စစ်ကိုင်းတိုင်း၊ ဘုတလင်မြို့၊ ကြောင်ပန်းဂိတ်ကို ဒရုန်းနဲ့ ဗုံးကြဲခဲ့ရာ ဗိုလ် (၁)ဦး အပါအဝင် စစ်သား (၄)ဦး သေဆုံးခဲ့ကြောင်း သိရပါတယ်။

ဘုတလင်မြို့၊ ကြောင်ပန်းလမ်းခွဲဂိတ်ကို ဒေသခံ PDF တပ်ဖွဲ့တွေက ဒီဇင်ဘာ (၁၄)ရက်၊ နေ့ခင်း (၁၁)နာရီခွဲကျော်မှာ ဗုံး (၂)လုံး ကြဲချခဲ့ခြင်း ဖြစ်ကြောင်း Chindwin Brothers က သတင်းထုတ်ပြန်ပါတယ်။

သေဆုံးသွားတဲ့ စစ်သားတွေကို ဟိုက်ဂျက်ကားနဲ့ လာသယ်သွားကြောင်း မျက်မြင်တွေက သတင်းပေးပို့တယ်လို့ ဆိုပါတယ်။

ဒီဇင်ဘာ (၁၄)ရက်၊ နေ့ခင်း (၁၂)နာရီ (၁၈)မိနစ်မှာလည်း စစ်သားတွေ အစောင့်ချထားတဲ့ ဘုတလင်မြို့ပေါ် က CB ဘဏ်ရှေ့ကို ဒရုန်းနဲ့ ဗုံး (၁)လုံး ထပ်ချသေးကြောင်း Chindwin Brothers က ဆိုပါတယ်။

“CB ဘဏ်ရှေ့ကတော့ စခတွေ ထိတယ်လို့ မကြားမိဘူး။ ကြောင်ပန်းဂိတ်ကတော့ တကယ်ထိတာ။ သေတာစစ်ဗိုလ်ပါ၊ မပါတော့မသိဘူး။ ဘုတလင်ဆေးရုံ တန်းပို့ပြီးတော့မှ မီးရှို့လိုက်တယ် ထင်တယ်” လို့ ဘုတလင်မြို့ခံတစ်ဦးက ပြောပါတယ်။

ဒရုန်းနဲ့တိုက်ခိုက်မှုကို Chindwin Brothers ၊ B21(ကနီ)၊ မြို့နယ်အုပ်ချုပ်ရေးအဖွဲ့၊ တပင်ရွှေထီး၊ ကိုဘရာနဲ့ ယင်းမာပင်ခရိုင်တပ်ရင်း-၃၅ တို့ ပူးပေါင်း လုပ်ဆောင်ခဲ့ကြပြီး PDF ရဲဘော်တွေ အထိအခိုက် မရှိကြပါဘူး။

~~~~~~~~~~~ 

ကိုထက်