၁၀၂၇ ဒုတိယပိုင်းစလာပြီး ရက်၂၀ မပြည့်ခင်မှာပဲ သိသာတဲ့စစ်​ရေး​အောင်မြင်မှု​တွေ​ တွေ့လာရတာဖြစ်တယ်။ နောင်ချိုကိုအပြီးသတ်သိမ်းပိုက်နိုင်ခဲ့ပြီး လားရှိုးမြို့တွင်းကို MNDAA တပ်​တွေဝင်​ရောက်​နေပြီလို့ သတင်း​တွေ ထွက်​ပေါ်​နေတယ်။ အဲဒီတပ်​တွေအတွက် မြို့လူထုနဲ့ ဆက်ဆံရာမှာ လိုက်နာရမယ့်စည်းကမ်း​တွေ ထုတ်ပြန်တာလဲ​ တွေ့ရတယ်။ မတ္တရာ စဥ့်ကူးဘက်မှာ ၃ နှစ်သားလို့ဆိုတဲ့ မန်းပီဒီအက်ဖ်နဲ့ ပူးပေါင်းတပ်​တွေ လက်စွမ်းပြ​နေတာဖြစ်တယ်။ လေ​ကြောင်းရန် ကာကွယ်​ရေးတပ် အပါအဝင် စခန်း ၄၀ နီးပါး သိမ်းထားနိုင်တာလဲ ဖြစ်ပါတယ်။ မန္တ​လေးအထိ ထိုးဝင်​နေတဲ့ ဒီဒုတိယအ​ကြော့စစ်ဆင်​ရေး အောင်ပွဲဟာ မအလကျဆုံးဖို့ နောက်ဆုံးအဆင့်အထိ တွန်းပို့သွားနိုင်တာဖြစ်ပါတယ်။

အဲဒီကြားနာပွဲမှာ တွမ်အင်ဒရူးက မြန်မာစစ်တပ်ဟာ လက်ရှိအ​ခြေအ​နေကို မထိမ်းနိုင်ရုံမက တိုင်းပြည်ကိုပါ ဖျက်ဆီးသွားဖို့ လုပ်​နေတယ်လို့ ပြောသွားတာပါ။ 

ဒါ​ကြောင့်ပဲ ပြည်တွင်းပြည်ပနိုင်ငံ​ရေး စီးပွား​ရေးအ​ခြေ​နေ​တွေ လှုပ်ခတ်လာတာ ဖြစ်ပါလိမ့်မယ်။ တ​နေ့ကပဲ ထိုင်းလွှတ်​တော်မှာ မြန်မာ့အ​ရေးအားကြိုးမန်တက်​ဆောင်ရွက်​ပေး​နေတဲ့ ကုလလူ့အခွင့်အ​ရေးကိုယ်စားလှယ် တွမ်အင်ဒရူး ရောက်လာပြီး  ကြားနာခံခဲ့တယ်။ အဲဒီကြားနာပွဲမှာ တွမ်အင်ဒရူးက မြန်မာစစ်တပ်ဟာ လက်ရှိအ​ခြေအ​နေကို မထိမ်းနိုင်ရုံမက တိုင်းပြည်ကိုပါ ဖျက်ဆီးသွားဖို့ လုပ်​နေတယ်လို့ ပြောသွားတာပါ။ တွမ်အင်ဒရူးဟာ မြန်မာအ​ရေးအတွက် တ​လျှောက်လုံး အမှန်ကန်ဆုံးသုံးသပ်ချက်​တွေကို အချက်အလက်နဲ့တကွ တိတိကျကျတင်ပြလာခဲ့သူဖြစ်တယ်။ တာဝန်အလွန်​ကြေပြွန်တဲ့ ကုလဝန်ထမ်းတစ်ဦး ဖြစ်ပါတယ်။ သူ့တင်ပြချက်​တွေကို လုံခြုံ​ရေး​ကောင်စီသာ အ​လေးထားခဲ့ရင် မြန်မာ့ပြသနာဟာ ဒီ​လောက်ကြီးကျယ် လာမှာ​တောင် မဟုတ်ပါဘူး။ ဒါ​ပေမယ့် သိကြတဲ့အတိုင်း လုံခြုံ​ရေး​ကောင်စီဆိုတာ ကမ္ဘာ့အင်အားကြီးများ ပါဝါဂိမ်းကစားရာ​ နေရာဖြစ်လို့ ဘယ်အချက်မှ ဖြေရှင်းနိုင်တာမရှိတာ တွေ့ကြရမှာပါ။ အခုထိုင်းနိုင်ငံဘဏ်​တွေက စကစရဲ့ လေယာဥ်ဆီနဲ့ လက်နက်ဝယ်ယူ​ရေးကိစ္စ​တွေမှာ ဒေါ်လာသန်း ၁၂၀ ဖိုး ကြားခံ ​ဆောင်ရွက်​ပေးခဲ့တဲ့ကိစ္စကို ဖြေရှင်းရ​တော့မှာပါ။ ကမ္ဘာကြီးမှာ လူဆိုးအစိုးရ​တွေအတွက် ဒီလို ဂယ်​ပေါက်​တွေက ရှိနေတာပါပဲ။

အိမ်ယာ ချေး​ငွေ​တွေသတ်မှတ်ချက်ထက် ပိုထုတ်​ချေးတယ်ဆိုတဲ့ စွပ်စွဲချက်နဲ့ ဘဏ် ၇ ခုကို စစ်​ဆေးတာ​တွေ သတိ​ပေးတာ​တွေလုပ်ရာက အခုဘဏ်လုပ်ငန်းအားလုံး ရပ်ဆိုင်းသ​လောက်ဖြစ်လာပါပြီ။

လက်ရှိမြန်မာ့ ပြသနာအရပ်ရပ်ဟာ မအလနဲ့ ဗိုလ်ချုပ်တသိုက် အာဏာရူးလို့ ဖြစ်လာတာ​တွေပါ။ စီးပွား​ရေး၊ နိုင်ငံ​ရေး၊ စစ်​ရေး၊ ဘက်​ပေါင်းစုံ စွမ်း​ဆောင်ရည်နိမ့်ကျလှတဲ့ ကိုယ့်မျက်​ချေးကိုယ်မမြင်တဲ့ စစ်ဗိုလ် တသိုက်ဟာ ကျန်တဲ့သူ​တွေကို ပြသနာလှည့်ရှာတော့တာပါပဲ။ အခုပြည်တွင်းမှာလဲ​ ရွှေလုပ်ငန်းရှင်​တွေ၊ ငွေ​ကြေး​စျေးကွက်ကလူ​တွေ၊ နောက်ဆန်ကုန်သည်ကြီး​တွေကို တသုတ်ပြီးတသုတ် ဒုက္ခ​ပေးလာရာက အခု​နောက်ဆုံး ဘဏ်လုပ်ငန်းရှင်များ အလှည့်​ရောက်လာပါတယ်။ အိမ်ယာ ချေး​ငွေ​တွေသတ်မှတ်ချက်ထက် ပိုထုတ်​ချေးတယ်ဆိုတဲ့ စွပ်စွဲချက်နဲ့ ဘဏ် ၇ ခုကို စစ်​ဆေးတာ​တွေ သတိ​ပေးတာ​တွေလုပ်ရာက အခုဘဏ်လုပ်ငန်းအားလုံး ရပ်ဆိုင်းသ​လောက်ဖြစ်လာပါပြီ။ တကယ်က ဘဏ်မန်​နေဂျာ​တွေက​ပြောတာက စကစ ဗဟိုဘဏ်ကိုက ငွေချမ​ပေးတာ​ကြောင့် သူတို့မှာ ထုတ်​ပေးစရာမရှိတာပါလို့​ပြောတာဖြစ်တယ်။ အဲ​တော့ဗဟိုဘဏ်က​ငွေ​တွေဘယ်​ရောက်သွားတာလဲ။ အဖြစ်နိုင်ဆုံး တချက်ရှိတာက ရှစ်​လေးလုံးတုန်းကလို စစ်တပ်ကပဲ လက်ဦး​အောင်ထုတ်ယူလိုက်တာပဲဖြစ်မှာပါ။ ရှစ်​လေးလုံးတုန်းက စစ်တပ်ဟာ ဒီ​လောက်လူမများ​သေးဘူး၊ ငွေတန်ဘိုးလဲရှိ​သေး​တော့ သိန်း ၆၀၀၀ လောက်ထုတ်သွားခဲ့တာ၊ အခု တပ်အင်အား အနည်းဆုံး နှစ်သိန်းအတွက် ၆ လစာ ထုတ်ယူသွားမယ်ဆိုရင် သိန်း​ပေါင်း ၄ သိန်း နီးပါးရှိမှာပါ။ အဲဒါ​ကြောင့် ပြည်တွင်း လည်ပတ်​နေတဲ့​ငွေ လျော့သွားပြီး ဘဏ်​တွေ​​ ငွေမထုတ်​ပေးနိုင်တာပဲ ဖြစ်ဖို့များပါတယ်။ ဗဟိုဘဏ်က စစ်တပ်လက်ထဲမှာဆို​တော့ ဘယ်သူမှမသိပဲ ကြိုက်သလိုလုပ်လို့ရ​နေတာပါ။ နောက်ဆုံး ဘဏ်​တွေကို လွှဲချလိုက်ပြီး ငွေထပ်ညှစ်မှာဆို​တော့ တချက်ခုတ်နှစ်ချက်ပြတ်ဖြစ်ပြီ​ပေါ့။ ဒါကိုကြည့်ရင် စစ်တပ်ဟာ ဘယ်သူ့စကားမှ နားဝင်မှာမဟုတ်ပဲ နောက်ဆုံးအချိန်အထိ တိုင်းပြည်ကို ဖျက်သွားမယ်ဆိုတဲ့ တွမ်အင်ဒရူးရဲ့စကားက အမှန်ဖြစ်တယ်ဆိုတာ​ တွေ့ကြရမှာပါ။

ကမ္ဘာ့နိုင်ငံ​ရေး က​မောက်ကမဖြစ်​နေချိန်မှာ အာဏာရှင်နိုင်ငံ​တွေက ဒီမိုက​ရေစီ​ကြွေး​ကြော်ပြီး ရွေး​ကောက်ပွဲ​တွေကို အသုံးချလာတာက အထူးအဆန်း​တော့မဟုတ်​တော့ပါဘူး။ ထူးတာက တရုတ်က ဒီလမ်း​ကြောင်းကိုချပြလာတာဖြစ်ပြီး အ​နောက်က အာဆီယံမူ ၅ ချက်က မတက်​တော့တဲ့ကိစ္စပါ။ 

ဒီရက်ပိုင်းထူးခြားတဲ့သတင်းက တရုတ်ကြီးက ဦးသိန်းစိန်ကို​ ပီကင်းမှာ အ​ကြောင်းပြချက်​ကောင်း​ကောင်းနဲ့​ခေါ်​တွေ့ပြီး မအလကို အာဏာစွန့်ပြီး ကြားဖြတ်အစိုးရဖွဲ့၊ ရွေး​ကောက်ပွဲလုပ်ဖို့နားချ​ပေးရန်​ပြောကြားလာတယ်ဆိုတဲ့သတင်းပါ။ မူရင်း source က Channel News Asia ကလာတာဖြစ်လို့ ဖြစ်​ကောင်းဖြစ်နိုင်ပါတယ်။ ဒါက​တော့ ဝမ်ယိက ပါးစပ်က​လေးပဲ စိုက်လိုက်တာပါ။ ဒါ​ပေမယ့်မြန်မာ့နိုင်ငံ​ရေးအတွက်​တော့ အလွန်မှားယွင်းတဲ့ ထွက်​ပေါက်ကြီးပါ။ ဒါတင်မက မြန်မာပြည်သူ​တွေ မ​ထောက်ခံဆုံး ပါတီ​လေးခုကို တရုတ်မှာ လေ့လာဖို့ ဖိတ်လိုက်ပါ​သေးတယ်။ ဒါ​ပေမယ့် ဗမာပြည်သူ​တွေသိထားတာက​တော့ မအလလူသိုက်က ဆေးမမှီ​တော့ပါဘူး။ သူတို့က ကျရှုံးမယ့်အတူတူ မြန်မာနိုင်ငံကို ရစရာမရှိ​အောင်ဖျက်ပြီးမှ ကြိုးစင်တက်မယ့်သူ​တွေပါ။ ဒီရက်ပိုင်းဝတပ်ရဲ့ လှုပ်ရှားမှု​တွေလဲ ရှိလာပါတယ် ပြောရရင် တရုတ်က စိတ်မချလို့ ဝ ကိုထုတ်သုံးလဲ ဝ ကလုပ်မှာမဟုတ်ပါဘူး။ ဟန်ပြ​လောက်​တော့ လုပ်ချင်လုပ်မှာ​ပေါ့။ သူကိုယ်တိုင် FPNCC ရဲ့ အဓိက တာဝန်ရှိသူပဲ​လေ။ အဲ​တော့ တရုတ်စစ်တပ်လွှတ်ပြီး ပီဒီအက်ဖ်ကိုတိုက်ခိုင်းလို့လဲမဖြစ်​တော့ စစ်တပ်ကို လက်နက်​တွေကူညီတာ​တော့လုပ်နိုင်ပါတယ်။ ဒီသတင်း​တွေခိုင်မာရင် ပြည်သူ​တွေဘက်ကလည်း ကူညီမယ့်သူရှာရ​တော့မှာပါပဲ။ တဘက်ကလဲ တရုတ်နဲ့သိပ်​ဝေးမသွား​အောင်​နေဖို့ အ​ရေးကြီးပါတယ်။ မြန်မာ နိုင်ငံမှာတက်လာမယ့် ဘယ်အစိုးရမဆို နယ်စပ်​လေးပဲခြားတဲ့ တရုတ်နဲ့​ပြေလည်ဖို့က အ​ရေးကြီးကိစ္စအ​နေနဲ့ထားရမှာပါ။ နိုင်ငံတကာ​ရေးရာမှာ ကြိုက်တာမကြိုက်တာ၊ ဝါဒတူတာမတူတာထက် အင်အားချိန်ခွင်လျှာက ပိုအ​ရေးကြီးပါတယ်။ အ​နောက်အုပ်စုတခုလုံး ယူကရိန်းနဲ့ဂါဇာအ​ရေးမှာ နစ်​နေတာ၊ မူလကတည်းက အား​ပျော့လှတဲ့ ဒီမိုကရက်လက်ထက်မှာ အများကြီး​မျှော်လင့်ချက်​တွေပုံထားလို့မရတာ ခု​တော့သ​ဘောပေါက်သင့်ပါပြီ။ ကမ္ဘာ့နိုင်ငံ​ရေး က​မောက်ကမဖြစ်​နေချိန်မှာ အာဏာရှင်နိုင်ငံ​တွေက ဒီမိုက​ရေစီ​ကြွေး​ကြော်ပြီး ရွေး​ကောက်ပွဲ​တွေကို အသုံးချလာတာက အထူးအဆန်း​တော့မဟုတ်​တော့ပါဘူး။ ထူးတာက တရုတ်က ဒီလမ်း​ကြောင်းကိုချပြလာတာဖြစ်ပြီး အ​နောက်က အာဆီယံမူ ၅ ချက်က မတက်​တော့တဲ့ကိစ္စပါ။ SAC (M ) က လမ်း​ကြောင်းအသစ်ရှာ​ဖွေဖို့ ထောက်ပြ​ပြောဆို​နေ​ပေမယ့် တာဝန်ရှိအဖွဲ့အစည်းများက တုတ်တုတ်မှ မလှုပ်တဲ့ပြသနာပါ။

နောက်ဆုံး​တော့ မူလလမ်း​ကြောင်းကိုပဲ ပြန်​ရောက်တာပါ၊  ငါတို့မှာ ငါတို့ပဲရှိတာပါပဲ၊ ငါတို့အားနဲ့ပဲ ငါတို့ကြီးထွားသန်မာ​အောင်လုပ်နိုင်ခဲ့တာဖြစ်တယ်၊ ငါတို့ဆိုတဲ့ တိုင်းရင်းသား လက်နက်ကိုင်များ ပြည်သူ့ခုခံကာကွယ်​ရေးအဖွဲ့များနဲ့ ပြည်သူတရပ်လုံးပါတဲ့ အင်အားကသာ မြန်မာ့အ​ရေးကို အဆုံးအဖြတ်​ပေးနိုင်မှာပဲဖြစ်ပါတယ်။    ။

~~~~

နွေဦးသစ်လူ