ကချင်ပြည်နယ်၊ ဗန်းမော်မြို့ပေါ်ရှိ ရပ်ကွက်တွင်း လမ်းတွေပါမကျန် အကြမ်းဖက် စစ်တပ်က သွားလာခွင့်ပိတ်ပင်ထားကြောင်း သိရပါတယ်။

ဗန်းမော်မြို့တွင်း၊ မြို့ပြင် လုံခြုံရေး တင်းကျပ်ထားပြီး စစ်အုပ်စုလက်အောက်ခံ ဌာနဆိုင်ရာ ဝန်ထမ်းတွေကလွဲပြီး သာမန်ပြည်သူတွေ သွားလာခွင့်မရဘူးလို့ ဒေသတွင်းမီဒီယာ Kzchin News Group က ဖော်ပြပါတယ်။

ဩဂုတ် ၁၉ ရက်နေ့၊ စက်လက်နက်နဲ့ရိက္ခာတင်လာတဲ့ သင်္ဘော ၉ စီး ဗန်းမော်မြို့ကို ဆိုက်ကပ်လာပြီး နောက် အဲဒီလို ပိတ်ပင်ခြင်းဖြစ်ကြောင်း သိရပါတယ်။

“တစ်မြို့လုံး တိတ်နေရော။ ၁၉ ရက်နေ့ကတည်းက စစ်သားစစ်ဖို့ ဆိုင်ကယ်မရပ်ပေးလို့ဆိုပြီး အပစ်ခံရသေးတယ်။ တကယ်ပစ်နေတာဆိုတော့ ဘယ်သူမှ အပြင်မထွက်ရဲဘူး။ ဒီမနက်အထိ။” လို့ ဗန်းမော်မြို့ခံတစ်ဦး က ဒီနေ့ ဩဂုတ် ၂၂ ရက် မနက်ပိုင်းမှာ ငွေမောင်းသံကို ပြောပါတယ်။

ဗန်းမော်မြို့ပြင်ကလူတွေ မြို့ထဲဝင်မရသလို မြို့ထဲကနေလည်း ဘယ်ကိုမှ ထွက်မရကြောင်း မသင်္ကာရင် ဖမ်းဆီးနေတာကြောင့် ဈေးတောင်သွားလို့မရကြောင်း KNG ကဖော်ပြပါတယ်။
အခုလို လုံခြုံရေးတင်းကျပ်တာဟာ သင်္ဘောတွေပေါ်ကနေ ပစ္စည်းတွေချနေတာကြောင့် ဖြစ်နိုင်ကြောင်း ဗန်းမော်ဒေသခံတွေ ယူဆကြပါတယ်။

~~~~~~~~~~~~~

ကိုငြိမ်း