ကချင်ပြည်နယ်၊ ရွှေကူမြို့နယ်၊ ကျောက်ကြီးကျေးရွာ ရဲစခန်း အလစ်အငိုက် တိုက်ခိုက် သိမ်းပိုက်ခံရပြီးနောက် အကြမ်းဖက် စစ်တပ်က လေကြောင်းတိုက်ခိုက်မှု ၅ ကြိမ် ပြုလုပ်ခဲ့ပေမဲ့ PDF တွေ အန္တရာယ်ကင်းခဲ့ကြောင်း သိရပါတယ်။

စက်တင်ဘာ ၁ ရက်၊ မနက် ၃ နာရီကျော်မှာ ကျောက်ကြီးရွာအခြေစိုက် စစ်တပ်နဲ့ ရဲစခန်းကို မြို့လှ K-PDF တပ်ရင်းက အလစ်ဝင်တိုက်ခဲ့ရာ ၃ နာရီကြာပြီးနောက် လေကြောင်းပစ်ကူ လာနေပြီဆိုတဲ့သတင်း ကြိုတင်ရရှိလို့ ပြန်လည်ဆုတ်ခွာခဲ့တာကြောင့် ထိခိုက်မှုမရှိကြောင်း မြို့လှ PDF ကသတင်း ထုတ်ပြန်ပါတယ်။

မနက် ၇ နာရီ ၁၅ မိနစ်မှာ ဂျက်ဖိုက်တာနဲ့ ၂ကြိမ်နဲ့ အဲဒီနောက် Mi 35 စစ်ရဟတ်ယာဉ်နဲ့  ၃ ကြိမ် တိုက်ပွဲဖြစ်ပွားရာ ကျောက်ကြီးရွာ အနီးတစ်ဝိုက်ကို တိုက်ခိုက်ခဲ့ခြင်းဖြစ်ပါတယ်။

ကျောက်ကြီးကျေးရွာမှာတပ်စွဲထားတဲ့ ခလရ (၇၇) အထိုင်တပ်နဲ့ ရဲစခန်းကို  အလစ်အငိုက် တိုက်ခိုက်သိမ်းပိုက်ခဲ့ရာမှာ  စစ်သား (၅)ဦးထက်မနည်းသေဆုံပြီး (၆)ဦးဒဏ်ရာရကာ  MA သေနတ် ၁ လက်နဲ့ ခဲယမ်းအများအပြား သိမ်းဆည်းရရှိခဲ့ပါတယ်။

စတင်တိုက်ခိုက်ခံရချိန်မှာ ခလရ (၇၇) တပ်ဟာ သူတို့နေရာယူတပ်စွဲထားတဲ့နေရာကို စွန့်ခွာခဲ့ပြီး ခံတပ်ကောင်းတဲ့ ရဲစခန်းအတွင်းသို့ ထွက်ပြေးသွားကြကာ ရဲစခန်းအတွင်းမှာ ချောင်ပိတ်အရိုက်ခံရသလို ဖြစ်သွားကြောင်း  ရဲစခန်းထဲရှိ ဘန်ကာထဲကနေပဲ ရမ်းသန်းပစ်ခတ်ပြီး အပြင်မထွက်ရဲတော့ကြောင်း မြို့လှ PDF ကဆိုပါတယ်။

~~~~~~~~~~

ကိုဦး