မန္တလေးတိုင်း၊ မတ္တရာမြို့နယ်အတွင်းရှိ အကြမ်းဖက်စစ်တပ်ရဲ့ စခန်းကုန်းတစ်ခုကို တိုက်ခိုက် သိမ်းပိုက်နိုင်ခဲ့ပြီး သေနတ် (၁၃)လက်နဲ့ ခဲယမ်းများစွာ သိမ်းဆည်းရမိခဲ့ကြောင်း မန္တလေး PDF(ပြည်သူ့ကာကွယ်ရေးတပ်မတော်-မန္တလေး) က သတင်းထုတ်ပြန်ပါတယ်။

နိုဝင်ဘာ (၂၇)ရက်၊ မနက် (၈)နာရီလောက်မှာ မန္တလေး PDF နဲ့ TNLA ပူးပေါင်းတပ်ဖွဲ့ဟာ အဲဒီစခန်းကုန်းကို တိုက်ခိုက်ခဲ့ပြီး မနက် (၁၀)နာရီခွဲမှာပဲ အပြီးသတ် သိမ်းပိုက်နိုင်ခဲ့ကြောင်း သိရပါတယ်။

အဲဒီတိုက်ပွဲမှာ စစ်သား (၄)ဦးကို အရှင်ဖမ်းမိခဲ့ပြီး အလောင်း (၁၅)လောင်းလည်း တွေ့ရှိခဲ့ကြောင်း မန္တလေး PDF ကသတင်းထုတ်ပြန်ပါတယ်။

အဲဒီစခန်းသိမ်းတိုက်ပွဲမှာ ပူးပေါင်းတပ်ဖွဲ့ဘက်က ထိခိုက်မှု လုံးဝမရှိဘူးလို့ သိရပါတယ်။

မန္တလေး PDF ဟာ အောက်တိုဘာ (၂၆)ရက်နေ့က စတင်ကာ တောင်သမန်စစ်ဆင်ရေးကို စတင်ခဲ့ပြီးစစ်ဆင်ရေး (၁)လပြည့်တဲ့အချိန်မှာ မဟာမိတ်တွေနဲ့အတူ အကြမ်းဖက်စစ်တပ်ကို (၃၇)ကြိမ် တိုက်ပွဲဝင်ခဲ့ကာ စစ် သား (၉၅)ဦး သေဆုံးခဲ့ကြောင်း သိရပါတယ်။

တောင်သမန်စစ်ဆင်ရေး (၁)လတာအတွင်း မန္တလေး PDF တပ်ဖွဲ့ဝင် (၁၀)ဦး ကျဆုံးခဲ့ပြီး ဒဏ်ရာရသူ (၃၀)ဝန်းကျင်ရှိကြောင်း သိရပါတယ်။

~~~~~~~~~~ 

ကိုငြိမ်း