ခရမ်းပြည်သူတွေအနေနဲ့ မြို့ပြပြောက်ကျားစစ်ဆင်ရေးတွေကို နည်းလမ်းမျိုးစုံနဲ့ အားပေးကူညီကြဖို့ ခရမ်း PDF က မေတ္တာရပ်ခံလိုက်ပါတယ်။

နိုဝင်ဘာ (၃၀)ရက်၊ မနက်ပိုင်းက ခရမ်းမြို့မရဲစခန်း၊ ရေကျော်ဘုန်းကြီးကျောင်း အခြေစိုက်စစ်တပ်စခန်းနဲ့ ဆည်မြောင်းစစ်ဆေးရေးဂိတ်တို့ကို ခရမ်း PDF က တိုက်ခိုက်ပြီးနောက် အဲဒီလို ထုတ်ပြန်လိုက်ခြင်း ဖြစ်ပါတယ်။

“ခရမ်း PDF ပြန်လာပြီပေါ့ဗျာ။ ခရမ်းက စခ တွေ မနေ့က အတိုက်ခံရပြီးတော့ ပြာခါနေတယ်။ အရင် အတွေ့အကြုံတွေအရ စခ တွေ တော်တော်အထိနာခဲ့တော့ ကြောက်နေကြပြီ” လို့ ခရမ်းမြို့ခံတစ်ဦး က ပြောပါတယ်။

ပြည်သူတွေအနေနဲ့ စစ်တပ် သတင်းအချက်အလက်စုဆောင်းပေးခြင်း၊ စစ်ဆင်ရေး သတင်းအချက်အလက်တွေကို လျှို့ဝှက်ပေးခြင်း ၊ ပြည်သူ့ရဲဘော်တွေ စစ်ဆင်ရေး လုပ်ဆောင်နေစဉ်အတွင်း အနှောက် အယှက်မပေးခြင်းတို့နဲ့  ပူးပေါင်းပါဝင်ကြဖို့ လည်းခရမ်း PDF က တိုက်တွန်းထားပါတယ်။

အခုအချိန်ဟာ တိုက်ပွဲတွေ အချိန်မရွေး၊ နေရာမရွေး ဖြစ်ပွားနိုင်တာကြောင့် ပြည်သူတွေ အသွားအလာ ဂရုစိုက်ကြဖို့လည်း ခရမ်း PDF ကဆိုပါတယ်။

~~~~~~~~~~ 

ကိုဦး