စစ်ကိုင်းတိုင်း၊ ရွှေဘိုမြို့ရှိ အကြမ်းဖက် စစ်ကောင်စီ ရွှေဘို မြို့မရဲစခန်းနဲ့ မြို့နယ်တရားရုံးတို့ကို တော်လှန်ရေး ပူးပေါင်း တပ်တွေက မနေ့က မေ ၁၆ ရက်နေ့ ညနေ ၃ နာရီခွဲဝန်းကျင်မှာ Multirotor ဒရုန်း ၂ စီး၊ Fixed Wings ၃ စီးတို့နဲ့ ဗုံးသီး ၅ လုံးကြဲချ တိုက်ခိုက်ခဲ့ပြီး ပစ်မှတ် တိကျမှု ရှိတယ်လို့ တော်လှန်ရေး တပ်တွေရဲ့ ထုတ်ပြန်ချက်မှာ ဖော်ပြပါတယ်။ 

တိုက်ခိုက်မှုပြီးနောက် ထိခိုက်ဒဏ်ရာ ရရှိသူတွေကို ရွှေဘိုဆေးရုံကြီးထဲသို့ လူနာတင်ယာဉ် ၉ စီးနဲ့ သယ်ဆောင်သွားပြီး မြို့ပေါ် UG တွေရဲ့ သတင်းပေးပို့မှုအရ စစ်ဗိုလ်တစ်ဦး၊ ဒုရဲအုပ် တင်ထွန်းလင်းအောင်၊ ရဲတပ်သား ချမ်းဝင်း၊ ရဲတပ်သား ဇော်ထိုက် (ခေါ် ) ဂျက်ကော့အပါအဝင် ၈ ဦး သေဆုံးပြီး အပြင်းအထန် ဒဏ်ရာ ရရှိသူ ၈ ဦးရှိတယ်လို့ သိရပါတယ်။

ဒီတိုက်ခိုက်မှုကို ဗိုလ်ကျားရိုင်း ပြည်သူ့ ကာကွယ်ရေး တပ်ဖွဲ့ (ရွှေဘို)၊ Project Flight (Fight for Democracy) ဒရုန်းတပ်ဖွဲ့၊ Drop For Justice - DFJ ၊ Flying Dragon Force ၊ တာနောယက္ခ ပြည်သူ့ လုံခြုံရေး တပ်ဖွဲ့၊ FFF.NK Drone ၊ ရွှေဘိုအားမာန် မြို့ပြပြောက်ကျားနဲ့ သိင်္ခအားမာန်တပ်ဖွဲ့တို့ ပူးပေါင်း လုပ်ဆောင်ခဲ့တာ ဖြစ်ပြီး Drop For Justice DFJ တပ်ဖွဲ့မှ Fixed Wings Drone တစ်စီး ဆုံးရှုံးခဲ့တယ်လို့ သိရပါတယ်။

 
ဓာတ်ပုံ -ရွှေဘိုမြို့မရဲစခန်းနဲ့ တရားရုံးကို ဒရုန်းနဲ့ ဗုံးသီးချတိုက်ခိုက်မှု ပုံရိပ်များ

~~~~

နှင်းမြ