​ဟေ့​ကောင် အကြမ်းဖက်​​ခေါင်း​ဆောင် မ.အ.လ ​ရေ မင်းကို ဖြစ်ရပ်​လေး တခု ​ပြောပြရအုံးမယ်။ ဒီလိုကွ၊ တခါက​ပေါ့ကွာ၊ တောင်သူတစ်ဦးဟာ သူ့ရဲ့ ခိုင်းနွားတ​​ကောင် လက်ကျိုးသွားလို့ တိရစ္ဆာန်​ဆေးကု ဆရာဝန် သွားပင့်သတဲ့။ ဆရာဝန်ကလည်း အပြင်ကို သွားဖို့ ဆိုင်ကယ်နဲ့ ထွက်အလာ အိမ်ခြံဝ အ​ပေါက်မှာ ​တွေ့ဆုံမိကြ​ရော။ "ဘာကိစ္စလဲ" ​ပေါ့။ "ကျုပ်ရဲ့ နွား လက်ကျိုးသွားလို့ ဆရာ့ကို လာပင့်တာပါ"။ "ဘယ်လို ဖြစ်ပြီး လက်ကျိုးသွားတာလဲ"။ "ကြပ်ခိုးစင်​ပေါ်က ကြွက်ကို တက်ခုတ်လို့ ပြုတ်ကျပြီး လက်ကျိုးသွားတာပါ"၊ "ဟာဗျာ ခင်ဗျားနွားက နွားအလုပ် မဟုတ်ဘဲ ​ကြောင်အလုပ် သွားလုပ်​တော့ လက်ကျိုးတာ​တောင် နည်း​သေးတယ်။ ဒါ​ပေမဲ့ ကျုပ်လည်း ​လော​လောဆယ် မအား​သေးဘူး။ ပါတီယူနစ် အစည်းအ​ဝေး ရှိလို့ သွားရအုံးမယ်၊ ပြန်လာမှ လာခဲ့မယ်" ဆိုပြီး ဆိုင်ကယ်ကို ဗျင်းခနဲ စီးပြီး ထွက်သွားပါ​ရော။

ဆိုလိုချင်တာက​တော့ကွာ။ နွားကလည်း နွားအလုပ် မလုပ်ဘဲ ​ကြောင်အလုပ် လုပ်၊ ဆရာဝန်ကလည်း ကိုယ့်အလုပ် မလုပ်ဘဲ နိုင်ငံ​ရေးအလုပ် သွားလုပ်​နေ​တော့ အဆင်​ပြေ ​ချော​မွေ့ရမယ့် ဖြစ်စဥ်ကြီးဟာ က​မောက်ကမ ဖြစ်၊ ဗလာချာရမ်းပြီး ဖြစ်ချင်တာ​တွေ ဖြစ်ပျက်ကုန်တာ​ပေါ့ကွာ။

ကိုယ့်တာဝန် ​ကျေပွန်​အောင် မထမ်း​ဆောင်ဘဲ မတန်မရာ လက်နက်အားကိုးနဲ့ နိုင်ငံ​တော် အာဏာကို မတရား သိမ်းယူထားပြီး ဝန်ကြီးချုပ်ရာထူး ရယူထားရုံမက ယာယီ သမ္မတ (တာဝန်)ကိုပါရယူထားလိုက်​တော့ နွားက ကြွက်ခုတ်တဲ့အလုပ်ကို လုပ်သလို ဖြစ်​မ​နေဘူးလား။ 

အခုလည်း မင်းတို့ လက်နက်ကိုင် စစ်တပ်ဆိုတာ ပြည်သူ​တွေရဲ့ အသက်အိုးအိမ်နဲ့ နိုင်ငံ​တော်ရဲ့ လုံခြုံ​ရေးကို တာဝန်ယူရတဲ့ အဖွဲ့အစည်း မဟုတ်လားကွ။ ဒါကို ကိုယ့်တာဝန် ​ကျေပွန်​အောင် မထမ်း​ဆောင်ဘဲ မတန်မရာ လက်နက်အားကိုးနဲ့ နိုင်ငံ​တော် အာဏာကို မတရား သိမ်းယူထားပြီး ဝန်ကြီးချုပ်ရာထူး ရယူထားရုံမက ယာယီ သမ္မတ (တာဝန်)ကိုပါရယူထားလိုက်​တော့ နွားက ကြွက်ခုတ်တဲ့အလုပ်ကို လုပ်သလို ဖြစ်​မ​နေဘူးလား။ ဒီ​တော့ လက်ကျိုးရတယ် ဆိုတာ ဆန်းကြယ်တဲ့ ဖြစ်ရပ် မဟုတ်​ပေဘူး။ 

ဒါကိုမှ အမှတ်မရှိဘဲ မိုက်မိုက်ကန်းကန်း ကြွက်ခုတ်တဲ့ အလုပ် ဆက်လုပ်​နေအုံးမယ် ဆိုရင် လက်ပါမက ​ခြေ​ထောက်​တွေပါ ကျိုးကုန်မယ် ဆိုတာ အ​သေအချာပဲ။ ​နောက်ဆုံး ရလဒ်က​တော့ သုံးစားမရတဲ့ နွား​တွေဟာ သားသတ်ရုံမှာ နိဋ္ဌိတံသွားကြ​ပေလိမ့်မယ်။

တကယ်​တော့ ဒီနိုင်ငံမှာ နွားအလုပ်မဟုတ်တဲ့ ကြွက်ခုတ်အလုပ် လုပ်ခဲ့ကြတာ လူယုတ်မာ အကြမ်းဖက်​ခေါင်း​ဆောင် မ.အ.လ​ရေ မင်းက အခုမှ ပထမဦးဆုံး စွန့်ဦးတီထွင်ခဲ့တာ မဟုတ်ပါဘူး။ မင်းအဘ ဗိုလ်​နေဝင်းက ၁၉၆၂ ခုနှစ်ကတည်းက အစပြုခဲ့တာပါ။ နှစ်​ပေါင်း ၆၀ ​တောင် ​ကျော်လာ​ပေါ့။ အဦး ပထမနဲ့ တို့ ပြည်သူ​တွေဟာ မင်းတို့ရဲ့ စစ်အာဏာရှင်​တွေ ကြီးစိုး လွှမ်းမိုးမှုကို လက်မခံကြပါဘူး။ ဆဲလ်ဗင်းဂျူလိုင်​ အ​ရေးအခင်း၊ အလုပ်သမားအ​ရေးအခင်း၊ ကျွန်းဆွယ်အ​ရေးအခင်း၊ ဦးသန့်အ​ရေးအခင်း၊ မှိုင်းရာပြည့်အ​ရေးအခင်း တို့ဟာ သက်​သေခံ ပြယုဂ်​တွေ​ပေါ့။ ဒါ​ပေမဲ့ အ​ရေအတွက်က​နေ အရည်အချင်းတရပ်ကို မ​ပြောင်းလဲနိုင်ခဲ့ဘူး။ 

စစ်အာဏာရှင်​တွေဟာ သက်ဇိုး ရှည်ကြာလာတာနဲ့အမျှ ၁၀ တန်း​အောင်ပြီး တက္ကသိုလ် ဆက်တက်ဖို့ ​ကျောင်းစရိတ်မတတ်နိုင်လို့ စာတိုက်စာ​ရေး​လေး ဝင်လုပ်ခဲ့ရတဲ့ ဗိုလ်​နေဝင်းသာ သန်းကြွယ်သူ​ဌေး ဖြစ်သွားတယ်။ နိုင်ငံက​တော့ ​ဒေဝါလီ ခံလိုက်ရ​ရော။

အဲဒီမှာ စစ်အာဏာရှင်​တွေဟာ သက်ဇိုး ရှည်ကြာလာတာနဲ့အမျှ ၁၀ တန်း​အောင်ပြီး တက္ကသိုလ် ဆက်တက်ဖို့ ​ကျောင်းစရိတ်မတတ်နိုင်လို့ စာတိုက်စာ​ရေး​လေး ဝင်လုပ်ခဲ့ရတဲ့ ဗိုလ်​နေဝင်းသာ သန်းကြွယ်သူ​ဌေး ဖြစ်သွားတယ်။ နိုင်ငံက​တော့ ​ဒေဝါလီ ခံလိုက်ရ​ရော။ ဒီ​တော့ စစ်အာဏာရှင်​တွေဟာ သူတို့ အာဏာ တည်မြဲ​ရေး အတွက် ​ငွေစက္ကူ​တွေကို တရားဝင် ဓါးပြတိုက် ယူလိုက်တယ်။ ​တောင်သူလယ်သမား​တွေရဲ့ ​မြေခွန်ကိုလည်း ​ငွေ​ကြေးအစား သီးနှံ​ခွန်​တွေ ကောက်ယူလိုက်ကြတယ်။ ပြည်သူတရပ်လုံး မခံမရပ်နိုင်တဲ့ အဆုံး သမိုင်းဝင် ရှစ်​လေးလုံးအ​ရေး​တော်ပုံကြီး ​ပေါ်​ပေါက်ခဲ့ရတယ်။ ဗိုလ်​နေဝင်းလည်း "စစ်တပ်ဆိုတာ ပစ်ရင် မှန်​အောင် တည့်တည့်ပစ်တယ်၊ မိုး​ပေါ်​ထောင်ပြီး လှန့်တာ ​​ခြောက်တာ မလုပ်ဘူး" လို့ ခြိမ်း​ခြောက်ပြီး ဆင်း​ပြေးရ​ရော။

ဒါ​ပေမဲ့ ဗိုလ်​စော​မောင်က ကြွက်ခုတ်အလုပ်ကို ဆက်လက် တာဝန်ယူခဲ့တယ်။ "အိမ်​စောင့်အစိုးရ သ​ဘောမျိုးပဲ၊ ​ရွေး​ကောက်ပွဲ လုပ်​ပေးပြီး အနိုင်ရသူကို အာဏာအပ်ကာ စစ်တန်းလျား ပြန်မယ်" လို့ ဆိုလိုက်​တော့ ကြွက်မခုတ်တဲ့ နွားကို ​နောက်က​နွား​တွေက ​ဝှေ့ထုတ်လိုက်ကြတယ်။ အဲဒီမှာ နိုင်ငံရဲ့ သယံဇာတ​တွေ၊ သစ်​တော​တွေကို စည်းမရှိ ကမ်းမရှိ ခုတ်လှဲ တူးဆွယူငင်ကြပြီး ဒင်းတို့ စစ်အာဏာ တည်မြဲ​ရေးကို ကျားကန်ခဲ့ကြတယ်။ ​နောက်ဆုံး​တော့ ​ကောက်ကျစ် ယုတ်မာလှတဲ့ ဗိုလ်သန်း​ရွှေဟာ နိုင်ငံ တည်တံ့သမျှ စစ်အာဏာရှင် သက်ဇိုးရှည်​ လွှမ်းမိုး​စေတဲ့ ၂၀၀၈ ​​ခြေ/ဥကြီး ပြဋ္ဌာန်းပြီး ထွက်ခွာသွားတယ်။

ဒင်းတို့ အသိုင်းအဝိုင်းက အာဏာရှိစဥ်သာ လူရာသွင်းကြတယ်​လေ။ အာဏာမရှိ​တော့ရင် တိုင်အမှတ်နဲ့​တောင် နှပ်သုတ်ကြ​တော့တာမှ မဟုတ်ကြတာကလား။ ဒီ​တော့ အရှက်မရှိ ကိုယ့်အရည်အချင်းကို ကိုယ်မသိဘဲ သမ္မတရာထူးပေးဖို့ မင်းက ​တောင်းဆိုခဲ့​သေးတယ် ဆို။

ဒင်းတို့ ကိုယ်စား ​ဘောင်းဘီချွတ်သိန်းစိန် အစိုးရကလည်း သက်တမ်းတခုသာ အာဏာ တည်မြဲခဲ့တယ်။ ၂၀၁၅ ခုနှစ် ​ရွေး​ကောက်ပွဲမှာ ရှုံးနိမ့်သွား​တော့ ​နောက်တက်လာမယ့် အစိုးရ အခက်အခဲ အ​နှေင့်အယှက်​တွေ ဖြစ်ကျန်အောင် လုပ်​ဆောင်ချက်​တွေ၊ ဥပ​ဒေပြဋ္ဌာန်းမှု​တွေ ပြုလုပ်​ဆောင်ရွက်ခဲ့တယ်။ သုံးလခံ အစိုးရလို့လည်း စကားတွတ်ထိုး ဆိုခဲ့ကြတယ်။ ဒါ​ပေမဲ့ သူတို့ထက် အရည်အချင်း ရှိတဲ့ သူ​တွေ ဆို​တော့ သက်တမ်းအတွင်း နိုင်ငံကို ​ကောင်းမွန်​အောင် အုပ်ချုပ်နိုင်စွမ်း ရှိတဲ့အပြင် နိုင်ငံကိုလည်း တစုံတခု အတိုင်းအတာထိ တိုးတက်​အောင် လုပ်​ဆောင်ပြနိုင်ခဲ့တယ်။ ဒါ​ကြောင့် ၂၀၂၀ ခုနှစ် တတိယအကြိမ် ​အ​ထွေ​ထွေရွေး​ကောက်ပွဲမှာလည်း ​သောင်ပြို ကမ်းပြိုထိ ​အောင်မြင်မှု ရရှိခဲ့တာ ဖြစ်တယ်။

အဲဒီမှာ သိန်းစိန်လက်ထက်က ၁၀ နှစ် ထပ်တိုးခဲ့တဲ့ ကာချုပ်ရာထူးက သက်တမ်း ကုန်​တော့မယ်။ ဒင်းတို့ အသိုင်းအဝိုင်းက အာဏာရှိစဥ်သာ လူရာသွင်းကြတယ်​လေ။ အာဏာမရှိ​တော့ရင် တိုင်အမှတ်နဲ့​တောင် နှပ်သုတ်ကြ​တော့တာမှ မဟုတ်ကြတာကလား။ ဒီ​တော့ အရှက်မရှိ ကိုယ့်အရည်အချင်းကို ကိုယ်မသိဘဲ သမ္မတရာထူး ပေးဖို့ မင်းက ​တောင်းဆိုခဲ့​သေးတယ် ဆို။ ဒါ​ပေမဲ့ ဟိုက တည်သီးလား၊ ထန်းလျက်လား ဆိုတာကို ခွဲခြမ်း သိကြတဲ့သူ​တွေ ဆို​တော့ ကန်​တော့ဆွမ်းလိုက်ကြဟန် တူပါရဲ့။ အဲဒီမှာ မင်းက ဗိုလ်​နေဝင်း ဗိုလ်သန်း​ရွှေတို့နဲ့ ခွာရာ လိုက်တိုင်းပြီး ဉာဏ်​လေး တထွာတမိုက်နဲ့ ဆင်ခြင်တုံမဲ့ ရူးမိုက်စွာ အာဏာသိမ်းလိုက်​တော့ မင်းသားဖြစ်​လေမလားလို့ ဇာတ်ထဲ လိုက်မိပါတယ်၊ နှဲကြီး တက်နင်းမိလို့ ​လျော်ရကိန်း ဆိုက်သူလို ဖြစ်​နေရှာ​ရော့ပါလား မ.အ.လ​ရေ ...။

ဟုတ်တယ်​လေ၊ ခုဆို မင်း အာဏာသိမ်းခဲ့တာ ၃ နှစ်ကျော်ခဲ့ပြီ။ ၂ နှစ်အတွင်း ​ရွေးကောက်ပွဲ ကျင်းပ​ပေးမယ်၊ အဲဒီကတဆင့် သမ္မတရာထူး ရယူမယ် ဆိုတဲ့ စိတ်ကူးယဥ် အိပ်မက်​တွေလည်း လွင့်ပြယ်စပြုပြီ မဟုတ်လား။ မနက်ဖြန် ထွက်​ပြေးရမလား၊ သန်ဘက်ခါပဲ ကြိုးစင်တက်ရမလား ဆိုတဲ့ အ​တွေးနဲ့ ပူပန်​နေရပြီ မဟုတ်လား။ တကယ်​တော့ မင်းရဲ့ လက်နက်ကိုင် အဖွဲ့အစည်းကြီး အ​နေအထားနဲ့ ဒီ​နေ့ ပြည်သူလူထုကြီးရဲ့ အ​နေအထားကို တွက်ချက်ခဲ့တဲ့ မင်းရဲ့ ဉာဏ်အ​မြော်အမြင် နည်းပါးမှု အကျိုးရလဒ်လို့ ဆိုရ​တော့မှာ​ပေါ့ကွာ။

မင်းရဲ့ ချမ်းသာကြွယ်ဝမှုကလည်း ဗိုလ်သန်း​ရွှေကို ​ကျော်ပြီး နိုင်ငံမှာ နံပါတ်တစ် ဖြစ်သွားပြီတဲ့။ မင်းကအစ မင်းဝန်းကျင်က ဗိုလ်ချုပ်ကြီး​တွေ အလယ်၊ အရာရှိ ဗိုလ်မှူး၊ ဗိုလ်ကြီး​တွေ အဆုံး ဘယ်​ကောင်မှ တိုင်းပြည်ကို ချစ်မြတ်နိုးကြလို့၊ ကာကွယ်ချင်ကြလို့၊ ပြည်သူ့အကျိုး ​ဆောင်ချင်ကြလို့ စစ်မှုထမ်း​နေကြတာ မဟုတ်ဘူး။ 

ဒီမှာ မ.အ.လ​ရေ မင်းတို့ သုံးနှုန်း​ပြောဆို​နေတဲ့ တပ်မ​တော်ဆိုတဲ့ လက်နက်ကိုင် အဖွဲ့အစည်းကြီးက အတွင်းလှိုက် ပျက်စီး​နေတာ နှစ်​ပေါင်း ၆၀ ​ကျော် ရှိပြီကွ။ ခုချိန်ထိ ဗိုလ်​နေဝင်းရဲ့ ​မြေး​တွေ ဘာမှမလုပ်ဘဲ ကြွယ်ဝချမ်းသာ​နေကြတာ ဘာ​ကြောင့်လဲ၊ ရှင်း​နေတာပဲကွ။ ဆင်​ကောင်ကြီး ​တွေ့​နေပြီးမှ​တော့ ဆင်​ခြေရာ ရှာနေစရာ မလိုပါဘူးကွ။ သူတို့ဘိုး​အေ ပြည်သူ့ဘဏ္ဍာ​တွေ ခိုးယူထားခဲ့တဲ့ အ​မွေ​​တွေပဲ​ပေါ့။ အဲဒီလိုပဲ သန်း​ရွှေရဲ့ ​မြေးလည်း ​ငွေကို ​လေလို သုံးဖြုန်း​နေနိုင်တာ သူ့ဘိုး​အေ ပြည်သူ့ဘဏ္ဍာ​တွေ ခိုးယူခဲ့တဲ့ အ​မွေပဲ​ပေါ့ကွာ။ 

​ဟော ခုဆို မင်းရဲ့ ချမ်းသာကြွယ်ဝမှုကလည်း ဗိုလ်သန်း​ရွှေကို ​ကျော်ပြီး နိုင်ငံမှာ နံပါတ်တစ် ဖြစ်သွားပြီတဲ့။ မင်းကအစ မင်း ဝန်းကျင်က ဗိုလ်ချုပ်ကြီး​တွေ အလယ်၊ အရာရှိ ဗိုလ်မှူး ဗိုလ်ကြီး​တွေ အဆုံး ဘယ်​ကောင်မှ တိုင်းပြည်ကို ချစ်မြတ်နိုးကြလို့၊ ကာကွယ်ချင်ကြလို့၊ ပြည်သူ့အကျိုး ​ဆောင်ချင်ကြလို့ စစ်မှုထမ်း​နေကြတာ မဟုတ်ဘူး။ လက်နက်ကိုင်​ဆောင်ပြီး အာဏာတပဲသား​လောက်ရရင် တရားဝင် မတရား လုပ်ကိုင်ခွင့်၊ ခိုးယူခွင့် ရှိ​နေကြလို့ပဲ။ ဘယ်အ​ကောင် မင်းကအစ ဘယ်သူ တိုက်ပွဲအ​တွေ့အကြုံ ရှိပါသလဲ၊ ကိုင်း ​ပြော ...။

မင်းတို့ စစ်အာဏာရှင်​တွေကို အမြစ်ဖြတ်ဖို့ တစ်နိုင်ငံလုံး အတိုင်းအတာနဲ့ လက်နက်ကိုင် ​တော်လှန်​ရေး ဆင်နွှဲလာကြ​တော့ မင်းတို့ရဲ့ Standard Army ကြီးဟာ တိုက်တိုင်း ရှုံး၊ ​ခွေး​ပြေးဝက်​ပြေး၊ အလံဖြူ​ထောင်​ အဖွဲ့အစည်းကြီး ဖြစ်ပါ​ပေါ့လား။ 

ခု​တော့ မင်းတို့ စစ်အာဏာရှင်​တွေကို အမြစ်ဖြတ်ဖို့ တစ်နိုင်ငံလုံး အတိုင်းအတာနဲ့ လက်နက်ကိုင် ​တော်လှန်​ရေး ဆင်နွှဲလာကြ​တော့ မင်းတို့ရဲ့ Standard Army ကြီးဟာ တိုက်တိုင်း ရှုံး၊ ​ခွေး​ပြေးဝက်​ပြေး၊ အလံဖြူ​ထောင်​ အဖွဲ့အစည်းကြီး ဖြစ်ပါ​ပေါ့လား။ မင်းတို့ အထက်ပိုင်းရဲ့ စီမံခန့်ခွဲ ကြီးကြပ် အမိန့်​ပေးမှု​တွေနဲ့ တိုင်းမှူး၊ ဗျူဟာမှူး​တွေက တိုက်ပွဲဝင်​နေကြရတာ​လေ။ နယ်​မြေ​တွေ လက်လွှတ်ရ၊ စစ်ပွဲ​တွေ ရှုံးနိမ့်ကြတဲ့အခါ ကျ​တော့ ဟိုလူ့ လွှဲချ၊ ဒီလူ့ လွှဲချ၊ ဟိုလူ့ ဖြုတ်ထုတ်၊ ဒီလူ့ ဖမ်းချုပ် ဖြစ်က​ရော။ ဒီလိုပုံနဲ့ မိုးကြီးချုပ်ကြလျှင်ဖြင့် အဘ အိမ်သို့ မပြန်နိုင် ဖြစ်တော့မှာပါပဲ။

နိဂုံးချုပ်ရရင်​တော့ တတိယအကြီးဆုံး စစ်တိုင်းကြီး ကျရှုံးရသည်ထိ၊ မြို့နယ် ၁၀၀ နီးပါးထိ မင်း ကာချုပ်လက်ထက်မှာ ကြုံ​တွေ့ရတယ်။ ငါးတကာ ယိုတဲ့ ​ချေး ပုစွန်ဆိတ်​ခေါင်း စု ဆိုသလို ဖြစ်သွားတာ​ပေါ့ကွာ။ ​ပြောရရင်​တော့ နိဒါန်းမှာ အစချီခဲ့သလို "နွားက နွားအလုပ်မလုပ်ဘဲ ကြွက်ခုတ်ကြလို့" ပါပဲ။ မင်းတို့ လက်နက်ကိုင် အဖွဲ့အစည်းက ကြွက်ခုတ်​နေကြတဲ့ နွား​တွေ။ ဒီ​တော့ ကိုယ် စိုက်ပျိုးခဲ့တာ​တွေကို ကိုယ့်ဘာသာပဲ ရိတ်သိမ်းကြ​ပေ​တော့ ...။

~~~~

ဒေါင်းနီ