၂၀၁၂ ခုနှစ်၊ စာပေဆင်ဆာဖြတ်တောက်မှုကို ရုပ်သိမ်းခဲ့ပြီးနောက် စစ်အစိုးရသက်တမ်းတစ်လျှောက် ထုတ်ဝေခွင့်မရခဲ့တဲ့ စာအုပ်တွေကို အားကောင်းကောင်းနဲ့ ထုတ်ဝေခဲ့ကြတယ်။ သမိုင်းဖြစ်ရပ်မှန်စာအုပ်တွေဆို ထုတ်ဝေပြီးမကြာ ကုန်သွားလို့ နောက်တစ်ကြိမ် ထပ်ရိုက်နှိပ်ရတာမနည်း။ ရောင်းအားကောင်းတဲ့အထဲမှာ မြောက်ကိုရီးယားကနေ တောင်ကိုရီးယားနိုင်ငံဆီ ထွက်ပြေးလွတ်မြောက်လာကြတဲ့သူတွေအကြောင်း စာအုပ်တွေလည်း ထိပ်ဆုံးကပါဝင်ခဲ့တယ်။

ကျနော့်စိတ်ထင် ဆရာစိန်ဝင်းစိန်ဘာသာပြန်တဲ့ “ရှင်သန်ခွင့်”စာအုပ်ဆိုရင် မြောက်ကနေ တောင် သို့ ပြေးတဲ့စာအုပ်တွေထဲ ခပ်စောစောထုတ်ဝေခဲ့တဲ့ စာအုပ်လို့ ထင်တယ်။ အဲဒီစာအုပ်က ရောင်းအားကောင်း လေတော့ နောက်ပိုင်းမှာ အဲဒီလို စာအုပ်တွေ ဆက်တိုက် ထွက်လာတာတွေ့ရတယ်။

ကြောက်စရာကောင်းလှတဲ့ လူ့အခွင့်အရေးချိုးဖောက်မှုတွေကို ချိုးဖောက်ခံရမှန်းတောင် မသိဘဲ လည်စင်းခံနေရတဲ့ မြောက်ကိုရီးယား ပြည်သူတွေရဲ့ဘဝ။ မြောက်ကိုရီးယားမှာ ဗီဒီယိုအောက်စက်ဆိုတာ တရားမဝင်ပစ္စည်းဖြစ်နေလို့ ခိုးဝှက်သိမ်းဆည်း ကြည့်ရှုရတယ်လို့ ဖတ်ရတော့ အတော်ဖြုံခဲ့ရ။

ကျနော်က အမှတ်မထင် ရှင်သန်ခွင့်စာအုပ်ကို ဖတ်မိရာကနေ အငြိကြီးငြိသွားခဲ့လေတော့ မြောက်မှ တောင်ပြေး ထွက်သမျှစာအုပ်တွေ မလွတ်တမ်း ဝယ်ဖတ်လေ့ရှိတယ်။ ဘာ့ကြောင့် အဲဒီစာအုပ်တွေကို ကြိုက်ရတာလဲဆိုတော့ တစ်ခါမှ မကြားခဲ့ဖူးတဲ့ဘဝတွေအကြောင်း သိကြရလို့ပါပဲ။ ကြောက်စရာကောင်းလှတဲ့ လူ့အခွင့်အရေးချိုးဖောက်မှုတွေကို ချိုးဖောက်ခံရမှန်းတောင် မသိဘဲ လည်စင်းခံနေရတဲ့ မြောက်ကိုရီးယား ပြည်သူတွေရဲ့ဘဝ။ မြောက်ကိုရီးယားမှာ ဗီဒီယိုအောက်စက်ဆိုတာ တရားမဝင်ပစ္စည်းဖြစ်နေလို့ ခိုးဝှက်သိမ်းဆည်း ကြည့်ရှုရတယ်လို့ ဖတ်ရတော့ အတော်ဖြုံခဲ့ရ။ ကိုယ်တွေထက် သိပ်ကိုဆိုးတဲ့ဘဝတွေပါလားလို့ သက်ပြင်းလည်း တွင်တွင်ချလို့ရယ်။

ပြီးတော့ ဆရာသူရိန်ဝင်းဘာသာပြန်တဲ့ “အကျဉ်းစခန်းအမှတ်(၁၄)မှ လွတ်မြောက်ခြင်း”စာအုပ်။ အဲ ဒီအကျဉ်းစခန်းအမှတ်(၁၄)ကနေ ထွက်ပြေးလွတ်မြောက်လာသူ သျှင်းဒုန်းဟရော့ဟာ အဲဒီအကျဉ်းစခန်းထဲ မှာ မွေးပြီး ပြင်ပကမ္ဘာဆိုတာကို ကြားပင်မကြားခဲ့ဖူးသူ။ သူ့အဖေနဲ့ အမေက အကျဉ်းသား၊ အကျဉ်းသူတွေ။ အလုပ်ကြိုးစားလို့ဆိုပြီး ထောင်အာဏာပိုင်တွေက ပေးတဲ့ ဘောနက်စ်အဖြစ် လင်မယားဖြစ်ခွင့်ပေးရာကနေ သူ့ကို မွေးဖွားလာ။

အကျဉ်းစခန်းထဲ မွေးလာတဲ့ သျှင်းဒုန်းဟရော့ဟာ သူတို့ရဲ့သတ်မှတ်ထားချက်အတိုင်း ဘယ်တော့မှ ထောင်လွတ်ရက်ဆိုတာမရှိတဲ့ ရာသက်ပန်အကျဉ်းသားအဖြစ် အကျဉ်းစခန်းထဲမှာပဲ သေရမယ့်သူ။

အကျဉ်းစခန်းထဲ မွေးလာတဲ့ သျှင်းဒုန်းဟရော့ဟာ သူတို့ရဲ့သတ်မှတ်ထားချက်အတိုင်း ဘယ်တော့မှ ထောင်လွတ်ရက်ဆိုတာမရှိတဲ့ ရာသက်ပန်အကျဉ်းသားအဖြစ် အကျဉ်းစခန်းထဲမှာပဲ သေရမယ့်သူ။ သူလိုအကျဉ်းစခန်းထဲမှာ မွေးလာတဲ့ ရာသက်ပန်အကျဉ်းသား ကလေးလေးတွေက မနည်းလှ။ အဲဒီအကျဉ်းစခန်းထဲမှာ ကလေးလည်း ကလေးအလျောက် တစ်နေ့မှာ ၁၂ နာရီကျော် အလုပ်ကြမ်းတွေ လုပ်ကြရ။

တစ်ရက်၊ မြို့ကြီးသား ပြုံယမ်းက အရာရှိတစ်ယောက် နိုင်ငံရေးအကျဉ်းသားအဖြစ် ရောက်လာပြီး သျှင်းဒုန်းဟရော့နဲ့ မိတ်ဆွေဖြစ်သွားရာကနေ ပြင်ပကမ္ဘာ၊ ပြင်ပအစားအစာဆိုတာ သူ စကြားဖူးတော့တယ်။ ပြင်ပကမ္ဘာဆီ သူတို့ ထွက်ပြေးခဲ့တယ်။ ကံဆိုးတဲ့ ပြုံးယမ်းအရာရှိက လျှပ်စစ်ဓာတ်လွှတ်ထားတဲ့ အကျဉ်း စခန်းစည်းရိုး သံဆူးကြိုးနဲ့ငြိပြီး သေသွားတယ်။ ပြင်ပကမ္ဘာဆိုတာကို တစ်ခုမှမမြင်ဘူးတဲ့ သျှင်းဒုန်းဟရော့ တစ်ယောက် သူ့မိတ်ဆွေပြောပြခဲ့တဲ့ တရုတ်နယ်စပ်ရှိရာအရပ်သို့ ရောက်အောင်ပြေးခဲ့တယ်။  လမ်းတစ်လျှောက်ဖြစ်သလို ကြုံသလို ခိုးဝှက်စားသောက်။ ပြီးတော့ မြစ်ငယ်တစ်စင်းကို ဖြတ်ကာ တရုတ်နယ်စပ် မြို့ ရောက်ရှိ။ လုပ်အားခေါင်းပုံဖြတ်ခံရမှုမျိုးစုံကြား မြောက်ကိုရီးယားအကျဉ်းစခန်းထက် အဆများစွာသာနေ တော့ခေါင်းပုံဖြတ်တာတွေဘာတွေ ဘယ်သိမလဲ၊ သူ့ခမျာ သိပ်ကို ပျော်လို့။ ကံကောင်းချင်တော့ တရုတ်ကနေ တောင်ကိုရီးယားသို့ အလွယ်တကူ သူရောက်သွားတယ်။ အဲဒီလိုအကျဉ်းစခန်းကနေ တောင်ကိုရီးယားထိ ထွက်ပြေးလွတ်မြောက်လာနိုင်တာ သူတစ်ယောက်တည်း။

တရုတ်ပွဲစားတွေရဲ့ မုဒိမ်းကျင့်ခံရသူတွေ၊ တရုတ်မယားအဖြစ် ရောင်းစားခံရသူတွေ၊ တရုတ်မယားဘဝ ဒုက္ခမျိုးစုံတွေ။ တရုတ်မှာ လောကဓံပေါင်း သောင်းခြောက်ထောင်ကို ရင်ဆိုင်ခဲ့ပြီးတော့မှ အချိတ်အဆက်တွေရပြီး တချို့က တရုတ်ကနေ မွန်ဂိုလီးယား၊ တချို့က အရှေ့တောင်အာရှ နိုင်ငံတစ်ခုခု။ ပြီးတော့မှ တောင်ကိုရီးယားသံရုံးနဲ့ချိတ်ဆက်ကာ တောင်ကိုရီးယားနိုင်ငံဆီသို့ ရောက်ရှိ အေးချမ်းကြရ။ 

မြောက်ကိုရီးယားကနေ တောင်ကိုရီးယားသို့ တိုက်ရိုက်ထွက်ပြေးလွတ်မြောက်သွားသူက တော်တော့်ကို ရှားတယ်။ ၉၉ ရာခိုင်နှုန်းကျော်က မြောက်ကိုရီးယားကနေ ယာလူးမြစ်ကိုဖြတ်ကာ တရုတ်နယ်စပ်မြို့သို့ ရောက်ရှိ။ တရုတ်ပွဲစားတွေရဲ့ မုဒိမ်းကျင့်ခံရသူတွေ၊ တရုတ်မယားအဖြစ် ရောင်းစားခံရသူတွေ၊ တရုတ်မယားဘဝ ဒုက္ခမျိုးစုံတွေ။ တရုတ်မှာ လောကဓံပေါင်း သောင်းခြောက်ထောင်ကို ရင်ဆိုင်ခဲ့ပြီးတော့မှ အချိတ်အဆက်တွေရပြီး တချို့က တရုတ်ကနေ မွန်ဂိုလီးယား၊ တချို့က အရှေ့တောင်အာရှ နိုင်ငံတစ်ခုခု။ ပြီးတော့မှ တောင်ကိုရီးယားသံရုံးနဲ့ချိတ်ဆက်ကာ တောင်ကိုရီးယားနိုင်ငံဆီသို့ ရောက်ရှိ အေးချမ်းကြရ။ ဒါပေမဲ့၊ မြောက်ကိုရီးယားကနေပြေးပြီး တရုတ်မှာတင် ဘဝဆုံးသွားသူတွေလည်း ဘယ်နည်းလိမ့်။

တောင်ကိုရီးယားသို့ ထွက်ပြေးလွတ်မြောက်လာသူအားလုံးနီးပါးရဲ့ တူညီချက်က မြောက်ကိုရီးယား နေထိုင်မှုဘဝဟာ ချို့တဲ့ဆင်းရဲပြီး တရုတ်ရောက်တော့လည်း ဒုက္ခရယ် ပတ်လည်ဝိုင်းမပျက်ခြင်းပါပဲ။ ပြီးတော့ တရုတ်ရောက်ပြီးမှသာ တောင်ကိုရီးယားကို နိဗ္ဗာန်ဘုံအလား သိရှိ။ သူတို့ဘယ်အချိန် လာလာ တောင်ကိုးရီးယားက နိုင်ငံသားအဖြစ် လက်ကမ်းကြိုဆိုနေခြင်းကိုပါ သိရှိကြတယ်။

မြောက်ကိုရီးယား ဆိုတာက အစဉ်အဆက် ပြင်းထန်တဲ့ဖိနှိပ်မှုတွေအောက်မှာ ပြည်သူတွေဟာ အသားတကျ၊ တော်လှန်ပုန်ကန်မှုဆိုတာမရှိ။ မြန်မာပြည်သူတွေကတော့ အစဉ်အဆက် စစ်အာဏာရှင်တော်လှန်ရေးမှာ လက်သီးကိုကျစ်ကျစ်ပါဆုပ်လို့။

အခုတော့ မြောက်ကနေ တောင်သို့ပြေးတဲ့စာအုပ်တွေကို မလွတ်တမ်းဖတ်ခဲ့တဲ့ ကျနော်ဟာ ကိုယ် တွေ မြန်မာလည်း မြောက်ကိုရီးယားနဲ့ မခြားတော့ဘူးလို့ တွေးတောမိလာတယ်။ မြောက်ကိုရီးယား ဆိုတာက အစဉ်အဆက် ပြင်းထန်တဲ့ဖိနှိပ်မှုတွေအောက်မှာ ပြည်သူတွေဟာ အသားတကျ၊ တော်လှန်ပုန်ကန်မှုဆိုတာမရှိ။ မြန်မာပြည်သူတွေကတော့ အစဉ်အဆက် စစ်အာဏာရှင်တော်လှန်ရေးမှာ လက်သီးကိုကျစ်ကျစ်ပါဆုပ်လို့။ မြောက်ကိုရီးယားမှာလို ကြောက်မက်ဖွယ်အကျဉ်းစခန်းနဲ့ ရာသက်ပန် အကျဉ်းသားဘဝဆိုတာမျိုး မြန်မာမှာ မရှိပေမဲ့ ရွာတွေဝင်လု မီးရှို့ဖျက်ဆီး သတ်ဖြတ်တာမျိုး၊ အရပ်သားပစ်မှတ်တွေနဲ့ ဆေးရုံ၊ဆေးခန်းပါမချန် ဗုံးကြဲတာမျိုးလည်း မြောက်ကိုရီးယားမှာ မရှိပါဘူး။

ပြီးတော့ မြောက်ကိုရီးယားမှာ ဗီဒီယိုအောက်စက်မိရင် အဖမ်းခံရသလို မြန်မာနိုင်ငံမှာလည်း လက် တော့ပ်ကို မြင်ရင် မကောင်းမှုတစ်ခုခုကျူးလွန်ထားသလို စစ်တပ်က လူရော လက်တော့ပ်ကိုပါ ဖမ်းဆီးတာ မျိုးလည်း ရှိနေပါပြီ။

နိုင်ငံရေးပြည်ပြေး မြန်မာများစွာကလည်း သောင်ရင်းမြစ်ကို ဖြတ်ကာ မဲဆောက်မှာ နိုင်ငံမဲ့ မြန်မာတွေအဖြစ် အမျိုးအစားစုံလင်လှတဲ့ လောကဓံတွေကို ယပ်ခတ် မကြောက်ချင်ယောင်ဆောင် ရင်ဆိုင်နေကြရ။

မြောက်ကိုရီးယားပြည်သူတွေက ယာလူးမြစ်ကို ခိုးဖြတ်ကာ တရုတ်မှာ အခြေချ၊ ဒုက္ခမျိုးစုံ ကြုံ ကြ ရ၊ ကံကောင်းသူ နည်းနည်းကတော့ တောင်ကိုရီးယားကို ရောက်သွားကြတယ်။ နိုင်ငံရေးပြည်ပြေး မြန်မာ များစွာကလည်း သောင်ရင်းမြစ်ကို ဖြတ်ကာ မဲဆောက်မှာ နိုင်ငံမဲ့ မြန်မာတွေအဖြစ် အမျိုးအစားစုံလင်လှတဲ့ လောကဓံတွေကို ယပ်ခတ် မကြောက်ချင်ယောင်ဆောင် ရင်ဆိုင်နေကြရ။

မြောက်ကိုရီးယားရဲ့ စစ်မှုထမ်းပြဌာန်းချက် မြောက်ကိုရီးယားပြည်သူတွေ ငြင်းပယ်ခွင့်မရှိ လည်စင်းခံကြရပေမဲ့ မြန်မာလူငယ်တွေကတော့ နေရပ်စွန့်ခွာ အနာဂတ် ဖြစ်ချင်ရာရာတွေကို အကုန်စွန့်ပစ်ကာ တိုင်းပြည်အတွက် အသက်ပေးရ ပေးမယ်ဆိုပြီး PDF လက်နက်ကိုင်လမ်း ရွေးချယ်လှမ်းကြသူများစွာ။ နိုင်ငံပြင်ပ တိမ်းရှောင်ပြေးကာ တရားမဝင်အလုပ်သမားဘဝ၊ ဘဝကို ထမင်း ၂ နပ်မှန်ဖို့ကနေ ပြန်စရတယ်။ ကံဆိုးရှာသူ မြန်မာလူငယ်တချို့ကတော့ တရားမဝင်နယ်စပ်ဖြတ်ကျော်စဉ် ဖမ်းဆီးခံရပြီး ထိုင်းထောင်ထဲမှာ ၆ လတာ အမှောင်ကျရ။ ၆လ ထောင်ကျပြီးလို့ မြန်မာစစ်ဘီလူးတွေလက် ပြန်ထိုးအပ်လိုက်ရင် အချိန်မရွေးအသတ်ခံရနိုင်ပြီး အချိန်မရွေးလည်း စစ်တပ်ထဲ ပြန်ရောက်သွားနိုင်တယ်ဆိုတော့ အဆိုးပေါ် အဆိုးတွေ ထပ်လို့။

အကြမ်းဖက်စစ်ဘီလူးတွေက မြန်မာတစ်နိုင်ငံလုံးကို ထောင်အသွင် အုတ်တံတိုင်းခတ်လိုက်တယ်။ ပြီးတော့ အုတ်တံတိုင်းအတွင်းက လူငယ်တွေအတွက် ရွေးချယ်စရာက စစ်အုပ်စု သက်ဆိုးရှည်စေရေး စစ်တပ်ထဲဝင် အသက်ပေးရမယ်ဆိုတာ တစ်ခုတည်း။ 

အခုလည်း မေ ၁ ရက်နေ့မှာ စစ်ဘီလူးတွေက နောက်တစ်ဆင့် ဆက်တက်၊ အမျိုးသားတွေကို ပြည်ပထွက် အလုပ်လုပ်ခွင့် ပိတ်ပင်လိုက်တယ်လို့ အမိန့်ထုတ်ပြန်တယ်။ ကိုယ့်ခြေထောက်ကိုယ် လွတ်လပ်စွာ ကိုယ့်စိတ်ကြိုက် ရွေးချယ်သွားလာခွင့် မရှိတဲ့ဘဝ။ အကြမ်းဖက်စစ်ဘီလူးတွေက မြန်မာတစ်နိုင်ငံလုံးကို ထောင်အသွင် အုတ်တံတိုင်းခတ်လိုက်တယ်။ ပြီးတော့ အုတ်တံတိုင်းအတွင်းက လူငယ်တွေအတွက် ရွေးချယ်စရာက စစ်အုပ်စု သက်ဆိုးရှည်စေရေး စစ်တပ်ထဲဝင် အသက်ပေးရမယ်ဆိုတာ တစ်ခုတည်း။ 

စစ်အုပ်စုဟာ မြောက်ကိုရီးယားကို အားကျတယ်။ မြောက်ကိုရီးယားလို ဘယ်ပြည်သူမှ မျက်လုံးလှန် မကြည့်ရဲ၊ ပြည်သူဆို သေဆိုသေ ရှင်ဆိုရှင် ဒေါင်ဒေါင်မြည် စေတစ်လုံးပိုင်ရှင် အာဏာရှင်သိပ်ဖြစ်ချင်တယ်။ မြောက်ကိုရီးယားလို ဘာရွေးကောက်ပွဲမှ လုပ်စရာမလို၊ ဘယ်နိုင်ငံတကာကိုမှလည်း ခေါင်းထဲမထည့်၊ ထစ်ခနဲ ဆို နျူကလီးယားခလုတ်ပေါ် လက်ရောက် ပစ်လိုက်မယ်တကဲကဲနဲ့ စိန်ခေါ်ရဲတာမျိုးလည်း စစ်အုပ်စု သိပ်ခံတွင်းတွေ့နေတယ်။ စစ်အုပ်စုဟာ မြောက်ကိုရီးယားလိုချိုးကာ မြောက်ကိုရီးယားလို ရွေ့လာတယ်။

ကျနော်တို့ မြောက်ကနေ တောင်ပြေး နာလိုက်တဲ့ဇာတ်တွေ ဖတ်စရာမလိုတော့ပါဘူး။ ကိုယ့်အနာ ကိုယ် ပြန်ဖတ်လိုက်ရုံနဲ့ ထိတ်လန့်နေရပြီဖြစ်တယ်။

~~~~      

ထွန်းလင်း