ကရင်နီပြည်နယ်၊ လွိုင်ကော်မြို့ အခြေစိုက် ခလရ-၅၄ တပ်ရင်းထဲက လက်နက်တိုက်ကို တပ်တွင်း သတင်းပေးမှုအရ ဒရုန်းနဲ့ မီးလောင်တိုက်သွင်းခဲ့ကြောင်း လွိုင်ကော် PDF က ရုပ်သံဖိုင်နဲ့ တကွ သတင်းထုတ်ပြန်ပါတယ်။

၁၁.၁၁ စစ်ဆင်ရေး (၂၁)ရက်မြောက်မှာ လွိုင်ကော်မြို့က အကြမ်းဖက်စစ်တပ် တပ်စွဲထားတဲ့နေရာတွေ နဲ့ ခလရ-၅၄ တပ်ဝန်းထဲက လက်နက်ခဲယမ်းတိုက်ကို ဖျက်ဆီးနိုင်ခဲ့ကြောင်း လွိုင်ကော် PDF က ယမန်နေ့ ညက ထုတ်ပြန်ပါတယ်။

ဒရုန်းနဲ့ ဗုံးသီးပစ်ချပြီးနောက် ဗုံးသီးပေါက်ကွဲတဲ့ ပမာဏထက်များစွာ ကျော်လွန်ကာ ပေါက်ကွဲမှုအကြီး စားတစ်ခု ဖြစ်ပြီး မီးခိုးလုံးတွေ အလုံးလိုက်ထွက်ပေါ်လာတာကို ရုပ်သံဖိုင်မှာ မြင်ရပါတယ်။

အကြမ်းဖက်စစ်တပ်ရဲ့  ပစ်ခတ်မှုကြောင့် အရပ်သားတွေ ထိခိုက်လျက်ရှိနေတာကြောင့် ပြည်သူတွေအနေနဲ့  လွိုင်ကော်မြို့သို့ ပြန်လည်ဝင်ရောက်ခြင်း မပြုကြသေးဖို့ လွိုင်ကော် PDF က မေတ္တာရပ်ခံထားပါတယ်။

1111 Operartion စတင်ချိန်ကနေ ဒီနေ့အထိ မဟာမိတ်တပ်ပေါင်းစုနဲ့အတူ ဦးလည်မသုန် ပါဝင်နေပြီး အကြမ်းဖက်စစ်တပ် ကရင်နီဒေသမှာ  အမြစ်ပြတ်ရေးကို မြေပြင်ရော ဝေဟင်မှာပါ အဆက်မပြတ် တိုက်ပွဲဝင်လျက်ရှိကြောင်းလည်း ဆိုပါတယ်။

အဲဒီတိုက်ခိုက်မှုကို Loikaw PDF နဲ့ Falcon Wings တို့ ပူးပေါင်း လုပ်ဆောင်ခဲ့ခြင်း ဖြစ်ပါတယ်။

~~~~~ 

ကိုငြိမ်း