ဇွန်လ ၂၅ ရက်ကစတင်ခဲ့တဲ့ ရှမ်းမန်းစစ်ဆင်​ရေးဟာ မူလဦးတည်ထားတဲ့ နေရာအ​တော်များများမှာ အပြင်းအထန် ဆက်လက်ဖြစ်ပွား​နေပါတယ်။ အောင်ပွဲ​တွေရရှိ​နေတာလဲ ​တွေ့မြင်​နေကြရတာဖြစ်တယ်။ အထူးသဖြင့်​တော့ မန်း PDF စစ်ဆင်ဆင်​ရေးနယ်​မြေထဲမှာ စစ်စခန်းသိမ်းပိုက်တာတွေ ဆက်ရှိ​နေတာပါ။ စဥ့်ကူးမြို့ကိုအပြီးတိုင်သိမ်းပိုက်နိုင်ခဲ့တာ​တောင် ၃ ရက်​လောက်ရှိပါပြီ။ တပ်​တွေက မန္တ​လေးနဲ့ ဆယ်မိုင်အကွာ​လောက်အထိ​ရောက်​နေတာပါ။ မန္တလေးရဲ့ မြောက်ဘက် အ​ရှေ့ဘက်​တောင်​ကြော​တွေ၊ အ​နောက်ဖက် ဧရာဝတီ မင်းကွန်းစတဲ့ဘက်​တွေနဲ့ အ​ရှေ့ဘက် နောင်ချို စတဲ့​နေရာအနှံ့ PDF တပ်​တွေ TNLA တပ်​တွေရှိ​နေပါပြီ။ ဒီရက်ပိုင်းမှာပဲ မိုးကုတ်ဗျူဟာ တပ်ရင်း ၁၂၂၂ က စကစဘက်က ဒုဗမက တစ်ဦး၊ ဗက ၅ ဦး ​လောက်နဲ့ ရဲမှုး ၊ မြို့နယ်အုပ်ချုပ်​ရေးမှူးစတဲ့ စကစလူ တသိုက်ကြီး သုံ့ပန်းအဖြစ် ဖမ်းဆီးရမိခဲ့တာဖြစ်တယ်။ သူတို့နဲ့ အင်တာဗျူး​တွေ​တောင် လိုင်း​ပေါ်မှာ နား​ထောင်​နေရပါပြီ။ ဒါ​တွေက ရှမ်းမန်းစစ်ဆင်​ရေး​ အောင်မြင်မှု​တွေထဲက အစိတ်အပိုင်း​လေးတခုပဲဖြစ်ပါတယ်။ အခု​တော့ သုံးနှစ်သား ပဲရှိ​သေးတဲ့ ပြည်သူ့ကာကွယ်​ရေးတပ်​တွေရဲ့ တိုက်ရည်ခိုက်ရည်နဲ့ စိတ်ဓါတ်ကြံ့ခိုင်မှု​တွေကို ကမ္ဘာကပါ အ​သေအခြာ မြင်​တွေ့လာကြရပါပြီ။

တော်လှန်​ရေးဆိုတာ ဘော်လုံးကန်တာမဟုတ်၊ လက်​ဝှေ့ထိုးတာမဟုတ် ဆိုပြီး ဖြည့်ရ​တော့မယ်။ အ​ကြောင်းက​တော့ ၁၀၂၇ တုံးကလိုပဲ အခုလဲတရုတ်ကရပ်ဖို့ဖိအား​တွေ​ပေး​နေလို့ပါ။

တရုတ်​တော်လှန်​ရေးကာလတုန်းက ပြင်းထန်မှု​တွေ ရက်စက်မှု​တွေ အ​ကွေ့အ​ကောက်ဥာဏ်ကစားရမှု​တွေကို အ​ကြောင်းပြုလို့ မော်စီတုန်းက တော်လှန်​ရေးဆိုတာ ဧည့်သည်ထမင်းဖိတ်​ကြွေးတာမဟုတ်၊ ဇာထိုးပန်းထိုးတာမဟုတ် စသဖြင့် နာမည်​ကျော်စကားတခွန်း​ပြောခဲ့ဖူးတာ မှတ်သားမိတယ်။ အခုမြန်မာ့​နွေဦးမှာ​တော့ အဲဒါ​တွေအပြင် ထပ်ဖြည့်ရမှာ​တွေပါရှိလာတယ်။ တော်လှန်​ရေးဆိုတာ ဘော်လုံးကန်တာမဟုတ်၊ လက်​ဝှေ့ထိုးတာမဟုတ် ဆိုပြီး ဖြည့်ရ​တော့မယ်။ အ​ကြောင်းက​တော့ ၁၀၂၇ တုံးကလိုပဲ အခုလဲတရုတ်ကရပ်ဖို့ဖိအား​တွေ​ပေး​နေလို့ပါ။ ဒါ​ကြောင့် TNLA ခေါင်း​ဆောင်က "ဘရိတ်ခဏခဏယူရ​အောင်​ ဘော်လုံးကန်​နေတာမဟုတ်ဖူး၊ ခဏခဏနားရ​အောင် လက်​ဝှေ့ထိုး​နေတာလဲမဟုတ်ဖူး" ဆိုပြီး ပြန်ပြောခဲ့တဲ့ စကား​လေးပါပဲ၊ ရှေ့သို့---- ရှေ့သို့ --- ဆက်ချီတက်ကြစို့ ဆိုတဲ့ အဆို​တော် လင်းလင်းရဲ့ သီချင်းကိုဆက်ဆိုကြဖို့ ဗိုလ်ချုပ်တာ့ဖုန်း​ကျော်က ပြောသွားတာပါ။ ဒါကလဲ​ပြောင်​မြောက်တဲ့ ဥပမာ​လေးပါပဲ၊ မြန်မာပြည်သူ​တွေအတွက်​ သေ​ရေးရှင်​ရေးကိစ္စ​တွေဟာ နိုင်ငံကြီး​တွေအတွက် ပွန်း​ရွှေ့ကွက်က​လေး​လောက်ပဲ သ​ဘောထား​နေသလိုပါပဲ။

ဒီတ​လောမှာပဲ ဝတပ်​တွေ စကစနဲ့ညှိပြီး တန့်ယန်းဘက်မှာ နေရာယူလိုက်တာ​တွေ့ကြရတယ်။ အလားတူ ရှမ်းတပ်ကလဲ မိုင်းရယ်နဲ့ အခြား​နေရာအချို့ကို တက်ယူလိုက်တယ်။ သူတို့​ပြောတာက​တော့ လွတ်​နေတဲ့ နေရာ​တွေကို ဝင်ယူတာလို့ဆိုတယ်။ နေရာဘယ်​လောက်ပဲလွတ်လွတ်​ပေါ့​လေ ဝနဲ့ စကစကြားညှိထားတာမရှိရင် နေရာဝင်ယူလို့ရမှာ မဟုတ်ပါဘူး။ ညှိထားတာက​တော့​ သေချာပါတယ်။ မညှိပဲနဲ့ ဝ​တောင်က ၁၇၁ တပ်​တွေ ကျိုင်းတုံကွင်းကိုဖြတ်ပြီး မိုင်းယန်းက​နေတဆင့် ဝနယ်ကို ရောက်ဖို့အ​ကြောင်းမရှိသလို ဝတပ်​တွေအားလုံး မန်မန်းဆိုင်က စကစ စခန်း​တွေကို ဖြတ်ပြီး သံလွင်မြစ်ကို ကူးလာဖို့ မဖြစ်နိုင်ပါဘူး။ ဒါ​ပေမယ့် စခန်းအ​သေး​လေးတခု​တောင်မစွန့်နိုင်တဲ့ စကစ ဟာ ဒီလိုအ​ရေးပါတဲ့​နေရာ​တွေ ဝနဲ့ ရှမ်းတပ်ကို ပေးထိုင် ခိုင်းတယ်ဆိုတာကလဲ အံ့သြစရာပါပဲ။

အခု​တော့ မြန်မာ့အ​ရေးက​နေ တရုတ်ဘာလို ချင်တာလဲ ၊ ဘာဖြစ်ချင်တာလဲ၊ ဘယ်လိုလမ်း​ကြောင်း​နေတာလဲ ဆိုတာက ပိုအ​ရေးကြီး လာ​နေပါတယ်။

အခု MNDAA က ၁၄ ရက်က​နေ ၁၈ ရက်အထိ တဘက်သတ် အပစ်ရပ် ထားရာက​နေ ၃၁ ရက်အထိထပ်ပြီး အပစ်ရပ်လိုက်တာကလဲ ထူးခြား​နေတာ ဖြစ်ပါတယ်။ ခြုံ​ပြောရင်​တော့ ဒီကိစ္စ​တွေအားလုံး တရုတ်ကြားမခံပဲ ဖြစ်မလာနိုင်ပါဘူး။ အခု​တော့ မြန်မာ့အ​ရေးက​နေ တရုတ်ဘာလို ချင်တာလဲ ၊ ဘာဖြစ်ချင်တာလဲ၊ ဘယ်လိုလမ်း​ကြောင်း​နေတာလဲ ဆိုတာက ပိုအ​ရေးကြီး လာ​နေပါတယ်။ အခု ဘ​ပြောင်နဲ့ စိုးဝင်းကိုဖိတ်တာ ၊ အော့​ကြောလန်ပါတီ ၄ ခုကိုဖိတ်တာ၊ အခြား ဘာဘာညာညာအဖွဲ့​တွေ တရုတ်ကို ဖိတ်​နေတာ​တွေကိုကြည့်ရင်  တရုတ်ဗျူဟာက ခြေနှစ်ဘက်နင်းထားပြီး လက်နှစ်ဘက်နဲ့ ကိုင်ထားရတဲ့တိုင် မလုံ​လောက်​သေးပဲ နောက်ထပ် ကိုင်ထားစရာ​တွေအားလုံး လက်ဆယ်​ချောင်း​လောက်ဖန်တီးပြီး ကိုင်ထားချင်တဲ့သ​ဘောလို့ နားလည်ရပါတယ်။ အဲဒီထဲမှာ NUG ကလဲ အစိတ်အပိုင်း​လေးတခု​ပေါ့။

ပြည်သူ့ဆန္ဒ​တွေ ဖက်ဒရယ်​တွေ၊ တော်လှန်တာ​တွေ မ​တော်လှန်တာ​တွေက သူ့အတွက် အ​ရေးမပါပါဘူး။ သူ့ရဲ့ မဟာ ဗျူဟာထဲက ပွန်း​လေးတခုလိုပဲ စဥ်းစား​နေတာပါပဲ။

ပြည်သူ့ဆန္ဒ​တွေ ဖက်ဒရယ်​တွေ၊ တော်လှန်တာ​တွေ မ​တော်လှန်တာ​တွေက သူ့အတွက် အ​ရေးမပါပါဘူး။ သူ့ရဲ့ မဟာ ဗျူဟာထဲက ပွန်း​လေးတခုလိုပဲ စဥ်းစား​နေတာပါပဲ။ တဘက်မှာ အ​မေရိကန်က သမ္မတ​နေရာပြိုင်ပွဲမှာ အန်ကယ်ကြီး နှုတ်ထွက်သွား​တော့ ဗမာပြည်ဘယ်နားမှာမှန်း အ​သေအချာမသိတဲ့သူက သမ္မတဖြစ်​တော့မှာပါ။ လာမယ့် နိုဝင်ဘာ​နောက်ပိုင်း သူ့ကို ဒီကအ​ခြေအ​နေသိ​အောင် မိတ်ဆက်ရတာက နှစ်ဝက်​လောက်ကြာသွားမှာ ဖြစ်တယ်။ အဲ​တော့ အ​နောက်က ရည်ရွယ်သည်ဖြစ်​စေ မရည်ရွယ်သည်ဖြစ်​စေ မြန်မာ့အ​ရေးကို တရုတ်လက် ဝကွက် အပ်ထားလိုက်တဲ့သ​ဘောပါပဲ။ တကယ်လဲ ဝကို ကွက်ပြီး တရုတ်က အပ်​နေတာပါပဲ။ ဒါ​တွေကို​ လေးနက်ရင် တော်လှန်​ရေးသမားဆိုသူများ လမ်း​ကြောင်းမှန်ကို ရှာကြရ​တော့မှာပါ။ ဒီလကုန် စစ်​ကောင်စီရဲ့ခြေလှမ်း ကို စောင့်ကြည့်ပြီးရင် အလျှင်အမြန်လှုပ်ရှားကြရ​တော့မှာပါ။ လှုပ်ရှားတယ်ဆိုရာမှာ​တော့ စစ်​ရေးအရ​ပြောရင် TNLA ဗိုလ်ချုပ်​ပြောသလို အဆို​တော်လင်းလင်းရဲ့ သီချင်းအတိုင်း ဆက်သွားဖို့ ဖြစ်ပါတယ်။ ဒါကအမြဲ ဦးစား​ပေးသွားရမယ့် လမ်းပါ၊ နိုင်ငံ​ရေးအရ​တော့ အကျယ်အပြန့် စဥ်းစားဖို့လိုတာပါ။

အလွန်ပါးနပ်စွာလှုပ်ရှားကြဖို့ပဲ ဖြစ်ပါလိမ့်မယ်။ နိုင်ငံ​ရေးအရ နောက်တခု ဖြစ်သင့်တာက​တော့ FPNCC နဲ့ နီးကပ်စွာဆက်ဆံပြီး နားလည်မှုရ​အောင် ကြိုးပမ်းသင့်တာပါပဲ။ အဲဒီကမှတဆင့် တရုတ်နိုင်ငံကို ဆက်ဆံ​ရေးပို​ကောင်းလာ​အောင် လုပ်သင့်တာပါ။ ကိုယ့်လက်ထဲမှာ ဆုပ်ဆုပ်ကိုင်ကိုင် အာဏာမရှိ​သေးဘူးဆိုတာလဲ သ​ဘော​ပေါက်ကြဖို့လိုတာပါပဲ။ 

~~~~

အိုက်ငင်း