တနင်္သာရီတိုင်း၊ ပုလောမြို့နယ်အတွင်းအကြမ်းဖက် စစ်တပ်ကို မိုင်း ၂ ကြိမ်ဆွဲ တိုက်ခိုက်ခဲ့ရာ စစ်သား ၂၇ ဦး သေဆုံးခဲ့ကြောင်း သိရပါတယ်။

စက်တင်ဘာ (၇)ရက်၊ မနက် ၄ နာရီလောက်က ပုလောအခြေစိုက် ခလရ-၂၈၅ တပ်ရင်းက စစ်သားတွေ တပ်ချိန်းဖို့အတွက် ထားဝယ်မြို့ဘက်သို့ ထွက်ခွာလာစဉ် ပုလောမြို့အလွန် စပူပြင်ရွာအနီးလမ်းပိုင်း တစ်နေရာမှာ မိုင်းဆွဲခဲ့ရာ ၁၀ ဦးကျော်သေဆုံးပြီး ထိခိုက်မှုလည်းများကြောင်း တောကြီးမြွေဟောက်တပ်ဖွဲ့(King Cobra Force)က သတင်းထုတ်ပြန်ပါတယ်။

ဆက်လက်ပြီး ထားဝယ်ဘက်ကနေ တပ်ချိန်းပြီး ပုလောဘက် ပြန်ထွက်လာတဲ့ အကြမ်းဖက် စစ်တပ်ကို မနက် ၇ နာရီကျော်မှာ ဒုတိယအကြိမ်မိုင်းဆွဲခဲ့ရာ ၁၀ ယောက်ကျော် ထပ်မံသေဆုံးခဲ့ကြောင်း ထုတ်ပြန်ပါတယ်။

“သေတဲ့ကောင်တွေကို ကားတစ်စီး။ မသေမရှင်တွေကကို ကားသပ်သပ်နဲ့ စခ တွေ လာသယ်သွားတယ်လို့ သိရတယ်”လို့ ပုလောမြို့ခံတစ်ဦးက ပြောပါတယ်။

အဲဒီမိုင်းဆွဲမှု ၂ ကြိမ်အပြီး PDF ရဲဘော်တွေ အထိအခိုက်မရှိ အောင်မြင်စွာ ပြန်လည်ဆုတ်ခွာလာနိုင်ခဲ့ကြောင်း တောကြီးမြွေဟောက်တပ်ဖွဲ့ (King Cobra Force)က ဆိုပါတယ်။

˜˜˜˜

နိုင်ကြီး