မကွေးတိုင်း၊ပခုက္ကူမြို့နယ် တပ်မ-၁၀၁ လက်အောက်ခံ တပ်ရင်းထဲရှိ လက်နက်ခဲယမ်းအဆောင်ပေါ် သို့ လက်နက်ကြီး ကျရောက်ပေါက်ကွဲခဲ့ရာ စစ်သား ၄ဦးထက်မနည်းသေဆုံးခဲ့ကြောင်း Burma Revolution Rangers ကသတင်းထုတ်ပြန်ပါတယ်။

နိုဝင်ဘာ (၃၀)ရက်က တပ်မ-၁၀၁ ကို တာဝေးပစ်ရှော့တိုက်ဒုံးနဲ့ ပစ်ခတ်ခဲ့ရာ တပ်မ-၁၀၁ လက်အောက်ခံ ခလရ-၂၅၂ တပ်ရင်းထဲသို့ ကျရောက်ပေါက်ကွဲခဲ့ပြီး ဒဏ်ရာရစစ်သားတွေလည်း များကြောင်း သိရပါတယ်။

“ရှော့တိုက်ဒုံး (၂)လုံး ပစ်တာလို့ သိရတယ်။ လက်နက်တိုက်ပေါ် ကျတာနဲ့ စစ်သားတွေ သေတာ ဖရဲသီးတွေဆီကနေ သိရတယ်လို့ ကြားတယ်။ တပ်မ-၁၀၁ နားက ရွာတချို့ကိုတော့ စစ်တပ်က နယ်မြေ ရှင်းတာမျိုး လုပ်နေတယ်တဲ့” လို့ ရေစကြို PDF ရဲဘော်တစ်ဦးက ပြောပါတယ်။

တပ်မ-၁၀၁ သည် ပခုက္ကး-ပေါက်လမ်းမကြီးပေါ်တွင် တည်ရှိပြီး ခလရ-၂၅၂ မှာ ဘေးချင်းကပ်နေရာမှာ တည်ရှိကြောင်း သူက ပြောပါတယ်။

အဲဒီပစ်ခတ်မှုကို Burma Revolution Rangers၊Royal Defence Force မြိုင်၊ စနေမင်း ပြောက်ကျားတပ်ဖွဲ့-မြိုင်မြို့နယ်နဲ့ Chauk Guerrilla Force တို့ပူးပေါင်းလုပ်ဆောင်ခဲ့ခြင်း ဖြစ်ပါတယ်။

~~~~~~~~~~~~ 

ကိုထက်