မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့ပေါ်မှာ ကင်းပုန်းဝပ်နေတဲ့ အကြမ်းဖက် စစ်သားတွေကို ဒရုန်းနဲ့ ဗုံးကြဲခဲ့ရာ ၂ ဦးသေဆုံးကာ ၂ ဦး ဒဏ်ရာရခဲ့ကြောင်း ကျိုက်ထိုတော်လှန်ရေးအင်အားစု(KRF) က ဒီနေ့မနက်မှာ သတင်းထုတ်ပြန်ပါတယ်။

သိမ်ဇရပ်မြို့၊ အမှတ်(၅)ရပ်ကွက်၊ ဆင်ဖြူတော်ဘုန်းကြီးကျောင်းအနီး ကင်းပုန်းဝပ်နေတဲ့ အမတ-၃၁၀နဲ့ တပ်မ-၇၇ ပူးပေါင်းစစ်တပ်ကို တော်လှန်ရေးပူးပေါင်းတပ်က ဩဂုတ် ၂၀ ရက်၊ ညနေ ၅ နာရီ လောက်မှာ ဒရုန်းနဲ့ ဗုံးကြဲခဲ့ခြင်းဖြစ်ပါတယ်။

“အဓိကကတော့ စခတွေလှုပ်ရှားမှုမှန်သမျှကို သတင်းပေးမယ့် ပြည်သူတွေ ကျနော်တို့ ဘက်မှာ အပြည့်ရှိတယ်။ အဲဒါကြောင့် ခွေးတွေရှိတဲ့နေရာကို အတိအကျအလွယ်တကူသိပြီး ဗုံးကြဲနိုင်တာ” လို့ ဒေသတွင်း PDF ရဲဘော်တစ်ဦးက ပြောပါတယ်။

အဲဒီတိုက်ခိုက်မှုကို KNU/KNLA ၊ KRF ABSDF၊ ခရမ်းပြည်သူ့ကာကွယ်ရေးအဖွဲ့(Drone Team)တို့ ပူး ပေါင်းလုပ်ဆောင်ခဲ့ခြင်းဖြစ်ပြီး တော်လှန်ရေးရဲဘော်တွေ အထိအခိုက်မရှိ ပြန်လည်ဆုတ်ခွာလာနိုင်ခဲ့ကြောင်း သိရပါတယ်။

ဩဂုတ် ၁၈ ရက်ကလည်း ဒေသတွင်းတော်လှန်ရေးအင်အားစုတွေဟာ သိမ်ဇရပ်မြို့အနီး ကားလမ်းမပေါ်မှာ နယ်မြေစိုးမိုးရေးနဲ့စစ်ဆေးရေး လုပ်ငန်းဆောင်ရွက်ခဲ့ရာမှာ ခရီးသွားပြည်သူတွေက အစားအ သောက်များစွာ ပေးအပ်ခဲ့ပါတယ်။

~~~~~~~~~~~

ကိုထက်