စစ်ကိုင်းတိုင်း၊ ဘုတလင်မြို့ပေါ် ထွေအုပ်ရုံးနဲ့ OSS ရုံးသို့ ရောက်ရှိအနားယူနေတဲ့ အကြမ်းဖက်စ စ်တပ်ကို ဒရုန်းနဲ့ ဗုံးကြဲခဲ့ရာ စစ်သား ၅ ဦး သေဆုံးကြောင်း သိရပါတယ်။

ဩဂုတ် ၂၄ ရက်၊ မနက် ၇ နာရီက ဘုတလင်မြို့ပေါ် ထွေအုပ်ရုံးခန်းမနဲ့  OSS ရုံးသို့ ရောက်ရှိကာ အိပ်စက်အနားယူနေတဲ့ အကြမ်းဖက် စစ်ကြောင်းကို ဩဂုတ် ၂၄ ရက်၊ မွန်းလွဲ ၂ နာရီခွဲနဲ့  ၃ နာရီ ၄၈ မိနစ် တို့မှာ ဗုံးသီးချတိုက်ခိုက်ခဲ့ကြောင်း Chindwin Brothers က သတင်းထုတ်ပြန်ပါတယ်။

“ဒရုန်းနဲ့ ဗုံးချတာ သိလိုက်တယ်။ ဗုံးတည့်တည့်ကျတယ်လို့လည်း ပြောကြတယ်၊ စစ်သားတွေ သေ၊ မသေတော့ သေချာမသိဘူး”လို့ ဘုတလင်မြို့ခံတစ်ဦးက ပြောပါတယ်။

ပြင်းထန်ဒဏ်ရာရတဲ့ စစ်သားတစ်ဦးကို ဘုတလင်ပြည်သူ့ဆေးရုံခွဲစိတ်ခန်းမှာ ချက်ချင်း ခွဲခဲ့ကြောင်း သိရပါတယ်။ အဲဒီစစ်ကြောင်းဟာ မုံရွာမြို့၊ အနောက်မြောက်တိုင်း စစ်ဌာနချုပ်ကနေ ညသန်းခေါင်ယံမှာ စထွက်လာခြင်း ဖြစ်ပါတယ်။

အဲဒီတိုက်ခိုက်မှုကို Chindwin brothers(DGF-တပ်ခွဲ)၊ မုံရွာခရိုင် တပ်ရင်း ၁၆ ၊ တပင် ရွှေထီး (ဆံ ရှည်)၊ ပျံလွှား (တစ်ကိုယ်တော်)၊ ဗိုလ်ပွကြီး၊ Anonymous Heros နဲ့ နင်ဂျာတပ်ဖွဲ့ တို့ပူးပေါင်းလုပ်ဆောင်ခဲ့ခြင်း ဖြစ်ပါတယ်။

~~~~~~~~~~~

ကိုဦး