စစ်ကိုင်းတိုင်း၊ မြင်းမူမြို့ပေါ်ရှိ အကြမ်းဖက်စစ်တပ်အခြေစိုက်ရာ ထွေအုပ်ရုံးနဲ့ ရဲစခန်းတို့ကို ဗုံး (၃၆)လုံးကြဲချခဲ့ရာ ပစ်မှတ်ကို တိုက်ရိုက်ထိမှန်ခဲ့ကြောင်း သိရပါတယ်။

စက်တင်ဘာ (၂၈)ရက်၊ ညဦးပိုင်းမှာ Federal Wingsနဲ့  မဟာမိတ် ဒရုန်းတပ်ဖွဲ့တွေ ပူးပေါင်းပြီး ဒရုန်း (၉)စင်းနဲ့  ဗုံးကြဲတိုက်ခိုက်ခဲ့ခြင်းဖြစ်ကြောင်း  Federal Wings ကထုတ်ပြန်ပါတယ်။

“ည ၇ နာရီ မထိုးခင်ကတည်းက ထွေအုပ်ရုံးကို ဗုံးစကျွေးတာ။ ပြီးတော့မှ (၈)နာရီ မထိုးခင်မှာ မြင်းမူရဲစခန်း။ ထပ်ပြီးတော့ (၈)နာရီခွဲလောက်ထင်တယ်။ ထွေအုပ်ရုံးကို ဗုံးထပ်ကြဲတာ။ ထွေအုပ်ရုံးရော ရဲစခန်းရော တော်တော်ခံရတယ်ပြောတယ်။ ဒရုန်းတွေက ဘယ်လောက်စိတ်ချရသလဲဆိုရင် တခြားနေရာတွေ လုံးဝမထိဘူး” လို့ မြင်းမူမြို့ခံတစ်ဦးက ပြောပါတယ်။

စစ်အုပ်စုဝင်တွေရဲ့ ထိခိုက်မှုအခြေအနေကို စုံစမ်းနေဆဲပဲလို့ Federal Wings ကထုတ်ပြန်ထားပြီး အ ဆောက်အအုံတချို့ပျက်စီးမှုရှိကြောင်း GTR MMU ကထုတ်ပြန်ပါတယ်။

“ပြည်သူတွေသိမှာစိုးလို့ ညတွင်းချင်းပဲ သေတာထိတာတွေကို သယ်ထုတ်သွားတယ်လို့ သိရတယ်။ စစ်ကိုင်းဘက်ကို သယ်ထုတ်သွားတာ” လို့ မြင်းမူမြို့ခံက ဆိုပါတယ်။

အဲဒီတိုက်ခိုက်မှုကို (၁၈၀၁)တပ်ရင်း၊ တပ်ခွဲ(၃)စစ်ကိုင်းဒေသ Federal Wings၊ စစ်ကိုင်းခရိုင် ပကဖ၊ GTR မြင်းမူ၊ မုံရွာခရိုင်ဒရုန်းတပ်ဖွဲ့ ၊ SAF ကျောင်းသားလက်ရုံးတပ်၊ ကျောက်ဆည် ခရိုင် တပ်ရင်း (၁) နဂါးနီ၊ကျောက်ဆည်ခရိုင်ဒရုန်းတပ်ဖွဲ့နဲ့   Lightning Drone Force အဖွဲ့တို့ပူးပေါင်းလုပ်ဆောင်ခဲ့ပြီး ပူးပေါင်းဒရုန်းတပ်ဖွဲ့ဝင်များအားလုံး အထိအခိုက်မရှိ ဆုတ်ခွါနိုင်ခဲ့ကြောင်း သိရပါတယ်။

~~~~~~~~~~~

နိုင်ကြီး