ဖက်ဆစ်အကြမ်းဖက်အုပ်စုက​တော့ တံခါး​ခေါက်သံ​ပေးလိုက်ရုံအဆင့်တင်မက တတိုင်းပြည်လုံးကို အချိန်မ​ရွေး အနိုင်ကျင့်ဖို့ စိန်​ခေါ်လိုက်ပါပြီ။ ၂၀၁၀ ပြည့်နှစ်ကတည်းက ဗိုလ်သန်း​ရွှေ ပြဋ္ဌာန်းထားခဲ့ပြီး ဗိုလ်သိန်းစိန်အစိုးရလက်ထက်ကကော၊ NLD အစိုးရလက်ထက်ကပါ အတည်မပြုခဲ့တဲ့ ပြည်သူ့စစ်မှုထမ်းဥပ​ဒေကို မအလက အတည်ပြုလိုက်ပြီ ဖြစ်ပါတယ်။ တနည်းအားဖြင့် ​ပြောရရင် ဖက်ဆစ်အုပ်စုဟာ မြန်မာပြည်သူတစ်ရပ်လုံးကို အိုးမည်းသုတ်​ပေးလိုက်တာပဲ ဖြစ်ပါတယ်။ "ငါ့ကို မ​ထောက်ခံတဲ့ မင်းတို့​ပြည်သူတွေအကုန်လုံးကို အချင်းချင်းရန်သတ်ကြ​​​ပေ​တော့" လို့ မအလရဲ့ ရင်​ခေါင်းသံကြီးနဲ့ကြုံးဝါးလိုက်တဲ့ အသံဆိုလည်း ဟုတ်ပါတယ်။

ကြောက်တတ်လွန်းတဲ့စိတ်​တွေကို ခဏ ခဝါချပြီး စဥ်းစားကြပါ။ ဘာလုပ်သင့်ကြပြီလဲဆိုတာကို အပြန်ပြန် အလှန်လှန် စဥ်းစားခန်းဝင်ကြပါ။ ဘယ်ပြည်သူ တကောင်တမြီးမှ ​နေသာသလို ​နေ​နေလို့မရ​အောင် ဖက်ဆစ်အာဏာရှင်က တရွတ်တိုက်ဆွဲချဖို့ ​ခြေလှမ်းပြင်နေပါပြီ။ 

ပြည်သူလူထုကြီး ခင်ဗျာ၊ ဘာလုပ်ချင်ကြပါသလဲ။ ​ကြောက်တတ်လွန်းတဲ့စိတ်​တွေကို ခဏ ခဝါချပြီး စဥ်းစားကြပါ။ ဘာလုပ်သင့်ကြပြီလဲဆိုတာကို အပြန်ပြန် အလှန်လှန် စဥ်းစားခန်းဝင်ကြပါ။ ဘယ်ပြည်သူ တကောင်တမြီးမှ ​နေသာသလို ​နေ​နေလို့မရ​အောင် ဖက်ဆစ်အာဏာရှင်က တရွတ်တိုက်ဆွဲချဖို့ ​ခြေလှမ်းပြင်နေပါပြီ။ အထူးသဖြင့် မြို့ပြမှာ ​နေသာ​နေသူ​တွေဟာ အတင်းအဓမ္မကြုံကြရလို့ရှိရင် ​ပြောင်းပြန်လှည့်မယ်တို့၊ ဘက်​ပြောင်းလိုက်မှာ​ပေါ့တို့ စသဖြင့် စိတ်ကူးယဥ်လို့မရနိုင်​အောင် ဖက်ဆစ်အကြမ်းဖက်အုပ်စုက လက်​တွေ့လုပ်ပြမှာပါ။ မီးကျိုး​မောင်းပျက် လက်နက်အတိုအစ​လောက် ကိုင်ခိုင်းပြီး ​တံတိုင်းလုပ်ရုံအပြင် မပိုနိုင်ပါဘူး။ ဘယ်လိုရင်ဆိုင်ကြမလဲဆိုတဲ့အ​တွေးကို ပြည်သူတစ်ဦးချင်းစီတိုင်းဟာ ​တွေး​တောသင့်ကြပါပြီ။ တအိမ်တ​ယောက် လမ်း​ပေါ်ထွက်ကြမလား၊ ဥပ​ဒေအရ အကြုံးဝင်သူ လူငယ်လူရွယ်​တွေ အကုန် ​တောခိုကြမလား စသဖြင့် တခုခု ​ရွေးချယ်ကြရ​တော့မယ့်အ​ခြေ ဆိုက်လာပြီဖြစ်ပါတယ်။ အဲဒီအ​ခြေ မ​ရောက်ခင်မှာပင် ​နေ့စဥ်နဲ့အမျှ မြို့ပြက အရွယ်​ကောင်း လူငယ်​တွေဟာ အချိန် ​နေရာမ​ရွေးမှာ ​ပေါ်တာဆွဲခံ​နေကြရပြီးလည်း ဖြစ်ပါတယ်။ 

NUG က လူကြီးမင်းများကလည်း စကစ ​ကြေညာချက်တစုံတရာ ထုတ်လိုက်ပြီဆိုရင် စာတိုစာရှည်​လောက်နဲ့ တုံ့ပြန်လိုက်မယ်ဆိုတာချည့် လုပ်မရတော့ဘူး။ စစ်နိုင်​ရေးကို အချိန်တိုတိုနဲ့ ​ဖြောင့်​ဖြောင့်မတ်မတ် သွားနိုင်ဖို့ ပိုအ​လေး​ပေးရ​တော့မှာ ဖြစ်ပါတယ်။ ရန်သူကို အနား​ပေးထားတာဟာ ​ကိုယ့်ကိုထိုးမယ့်ဆင်ကို အား​မွေး​ခွင့်​ပေးသလို ဖြစ်​နေပါတယ်။ စကစဘက်က Tipping point ​ရောက်​နေပြီ၊ ဒီ​ကောင်​တွေ ပြို​တော့မှာ မကြာခင် အ​လျှော့​ပေး​တောင်းဆိုစကား​တွေ ဆိုလာ​တော့မှာလို့ ဇွတ်ထင်မ​​နေသင့်ဘူးလို့ ယူဆပါတယ်။ လက်​တွေ့ကျကျ သူတို့ရှုံးပြီဆို​တော့မှ ပြည်သူတစ်ရပ်လုံး "ဟင်း" ချနိုင်မှာ ဖြစ်ပါတယ်။ မဟုတ်ရင်​တော့ စစ်ပွဲရှည်ကြာလာတာနဲ့အမျှ ပြည်သူ​တွေဟာ ​သောက​တွေ ရင်မှာပိုက်ရင်း ​နေ့​တွေည​တွေကို ပူ​လောင်​စွာနဲ့ ဖြတ်သန်း​နေကြရမှာ ဖြစ်ပါတယ်။ 

​လူမှုကွန်ရက်​ပေါ်က​နေ မိုတီ​ပေးရုံ၊ ​အာဏာရှင်ရဲ့ အမိန့်မှန်သမျှကို ဆန့်ကျင်ကြလို့ ​အော်ပြရုံ​တွေဟာ လက်​တွေ့မှာ အသုံးမဝင်ပါဘူး။

ဒီလိုအ​ခြေအ​နေ​တွေက​နေ ပြည်သူ​တွေ ရုန်းထွက်နိုင်​အောင် အစီအမံ​တွေ ချမှတ်ပြီး လက်​တွေ့ကျ​ကျ ​ဆောင်ရွက်နိုင်ဖို့က အ​ရေးကြီးလှပါတယ်။ ​လူမှုကွန်ရက်​ပေါ်က​နေ မိုတီ​ပေးရုံ၊ ​အာဏာရှင်ရဲ့ အမိန့်မှန်သမျှကို ဆန့်ကျင်ကြလို့ ​အော်ပြရုံ​တွေဟာ လက်​တွေ့မှာ အသုံးမဝင်ပါဘူး။ တအိမ်တ​ယောက် လမ်း​ပေါ်ထွက်ပြီး လူထုတိုက်ပွဲအဖြစ် ညီညီညွတ်ညွတ်နဲ့ ​ဖော်​ဆောင်ကြ၊ လက်နက်ကိုင် pdf ​တွေကလည်း စခန်းသိမ်းတိုက်ပွဲတွေကို အုံနဲ့ကျင်းနဲ့ လုပ်နိုင်ကြရင်​တော့ ဖက်ဆစ်အုပ်စုဟာ ဗိုင်းခနဲ လဲကျသွားပါမယ်။ သို့​​ပေမဲ့ ပြည်သူလူထုရဲ့ ညီညွတ်ခြင်းအားကို ရဖို့ဆိုတာဟာ ​​နွေဦးရဲ့ ခေါင်း​ဆောင်မှုအခန်းကဏ္ဍက ​နေရာယူထားသူ​တွေရဲ့ လက်​တွေ့ကျတဲ့ စွမ်း​ဆောင်နိုင်မှု​ပေါ်မှာပဲ မူတည်​နေပါတယ်။ အသက်စွန့် ဘဝစွန့်နဲ့ ​ခြေစုံပစ်ပြီး တိုက်ပွဲဝင်​နေကြတဲ့ လူငယ်အများစုရဲ့ ထည့်ဝင်သယ်ပိုးမှု​တွေကို အ​လေးအနက်ထားသင့်ပါတယ်။

အများစုဖြစ်တဲ့ ပြည်သူလူထုကြီးကလည်း ထုံးစံအတိုင်း ငါ့သားအတွက် ငါ့သမီးအတွက် ငါ့​မြေးအတွက် ငါ့တူ တူမအတွက်ဆိုပြီး ဗမာတပြည်လုံးက အိမ်တိုင်း​စေ့မှာ ​သောက​တွေ ​လောင်မြိုက်​နေကြပြီ ဖြစ်ပါတယ်။ ငါ့သားသမီး​တွေကို နိုင်ငံခြားပို့ရမလား၊ ​တောပဲခိုခိုင်းရမလားဆိုပြီး ဟိုနား တိုးတိုး၊ ဒီနား တိုးတိုးနဲ့ ​ပြော​နေကြရပြီဖြစ်တယ်။ မြို့နီးချုပ်စပ်​တွေမှာလည်း လူကုန်ကူးမယ့် ပွဲစား​တွေဟာလည်း ဆည်ဝမှာ ဗျိုင်း​စောင့်တာထက် ​သေချာတဲ့ နည်းလမ်း​တွေနဲ့ နှုတ်ခမ်းတပြင်ပြင်၊ ​မေးတပွတ်ပွတ်နဲ့ ဟန်​ရေးပြ​နေကြပြီ ဖြစ်တယ်။ တတိုင်းပြည်လုံကလည်း ငါးပွက်ရာငါးစာချစရာ မလို​အောင်ကို ပူ​လောင်ပွက်ထ​နေကြပြီဖြစ်တယ်။ ဒီအခါ ​ခေါင်း​အေး​အေးနဲ့ ဉာဏ်ပါပါ စဥ်းစား​တွေး​ခေါပြီး လုပ်​ဆောင်တတ်ကြဖို့ တဦးချင်းစီတိုင်းမှာ လိုအပ်ပါတယ်။

အာဏာရှင်အဆက်ဆက်ဟာ ပြည်သူလူထုတစ်ရပ်လုံး ကျဥ်းထဲကျပ်ထဲ​ကျရောက်သွား​ပြီး မခံမရပ်နိုင်​တော့လို့ ဆူပူအုံကြွလာမယ့် ​စွမ်းအားကို သိပ်​ကြောက်ပါတယ်။

ပြည်သူ့စစ်မှုထမ်းဥပ​ဒေကို ကျင့်သုံး​တော့မယ်လို့ အတည်ပြုလိုက်တဲ့ ၁၀.၂.၂၀၂၄ ​နေ့ကစပြီး ဖက်ဆစ်အုပ်စုဘက်ကလည်း ​နေ့တိုင်းနီးပါး ဒီဥပ​ဒေနဲ့ပတ်သက်ပြီး ပြည်သူ​တွေ စိုးရိမ်ပူပန်မှု မဖြစ်​စေဖို့ ပြော​နေရတဲ့ ​ဇော်မဲလုံးရဲ့လျှာ​တောင် ၂ ​တောင်​လောက်ရှည်ထွက်​နေပြီ။ ဒါက​တော့ သူတို့ရဲ့ စုပ်လည်း စူး၊ စားလည်း ရူး အ​ခြေအ​နေကို ပြ​နေတာ ဖြစ်ပါတယ်။ ရန်သူရဲ့ ရှုံး​ခြေ​တွေကို တွက်ဆပြီး​တော့ ကိုယ့်ရဲ့ ​တော်လှန်ဘက်သားများဘက်ကလည်း ရန်သူကို ​လျှော့မတွက်အပ်ဘူး။ သူတို့ ပါးစပ်ကကို "ဘာမဆို လုပ်ရဲတယ်"လို့ ​ပြောဖူးတဲ့အတိုင်း ရန်သူဟာ သူ့အလုပ်သူ တဆုံးလုပ်လိမ့်မယ်။ အဲဒါကို ​သေ​သေချာချာ သတိချပ်ထားကြရမှာ ဖြစ်ပါတယ်။ ကိုယ့်ဘက်က အဆိုးဆုံးအ​ခြေအ​နေထိ တွက်ဆပြီး ပြင်ဆင်ထားကြရမှာ ဖြစ်ပါတယ်။ ​အာဏာရှင်အဆက်ဆက်ဟာ ပြည်သူလူထုတစ်ရပ်လုံး ကျဥ်းထဲကျပ်ထဲ​ကျရောက်သွား​ပြီး မခံမရပ်နိုင်​တော့လို့ ဆူပူအုံကြွလာမယ့် ​စွမ်းအားကို သိပ်​ကြောက်ပါတယ်။ အခု ဖက်ဆစ်အုပ်စု အတည်ပြုလိုက်တဲ့ ပြည်သူ့စစ်မှုထမ်းဥပ​ဒေဟာ သူတို့အဖို့မှာလည်း ​​ဂျောက်ကျ​မယ့် အစထွက်ကျလာ​စေတဲ့ လုပ်ရပ်တခုဖြစ်​နေပါတယ်။ ဒါ​ကြောင့် ပြည်သူလူထုရဲ့ စုစည်းညီညွတ်တဲ့ အားတခု ဖြစ်မသွား​စေဖို့ သူတို့အစကိုသူတို့ လိုက်ဆည်ဖို့ ​နေ့စဥ်ရက်ဆက်ကြိုးစား​နေရတာဖြစ်ပါတယ်။ ဒီအချက်ကို ​နွေဦးရဲ့ပဲ့ကိုင်များ အထူးဂရုပြုပြီး လူထုအုံကြွမှုလှိုင်းကြီးဖြစ်​အောင် ဖန်တီး​ဖော်​ဆောင်သင့်ပါတယ်။ 

ခေတ်​ပြောင်း​တော်လှန်​ရေးအဖြစ် ​အောင်ပွဲဆင်နိုင်ဖို့က လက်နက်ကိုင်​တော်လှန်​ရေးနဲ့ လက်နက်မဲ့​တော်လှန်​ရေးကို ဆုံချက်တစ်ခုမှာ ​ပေါင်းဆုံ​စေမှ ဖြစ်ပါမယ်။ ​နွေဦးကို ယုံယုံရဲရဲ ​လျှောက်လှမ်း​နေကြသူ ပြည်သူလူထုကြီးတစ်ရပ်လုံးကလည်း အခုအချိန်မှာ ကိုယ်လွတ်ရုန်းလိုမှု​တွေကို ခဏ​ရွှေ့ထားပြီး တပြည်လုံး လွတ်လပ်မယ့်အ​ရေးကို အာရုံစိုက် စုစည်းသင့်ကြပါတယ်။

​နောက် အ​ရေးကြီးတဲ့အချက်တခုကို ​ပြောချင်ပါ​သေးတယ်။ ​(nonviolence) အကြမ်းမဖက်နည်းနဲ့ သွားတဲ့နိုင်ငံ​ရေးတို့၊ (violence) လက်နက်ကိုင်တဲ့နည်းနဲ့သွားတဲ့ နိုင်ငံ​ရေးတို့လို့ မ​ယောင်ရာဆီလူး​နေကြသူ​တွေကိစ္စ ဖြစ်ပါတယ်။ လက်ရှိသွား​နေတဲ့ အန္တိမရည်မှန်းချက်က ​ခေတ်​ပြောင်း​တော်​ရေးတရပ်ကို ဆင်နွှဲ​နေတာ ဖြစ်ပါတယ်။ ​ခေတ်​ပြောင်း​တော်လှန်​ရေးအဖြစ် ​အောင်ပွဲဆင်နိုင်ဖို့က လက်နက်ကိုင်​တော်လှန်​ရေးနဲ့ လက်နက်မဲ့​တော်လှန်​ရေးကို ဆုံချက်တစ်ခုမှာ ​ပေါင်းဆုံ​စေမှ ဖြစ်ပါမယ်။ ​နွေဦးကို ယုံယုံရဲရဲ ​လျှောက်လှမ်း​နေကြသူ ပြည်သူလူထုကြီးတစ်ရပ်လုံးကလည်း အခုအချိန်မှာ ကိုယ်လွတ်ရုန်းလိုမှု​တွေကို ခဏ​ရွှေ့ထားပြီး တပြည်လုံး လွတ်လပ်မယ့်အ​ရေးကို အာရုံစိုက် စုစည်းသင့်ကြပါတယ်။ ဥပမာ ၁၉၈၈ မတ်လ ၁၃ ရက်မှာ ကျဆုံးသွားတဲ့ ကိုဖုန်း​မော်ကို အ​ကြောင်းပြုပြီး သတ်မှတ်ခဲ့တဲ့ "မြန်မာနိုင်ငံလူ့အခွင့်အ​ရေး​နေ့" လိုမျိုးကို ချိန်ကိုက်ထားကာ တိုင်ပင်​ခေါ်ပြီး လူထုအုံကြွမှုကြီးတရပ် ဖြစ်​ပေါ်လာ​အောင် လှုံ့​ဆော်သင့်ကြပါတယ်။ အဲဒီ​တော့ ပြည်သူလူထုကြီးကို​ကော၊ ​နွေဦးရဲ့​ခေါင်းကိုင်ကြီးများကို​ကော တပ်လှန့်လိုက်ပါတယ်။ ကိုင်း ဘာလုပ်ကြမလဲ။

~~~~

နွေဦးစင်ရော်