အခု​ ကေအိုင်​အေ စစ်မျက်နှာမှာ တိုက်ပွဲ​တွေ ပြန်​ဖော်တာ သုံးရက်​လောက် ရှိပါပြီ။ စခန်း​ပေါင်း များစွာကို တပြိုင်နက် တိုက်ခိုက်ခဲ့တာ ခုဆိုရင် အကြမ်းဖက် စစ်ကောင်စီ စစ်စခန်း ၂၀ ကျော်ကို သိမ်းပိုက်ရရှိထားပြီလို့လည်း သိရပါတယ်။ 

ဒီထဲမှာ ထုံးစံအတိုင်း တပ်ရင်းလိုက် လက်နက်ချတာ​တွေ​ရော၊ သေဆုံးတာ ထွက်​ပြေးတာ​တွေရောနဲ့ တကယ့်ကို ဝရုန်းသုန်းကား ဖရိုဖရဲပါပဲ။ စကစ တပ်တွေရဲ့ အ​ခြေအ​နေက တိုက်ရင်ရမယ်၊ တိုက်ရဲရင်​အောင်ပွဲ ရမယ်ဆိုတာကို ရှင်းရှင်းလင်းလင်းပဲ ​ဖော်ပြ​နေတာပါ။ 

အခုဆို မြဝတီ သင်္ဃန်းညီနောင်ဘက်က တပ်ရင်းနှစ်ရင်း​လောက်ကို သိမ်းပိုက်နိုင်ခဲ့ပြီး မြေပြင် အ​ခြေအ​နေ​တွေအရတော့ မြဝတီ၊ ကော့ကရိတ် အပါအဝင် အ​ရေးပါတဲ့ နေရာ​တွေ အားလုံးကို ခြိမ်း​ခြောက်ထားနိုင်တဲ့ အ​ခြေအ​နေပါ။

တစ်ချိန်ထဲမှာပဲ မြန်မာ​တောင်ပိုင်း KNU နယ်မြေ​တွေမှာလည်း တိုက်ပွဲ​တွေ စလာ​နေတာ တွေ့ရပါတယ်။ ကနဦး သတင်း​တွေအရ အခုဆို မြဝတီ သင်္ဃန်းညီနောင်ဘက်က တပ်ရင်းနှစ်ရင်း​လောက်ကို သိမ်းပိုက်နိုင်ခဲ့ပြီး မြေပြင် အ​ခြေအ​နေ​တွေအရတော့ မြဝတီ၊ ကော့ကရိတ် အပါအဝင် အ​ရေးပါတဲ့ နေရာ​တွေ အားလုံးကို ခြိမ်း​ခြောက်ထားနိုင်တဲ့ အ​ခြေအ​နေပါ။

စစ်ကိုင်းတိုင်းမှာ​တော့ မုံရွာနဲ့ မိုင် ၄၀ လောက်ပဲ​ဝေးတဲ့ ကနီမြို့ဟာ PDF ပူး​ပေါင်းတပ်​တွေ လက်​အောက်ကို ကျ​ရောက်သွားပါပြီ။ ပုခုက္ကူ၊ မြိုင်နဲ့ ကောလင်း၊ ဝန်းသိုဘက်မှာလည်း တိုက်ပွဲ​တွေ တော်တော် စိတ်​လာနေပါတယ်။ 

အင်တာဗျူးတစ်ခုမှာ KIA ဘက်က ဒီစစ်ဆင်​ရေးဟာ ၁၀၂၇ စစ်ဆင်​ရေးနဲ့ ချိတ်ဆက်​ဆောင်ရွက် ထားတာ မဟုတ်ဘဲ၊ သူတို့ရဲ့ သီးခြား ပြင်ဆင်ထားတဲ့ စီမံကိန်းဖြစ်တယ်လို့ ပြောသွားတာ​တွေ့ရပါတယ်။ 

စစ်တပ်ဟာ ရှက်တတ်ရင် လဲ​သေ​လောက်​အောင် ဖြစ်ရပ်တွေက ဆိုးဝါး​နေတာ ဖြစ်ပါတယ်။ ဗိုလ်မှူးချုပ်နဲ့ ဗိုလ်မှူးကြီးအဆင့်​တွေ အများကြီး သေကုန်တာမျိုးက ပြည်တွင်းစစ်သမိုင်းမှာ ဘယ်တုန်းကမှ မကြားဖူးခဲ့တာပါ။

အလားတူ ရခိုင်ဘက်က စစ်ဆင်​ရေးဟာလည်း ရှမ်း​မြောက်နဲ့ သီးခြားစီ ဖြစ်တယ်လို့ ပြောလို့ရပါတယ်။ ဒါ​ပေမယ့် ဘုံရန်သူ စကစကို ဦးတည် တိုက်​နေကြတာ ဖြစ်လို့ စစ်ပွဲ လှိုင်းလုံး​တွေက အလိုလို ဟန်ချက်ညီ​နေတာ ဖြစ်ပါတယ်။ 

စစ်တပ်ဟာ ရှက်တတ်ရင် လဲ​သေ​လောက်​အောင် ဖြစ်ရပ်တွေက ဆိုးဝါး​နေတာ ဖြစ်ပါတယ်။ ဗိုလ်မှူးချုပ်နဲ့ ဗိုလ်မှူးကြီးအဆင့်​တွေ အများကြီး သေကုန်တာမျိုးက ပြည်တွင်းစစ်သမိုင်းမှာ ဘယ်တုန်းကမှ မကြားဖူးခဲ့တာပါ။ ဗိုလ်မှူးချုပ် အဆင့်ချင်း ထိုးကြိတ်ကြတာ၊ အလင်းဝင်လာသူများ​ပြောပြကြတဲ့ တပ်တွင်း တပ်ပျက်​နေတဲ့ အ​ခြေ​နေ​တွေက မကြားချင်မှ အဆုံးပါပဲ။ မအလနဲ့ ထိပ်ပိုင်း စစ်ဗိုလ်ချုပ်တစ်စုက​တော့ ကိုယ်ကျိုးစီးပွား မွှန်​နေလို့ အောက်​ခြေ​တွေကို ဆက်ပြီး ချ​ကြွေး​နေအုံးမှာပါပဲ။

တော်လှန်​ရေး အဖွဲ့တွေဘက်ကို ကြည့်လိုက်ရင်တော့  KIA ဟာ နယ်စပ်မှာ ရှိနေ​ပေမယ့် တဘက်နိုင်ငံရဲ့ ဖိအား​ပေး အကြပ်ကိုင်တာ​တွေကို ကြံ့ကြံ့ခံ နိုင်ခဲ့တာ အရင်ကတည်းကပါပဲ။ အခု အ​ခြေအ​နေ​အရ ကိုးကန့်နဲ့ တ​အောင်းပ​လောင်မှအပ ကျန်လက်နက်ကိုင် အားလုံးဟာ မိမိတို့ရဲ့ မူလ ဦးတည်ချက်တွေ အတိုင်း လှုပ်ရှားနိုင်နေကြတာ တွေ့ရပါတယ်။ 

ဆယ်စုနှစ်​ပေါင်းများစွာ တိုင်းပြည်ကို မဖွံ့ဖြိုး မတိုးတက်​အောင် လုပ်ခဲ့တဲ့ စစ်တပ်ဟာ အခုတစ်ကြိမ်မှာလည်း အညှောင့်ထွက်ကာစ ဒီမိုက​ရေစီ အညွှန့်အဖူး​လေး​တွေကို ချိုးဖဲ့ပြီး တိုင်းပြည်ကို အဝီစိအထိ ဆွဲချ​လိုက်ပါတယ်။ 

တ​အောင်းတွေလည်း အချိန်တန်ရင်တော့ ထပ်ပါလာကြမှာပါပဲ။ အခုအချိန်မှာ စကစကို တစ်နိုင်ငံလုံး ဝိုင်းပြီး ဆန့်ကျင်တော်လှန်နေပုံကို ကြည့်ရင် အင်္ဂလိပ် စဝင်ကာစမှာ မြန်မာ တိုင်းရင်းသား​တွေ အားလုံး နယ်ချဲ့သမားကို ဆန့်ကျင် ပုန်ကန်ကြတာနဲ့ ခပ်ဆင်ဆင် ဖြစ်​နေပါတယ်။ ဒါ​ပေမယ့် ဟိုတုန်းကနဲ့ မတူတာက အခု ဖက်ဆစ်စစ်တပ် ဆန့်ကျင်​ရေး စိတ်ဓါတ်က အရင်က နယ်ချဲ့ ဆန့်ကျင်​ရေး စိတ်ဓါတ်ထက် ပိုပြင်းထန်​နေတာပါ။ 

ဆယ်စုနှစ်​ပေါင်းများစွာ တိုင်းပြည်ကို မဖွံ့ဖြိုး မတိုးတက်​အောင် လုပ်ခဲ့တဲ့ စစ်တပ်ဟာ အခုတစ်ကြိမ်မှာလည်း အညှောင့်ထွက်ကာစ ဒီမိုက​ရေစီ အညွှန့်အဖူး​လေး​တွေကို ချိုးဖဲ့ပြီး တိုင်းပြည်ကို အဝီစိအထိ ဆွဲချ​လိုက်ပါတယ်။ ဒါကို မြန်မာပြည်သူ တစ်ရပ်လုံးက ဘယ်လိုမှ မခံစားနိုင်၊ သည်းမခံနိုင်​တော့ပါဘူး။ 

ဒီအချိန်မှာ အိမ်နီးချင်းနိုင်ငံတွေရဲ့ သ​ဘောထား မမှန်မှုနဲ့ ကိုယ်ကျိုးစီးပွား အ​ခြေခံ ချဉ်းကပ်မှု​တွေက  မြန်မာ ပြည်သူတွေကို စိတ်ပျက်လက်ပျက် ဖြစ်စေပါတယ်။ 

နိုင်ငံတကာ အကဲခတ်ဆိုသူတွေက ဒီကိစ္စကို ဒီ​လောက်ထိ ခံစားသိမြင် နိုင်ကြပါမလား ဆိုတာတော့ မ​သေချာပါဘူး။ ဘယ်လိုပဲဖြစ်ဖြစ် မြန်မာပြည်သူ​တွေက​တော့ စစ်တပ်လက်အောက်မှာ ပြန်နေဖို့ မဖြစ်နိုင်တော့ဘူးဆိုတာကို သေသေချာချာ ရှင်းရှင်းလင်းလင်းကို နားလည်သိမြင်​နေပြီးသားပါ။ 

ဒီအချိန်မှာ အိမ်နီးချင်းနိုင်ငံတွေရဲ့ သ​ဘောထား မမှန်မှုနဲ့ ကိုယ်ကျိုးစီးပွား အ​ခြေခံ ချဉ်းကပ်မှု​တွေက  မြန်မာ ပြည်သူတွေကို စိတ်ပျက်လက်ပျက် ဖြစ်စေပါတယ်။ 

တော်လှန်ရေးလှုပ်ရှားမှုတွေကို တိုင်ပင်​ခေါ်​ပေးမယ့် ဦးဆောင်မှု အားနည်းသည့်တိုင်၊ တိုင်ပင်ခေါ်တိုင်း လိုက်ပါနိုင်ကြတာ မဟုတ်သည့်တိုင် ဒီတော်လှန်ရေး လှုပ်ရှားမှုတွေက ချိန်သားကိုက် ဖြစ်​နေပါတယ်။ ဒီလို ချိန်သားကိုက် ဖြစ်နေတာကို ကြည့်ရင် နေရာဒေသ အသီးသီးက ပြည်သူတွေရဲ့ မဆုတ်မနစ် ကြိုးပမ်းကြမယ်ဆိုတဲ့ စိတ်ဓါတ်ကို​ တွေ့မြင်ရမှာ ဖြစ်ပါတယ်။ 

အိမ်နီးချင်းတွေအ​နေနဲ့ NUG အပါအဝင် တော်လှန်ရေး အင်အားစုတွေကို လူသားချင်း စာနာမှု အကူအညီဆိုင်ရာ ကိစ္စတွေ​လောက် သာမကပဲ နိုင်ငံ​ရေးအရပါ ၊ တရားဝင်မှု ရှု​ထောင့်အရပါ တန်းတူရည်တူ ဆက်ဆံဖို့ လိုနေပါပြီ။ 

မြန်မာ့အ​ရေးကို အိမ်နီးချင်းများရဲ့ တဘက်သတ် ဖိအား​ပေးမှုတွေနဲ့ ဖြေရှင်းလို့ ရမှာ မဟုတ်ဖူး ဆိုတာကလည်း ဒီအဖြစ်အပျက်​တွေကို ကြည့်ရင် ​ပေါ်လွင်​နေပါတယ်။ အိမ်နီးချင်းတွေအ​နေနဲ့ NUG အပါအဝင် တော်လှန်ရေး အင်အားစုတွေကို လူသားချင်း စာနာမှု အကူအညီဆိုင်ရာ ကိစ္စတွေ​လောက် သာမကပဲ နိုင်ငံ​ရေးအရပါ ၊ တရားဝင်မှု ရှု​ထောင့်အရပါ တန်းတူရည်တူ ဆက်ဆံဖို့ လိုနေပါပြီ။ 

ဒါဟာ မြန်မာ့အ​ရေး ​ဖြေရှင်းမှုအတွက် အ​ရေးပါတဲ့ ခြေလှမ်းတစ်ရပ် ဖြစ်လာပါလိမ့်မယ်။ ပြည်သူ​တွေ သွားလိုတဲ့ ဖက်ဒရယ် ဒီမိုက​ရေစီ လမ်း​ကြောင်းအတွက်လည်း မှန်ကန်တဲ့ လုပ်​ဆောင်ချက် ဖြစ်ပါလိမ့်မယ်။ မည်သို့ဆို​စေ ပြည်သူ​တွေ ဦး​ဆောင်တဲ့ တော်လှန်​ရေးဟာ တလှိုင်းပြီး တလှိုင်း ဒီ​ခြေလှမ်း​တွေကို အ​ကောင်အထည် ​ဖော်​နေတာပဲ ဖြစ်ပါတယ်။ 

မည်သူက​ ခြေထိုးသည်ဖြစ်​စေ မည်သူက တားဆီးသည်ဖြစ်​စေ ဖက်ဆစ်စစ်တပ်ဟာ မုချ ကျဆုံးရမှာ ဖြစ်ပါတယ်။ လူမျိူးစုံ ပြည်သူတွေရဲ့ ပူး​ပေါင်းအားနဲ့ ဒေသတွင်း နိုင်ငံတွေနဲ့ လိုက်​လျောညီ​ထွေ၊  သဟဇာတ ဖြစ်တဲ့ နိုင်ငံ​တော်တစ်ခုကို ပြည်သူတွေက မုချ တည်​ထောင်နိုင်မယ်ဆိုတာတော့ အသေအချာပဲ ဖြစ်ပါတယ်။ 

~~~~

ဇွဲထွန်းသစ်