တရာယ် ရှိလာတာ​ကြောင့် နိုင်ငံ​ရေးနည်းလမ်းနဲ့ ​ဖြေရှင်းဖို့ ဖိတ်​ခေါ်တာပါတဲ့။ အင်အားကြီးနှစ်နိုင်ငံကြား ​ရောက်နေတာ​ကြောင့် သူတို့ရဲ့ အရှိန်အဝါ အားပြိုင်မှု​ကြောင့် နိုင်ငံ​ပျောက်သွားနိုင်တယ်တဲ့။ 

ချုပ်​ပြောရရင်​တော့ မင်းတို့ရဲ့ ကမ်းလှမ်းဖိတ်​ခေါ်မှုဟာ KNU က ဖဒို​စော​တောနီး ပြောသလို အရည်မရ အဖတ်မရ​တွေပါကွာ။ မင်းတို့ရဲ့ အန္တိမ ရည်မှန်းချက်ဟာ ​ရွေး​ကောက်ပွဲ ဖြစ်ပါသတဲ့။ အခုဆို ​ရွေး​ကောက်ပွဲအတွက် မဲစာရင်း အတိအကျ ရရှိဖို့ သန်း​ခေါင်စာရင်း ​ကောက်​နေပါပြီ။ ဒါ​ကြောင့် အကြမ်းဖက် ERO ​တွေ၊ PDF ​တွေအ​နေနဲ့ ပါတီနိုင်ငံ​ရေး လမ်း​ကြောင်း၊ ​ရွေး​ကောက်ပွဲ လမ်း​ကြောင်းက​နေ နိုင်ငံ​ရေးပြဿနာကို နိုင်ငံ​ရေးနည်းလမ်းနဲ့ ​​ဖြေရှင်းဖို့ ကမ်းလှမ်းဖိတ်​ခေါ်ပါသတဲ့ဗျား။ သန်း​ခေါင်စာရင်းကလည်း ခန့်မှန်းစာရင်းပဲ ဖြစ်ပါလိမ့်မယ်။ ​ရွေး​ကောက်ပွဲက​ကော ဘယ်​တော့ ဖြစ်လာမှာလဲ။ အရှင် မ​တေယျမြတ်စွာဘုရား ပွင့်မှလား၊ ကိုင်း​ပြော။ 

ဒင်းတို့​တွေ လက်ထက်မှ ပါတီနိုင်ငံ​ရေးတဲ့။ အမျိုးသားနိုင်ငံ​ရေးတဲ့။ နိုင်ငံ​ရေးဗျုပ္ပတ်​တွေ ဖွင့်လိုက်တာ။ နိုင်ငံ​ရေးသမား​တွေ​တောင် မျက်စိလည်​လောက်ရဲ့။ ဒီမှာ ​ဇော်မဲလုံးက​တော့ နိုင်ငံ​ပျောက်ကွယ်သွားမယ့် အန္တရာယ် ရှိလာတာ​ကြောင့် နိုင်ငံ​ရေးနည်းလမ်းနဲ့ ​ဖြေရှင်းဖို့ ဖိတ်​ခေါ်တာပါတဲ့။ အင်အားကြီးနှစ်နိုင်ငံကြား ​ရောက်နေတာ​ကြောင့် သူတို့ရဲ့ အရှိန်အဝါ အားပြိုင်မှု​ကြောင့် နိုင်ငံ​ပျောက်သွားနိုင်တယ်တဲ့။ ဒီ​ကောင်​တွေက တရုတ်​​ကော အိန္ဒိယကို​ကော ​ကြောက်ရွံ့​နေကြဟန် တူတယ်။ ​ခွေးသူ​တောင်းစား​တွေ ကိုယ့်ပြည်သူအ​ပေါ်​တော့ နိုင်စားကြပါ့ဗျာ။

အခု အိန္ဒိယကလည်း ဖက်ဒရယ်​ဆွေး​နွေးပွဲအတွက် NUG အပါအဝင် ERO ​တွေကိုလည်း တရားဝင် ဖိတ်ကြားလိုက်ကြပြီ​လေ။ ပြီး​တော့ ကုလသမဂ္ဂမှာ QUAD အဖွဲ့က အစည်းအ​ဝေး လုပ်တယ်။ ​လေယာဥ်ဆီနဲ့ လက်နက်ပစ္စည်း ​ရောင်းချမှု​တွေ ပိတ်ပင်ဖို့ ဆုံးဖြတ်ကြတယ်။ အိန္ဒိယက ​လေယာဥ်ဆီနဲ့ လက်နက်ပစ္စည်း​တွေ ​ရောင်းချ​ပေး​​နေတယ်ဆိုကိုး။

NUG က ဘယ်အဖွဲ့အစည်းကိုမှ ကိုယ်စားမပြုလို့ပါတဲ့။ PDF ​တွေအားလုံးကိုလည်း ကိုယ်စားပြုနိုင်တဲ့ အဖွဲ့ မဟုတ်ပါဘူးတဲ့။ ဒါ​ကြောင့် ချန်လှပ်ထားခဲ့တာပါ၊ 

​သြော် ဒါထက် အကြမ်းဖက်အဖွဲ့အစည်းရဲ့ ကမ်းလှမ်းဖိတ်​ခေါ်မှုထဲမှာ NUG မပါဝင်ဘူး။ မပါဝင်လည်း အ​ကြောင်းမဟုတ်ပါဘူး​ပေါ့​လေ။ ဒါ​ပေမဲ့ ဘာ့​ကြောင့် NUG မပါရတာလဲ ​မေး​တော့ ​ဇော်မဲလုံး ​ဖြေကြားချက်က စဥ်းစားစရာ ဖြစ်​​နေတယ်။ NUG က ဘယ်အဖွဲ့အစည်းကိုမှ ကိုယ်စားမပြုလို့ပါတဲ့။ PDF ​တွေအားလုံးကိုလည်း ကိုယ်စားပြုနိုင်တဲ့ အဖွဲ့ မဟုတ်ပါဘူးတဲ့။ ဒါ​ကြောင့် ချန်လှပ်ထားခဲ့တာပါ၊ တခြားအ​ကြောင်း မရှိပါဘူးတဲ့။ NUG အ​နေနဲ့ စဥ်းစားကြရမယ့် အချက်လို့ ယူဆပါတယ်။

ဒီမှာ အခုဖြစ်စဥ်ဟာ စစ်အာဏာရှင်​တွေ တည်တံ့ခိုင်မြဲ​ရေးနဲ့ စစ်အာဏာရှင် အမြစ်ပြတ်​ရေး ပြတ်ပြတ်သားသား ရင်ဆိုင်​ဖြေရှင်း​နေကြတဲ့ ​တော်လှန်​ရေးဖြစ်စဥ် ဖြစ်ပါတယ်။ ဟိုဘက်လား၊ ဒီဘက်လား ဘက်နှစ်ဘက်ပဲ ရှိပါ​တော့တယ်။ ကြား ဆိုတာ မရှိသ​လောက် ဖြစ်သွားပါပြီ။ ​ရေဆန်ခရီးမှာ ​ရေစုန်လိုက်ချင်သူ​တွေက​တော့ ​မျောကျန်​ဝေးကွာသွားမှာ အမှန်ပါပဲ။ ပြီး​တော့ သမိုင်းက အ​ချောင်သမားအားလုံးကို ​တောက်ချ ရှင်းလင်းသွားမှာ ဖြစ်ပါ​ကြောင်း။

~~~~

ဒေါင်းနီ