အလယ်ပိုင်းတိုင်း စစ်ဌာနချုပ်တည်ရှိရာ မန္တလေးနန်းတွင်းထဲသို့ ဒီနေ့မနက်ပိုင်းမှာ လက်နက်ကြီးနဲ့ ပစ်ခတ်ခဲ့ကြောင်း No More Dictatorship People Defence Force က သတင်းထုတ်ပြန်ပါတယ်။

ဒီနေ့ ဒီဇင်ဘာ (၂၁)ရက်၊ မနက် (၂)နာရီခွဲလောက်မှာ မန္တလေးနန်းတွင်းထဲသို့ တာဝေးပစ်(၁၀၇ မမ) (၆)လုံး နဲ့ ပစ်ခတ်ခဲ့ခြင်း ဖြစ်ကြောင်း သိရပါတယ်။

“ညတုန်းက အသံကြားတဲ့သူကြားကြတယ်။ ထိခိုက်မှုကတော့ နန်းတွင်းထဲဆိုတော့ မသိဘူး။ ဒီနေ့မနက် လည်းကျုံးတစ်လျှောက် အသွားအလာတော့ပါးတယ်” လို့ မန္တလေးဘူတာကြီးအနီးနေ ပြည်သူတစ်ဦးက ပြောပါတယ်။

တော်လှန်ရေး အင်အားစုတွေဟာ မန္တလေးမြို့ ကိုသိမ်းဖို့ အခရာကျတဲ့ ဗျူဟာမြောက်မစ်ရှင်တွေ ဖော်ဆောင်နေကြောင်း No More Dictatorship People Defence Force က ဆိုပါတယ်။

အဲဒီတိုက်ခိုက်မှုကို Brave Warriors For Myanmar ( BWM)ရဲ့ ကူညီပံ့ပိုးမှုနဲ့ မြို့ပြအထူးစစ်ဆင်ရေး ( U.S.O) ၊No More Dictatorship People Defence Force_ NMD၊ Security & Special Task Force ( SSTF-MDY )နဲ့  ပြင်ဦးလွင်ခရိုင်ပကဖ တို့ ပူးပေါင်းဆောင်ရွက်ခဲ့ခြင်း ဖြစ်ပါတယ်။

~~~~~~~~~~~ 

ကိုဦး