စစ်ကိုင်းတိုင်း၊ ခင်ဦးမြို့နယ်နဲ့ ရွှေဘိုမြို့နယ်ရှိ အကြမ်းဖက် စစ်ကောင်စီ ရဲစခန်း၊ မြို့နယ် ထွေအုပ်ရုံးနဲ့ စစ်တပ် တပ်စွဲထားတဲ့ နေရာတွေကို ဒရုန်းနဲ့ ဗုံးကြဲ တိုက်ခိုက်ခဲ့တယ်လို့ သိရပါတယ်။

ခင်ဦးမြို့နယ်ရှိ အကြမ်းဖက် စစ်တပ် တပ်စွဲထားတဲ့ ရဲစခန်းနဲ့ မြို့နယ်ထွေအုပ်ရုံးတွေကို Northern Tigers Drone Team က Shar Htoo Waw နည်းပညာသုံး Fixed Wing Drone တွေကို အသုံးပြုကာ ဧပြီလ ၂၈ ရက်နေ့မှာ ဗုံးသီး ၁၂ လုံး ကြဲချ တိုက်ခိုက်ခဲ့တာကြောင့်အကြမ်းဖက် စစ်ကောင်စီ စစ်သား ၃ ဦးကျော် ထိခိုက်ဒဏ်ရာ ရရှိခဲ့တယ်လို့ သိရပါတယ်။

အလားတူ ရွှေဘိုမြို့နယ်၊ ပလိုင်းကျေးရွာမှာ တပ်စွဲထားတဲ့ အကြမ်းဖက် စစ်ကောင်စီ စစ်သားတွေကို တော်လှန်ရေး ပူးပေါင်း တပ်တွေက ဧပြီလ ၂၀ ရက်နေ့နဲ့ ၁၉ ရက်နေ့တွေမှာ ဒရုန်းနဲ့ ဗုံးသီး ၈ လုံး ကြဲချ တိုက်ခိုက်ခဲ့တယ်လို့ သိရပါတယ်။

ယင်းတိုက်ခိုက်မှုတွေကို Northern Tigers Group (NTG)၊ ဂဠုန်ကြီး ပြည်သူ့ ကာကွယ်ရေး အဖွဲ့နဲ့ ဗိုလ်ကောက်ရိုး ရွှေဘိုခရိုင် တပ်ရင်းအမှတ် ၁၅ တို့ ပူးပေါင်း လုပ်ဆောင်ခဲ့ကြတာ ဖြစ်ပါတယ်။

ရုပ်သံ - Northern Tigers Drone Team

~~~~

နှင်းမြ