မြန်မာနိုင်ငံမှာ စစ်တပ်က အာဏာသိမ်းတာ သုံးနှစ်ပြည့်လို့ တစ်လအလွန်မှာပဲ စစ်မှုထမ်း ဥပ​ဒေဆိုတာကို ပြဋ္ဌာန်းလိုက်ပါတယ်။ တိုက်ပွဲတိုင်းမှာ အကျအဆုံး များစွာနဲ့ ဒယီးဒယိုင် ဖြစ်လာ​နေတဲ့ စစ်တပ်ဟာ အခုတော့ လွန်ခဲ့တဲ့ ဆယ်နှစ်​ကျော်ကတည်းက ရေးဆွဲထားခဲ့တဲ့ စစ်မှုထမ်း ဥပ​ဒေဆိုတာကို ဖုတ်ဖက်ခါပြီး အလျင်စလို ပွဲထုတ်လာရပါတော့တယ်။ ဒီလို မလုပ်လို့ကလည်း မဖြစ်​တော့ပါဘူး​။ ဘယ်​နေရာမှာမဆို တပ်​တွေက စု​ပေါင်းစပ်​ပေါင်းနဲ့ စုဖွဲ့ထားနေရပြီ။ လက်ရုံးတပ် ​ပေါင်းစုံ ပျူ​ ပေါင်းစုံနဲ့ ဖွဲ့ထားရတဲ့ တပ်​တွေကလည်း ထီကနဲ ဆိုတာနဲ့ ကွဲတာချည်း ဖြစ်​နေ​တော့ စစ်မှုထမ်း​ဟောင်း​တွေကို တပ်ထဲ မရအရ ပြန်ဆွဲသွင်းရတော့တာပေါ့။ ဒါနဲ့ မလုံလောက်သေးတာကြောင့် တိုင်းပြည်ရဲ့ အညွန့်အဖူး လူငယ်လေးတွေကို စစ်ထဲ အတင်းအကျပ် ဆွဲသွင်းဖို့ လုပ်လာရ​တော့ တာပေါ့။

အခု ပြဋ္ဌာန်းလိုက်တဲ့ စစ်မှုထမ်း ဥပ​ဒေအရ တစ်လကို စစ်သားသစ် ၅၀၀၀ နှုန်းနဲ့ တစ်နှစ် ​ခေါ်ယူမှာ ဖြစ်လို့ သုံးနှစ်အတွင်း စစ်​ခွေးတွေ သေ​ကြေ ဒဏ်ရာရပြီး ပြုန်းတီးခဲ့တဲ့ အင်အားက အနည်းဆုံးတော့ ၆ သောင်းနဲ့ ၇သောင်း ကြားမှာ ရှိနိုင်ပါတယ်။ 

ဒီအ​ခြေအ​နေကို ကြည့်ရင် ပြီးခဲ့တဲ့ သုံးနှစ်တာအတွင်း “တပ်ပြုန်းညီ​နောင်” လက်ထဲမှာ စစ်တပ်ဟာ  အင်အား အလွန်ပြုန်းတီးသွားခဲ့ပြီဆိုတာ​ တွေ့နိုင်ပါတယ်။ AAPP လို အဖွဲ့​တွေနဲ့ ပြည်သူဘက်ကရပ်တဲ့  သတင်းဌာန​တွေက ထုတ်ပြန်​နေတဲ့ ရန်သူ့စစ်သား အကျအဆုံး စာရင်း​တွေကို ကြည့်ရင် နိုင်ငံတကာ သတင်း​အေဂျင်စီ တချို့နဲ့ ဇော်မဲလုံးတို့ ဘယ်​လောက်ပဲ ငြင်းချက် ထုတ်ကြပါ​စေ၊ အဲဒါ​တွေ အမှန်ပဲဆိုတာ သက်​သေပြ နေသလိုပါပဲ။ အခု ပြဋ္ဌာန်းလိုက်တဲ့ စစ်မှုထမ်း ဥပ​ဒေအရ တစ်လကို စစ် သားသစ် ၅၀၀၀ နှုန်းနဲ့ တစ်နှစ် ​ခေါ်ယူမှာ ဖြစ်လို့ သုံးနှစ်အတွင်း စစ်​ခွေးတွေ သေ​ကြေ ဒဏ်ရာရပြီး ပြုန်းတီးခဲ့တဲ့ အင်အားက အနည်းဆုံးတော့ ၆ သောင်းနဲ့ ၇သောင်း ကြားမှာ ရှိနိုင်ပါတယ်။ 

ဒီကြားထဲ ဇော်မဲလုံးက ပညာသည်​တွေ၊ ကွန်ပျူတာသမား​တွေ ဘာဘာညာညာတွေလည်း နိုင်ငံ​တော် ကာကွယ်​ရေးအတွက် လိုအပ်ပါတယ်လို့ ရွှီးပါသေးတယ်။ နောက်ဆုံးမှာ​တော့ လာမယ့် ဧပြီလ​လောက် ကစပြီး တစ်လကို စစ်သားသစ် ၅၀၀၀ နှုန်းနဲ့ တစ်နှစ်တိတိ စစ်ထဲဆွဲသွင်းဖို့ လူစုနေတယ်ဆိုတာကို  ဝန်ခံ သွားရတာပါပဲ။ 

သူတို့အ​ကြောင်း​ နော​ကြေ​နေတဲ့ ပြည်သူ​တွေနဲ့ လူငယ်​တွေက​တော့ ဇော်မဲလုံး စပြီး ပါးစပ်ဟလိုက်တာနဲ့ ဘယ်ယုန်မြင်လို့ ဘယ်ခြုံထွင်တယ်ဆိုတာ သိနေကြပါပြီ။ 

လူတကာ တံ​တွေးခွက်မှာ ပက်လက်​မြောရမယ့် စစ်​ခွေး အဖြစ်ခံမလား၊ ပြည်သူဘက်ကို ပြတ်ပြတ်သားသား ရပ်မလားဆိုတာက လူငယ်​တွေအဖို့ အလွယ်တကူပဲ ရွေးချယ်နိုင်တဲ့လမ်း​ကြောင်းပါ။ 

ဒါ​ကြောင့် စစ်မှုထမ်းဥပဒေဆိုတာကြီး ပြဋ္ဌာန်းကြောင်း ကြေညာပြီး နောက်​နေ့ကစလို့ လူငယ်​တွေဟာ  နီးစပ်ရာ နီးစပ်ရာ လူစုပြီး တိုင်ပင်ကြ၊ ဘယ်လမ်းကို ​ရွေးမလဲဆိုတာ ​ဆွေး​နွေးကြ၊ လုပ်​နေကြပါပြီ။  လူတကာ တံ​တွေးခွက်မှာ ပက်လက်​မြောရမယ့် စစ်​ခွေး အဖြစ်ခံမလား၊ ပြည်သူဘက်ကို ပြတ်ပြတ်သားသား ရပ်မလားဆိုတာက လူငယ်​တွေအဖို့ အလွယ်တကူပဲ ရွေးချယ်နိုင်တဲ့လမ်း​ကြောင်းပါ။ နဂိုက သံ​ယောဇဥ်​တွေ၊ ​ထောက်ထားစရာ အကြောင်း​တွေ ရှိ​နေကြတာကြောင့် ရုန်းမထွက်နိုင်ကြ​သေးတဲ့ လူငယ်​တွေ​တောင် ဒီတစ်ချီ​မှာတော့ ပြတ်ပြတ်သားသား ဆုံးဖြတ်လာကြတာ​တွေ့လာရပါတယ်။

ဒါကလည်း သဘာဝကျတဲ့ ကိစ္စပါ။ နိုင်ငံတကာမှာ စစ်မှုထမ်း ဥပ​ဒေဆိုတာ မိမိနိုင်ငံကို ကာကွယ်ဖို့အတွက် လိုအပ်ချက်ရှိလို့ လုပ်ကြရတာပါ။ တောင်ကိုရီးယားတို့၊ စင်္ကာပူတို့ ဆိုတာ အလွန် လိုအပ်လို့ကို လုပ်ကြရတာပါ။ ရုရှား​တောင် ပြည်တွင်းစစ် ဖြစ်လို့ စစ်မှုထမ်း ဆင့်​ခေါ်တာ မဟုတ်ပါဘူး။ အိမ်နီးချင်း ယူကရိန်းနဲ့ စစ်ဖြစ်လို့ပါ။ ဒါ​တောင် သူများနိုင်ငံကို ကျူး​ကျော်တဲ့စစ်၊ မတရားတဲ့စစ် ဖြစ်လို့ သိန်းနဲ့ချီတဲ့ ရုရှားလူငယ်တွေဟာ စစ်မှုထမ်းဖို့ ငြင်းဆန်ပြီး တိုင်းပြည်ထဲက ထွက်​ပြေးခဲ့ကြတာ အားလုံး အသိပါပဲ။ ပြည်တွင်းစစ်မှာ ဥပ​ဒေ ပြဋ္ဌာန်းပြီး အတင်းအကြပ်​​ချွေးတပ်ဆွဲသလို လုပ်တာက​တော့ ကမ္ဘာမှာ တပ်ပြုန်းညီ​နောင် လက်ထက်မှာပဲ ရှိပါလိမ့်မယ်။

တိုက်ပွဲတစ်ခုမှာ ဖမ်းမိတဲ့ စစ်သား​တွေရဲ့ စစ်သက်​တွေကို ကြည့်လိုက်​တော့ စစ်မှုထမ်းသက် ၁၆ နှစ်က​နေ ၂၆ နှစ်​လောက်အထိ ရှိတဲ့သူ​တွေ ဖြစ်နေတာ ​တွေ့ရတယ်။ ဒီလူ​တွေဟာ ရှေ့ တန်း​တွေမှာ တိရိစ္ဆာန်လို အဆင့်အတန်းမျိုးနဲ့ ​နေကြရတာ ဖြစ်တယ်။

ပြောရရင်​တော့ ဒီလုပ်ချက်က တပ်ပြုန်းညီ​နောင်ရဲ့ နောက်ဆုံး လုပ်ချက်ပဲ ဖြစ်မှာပါ။ ဘာ့​ကြောင့်လဲဆို​တော့ ဒီနည်းနဲ့ ပြည်သူကို အနိုင်ယူနိုင်မှာ မဟုတ်တဲ့အပြင် အချိန်ကို ဆွဲဆန့်လို့​တောင် ရမှာ မဟုတ်လို့ပါပဲ။ တိုက်ပွဲတစ်ခုမှာ ဖမ်းမိတဲ့ စစ်သား​တွေရဲ့ စစ်သက်​တွေကို ကြည့်လိုက်​တော့ စစ်မှုထမ်းသက် ၁၆ နှစ်က​နေ ၂၆ နှစ်​လောက်အထိ ရှိတဲ့သူ​တွေ ဖြစ်နေတာ ​တွေ့ရတယ်။ ဒီလူ​တွေဟာ ရှေ့ တန်း​တွေမှာ တိရိစ္ဆာန်လို အဆင့်အတန်းမျိုးနဲ့ ​နေကြရတာ ဖြစ်တယ်။ စစ်သက် ဘယ်​လောက်ပဲရှိရှိ အခြားအဆင့် ဆိုတာက မတက်ဘဲ၊ မျှော်လင့်ချက်မဲ့၊ အနာဂါတ်မဲ့ နေကြရသူ​တွေ ဖြစ်ပါတယ်။ မပြည့်စုံတဲ့ မိသားစု ဘဝ​တွေနဲ့ စိတ်ဒါဏ်ရာ ကြီးကြီးမားမား ရ​နေသူ​တွေ ဖြစ်ပါတယ်။ ကမ္ဘာမှာ ဘယ်စစ်သားမှာမှ မရှိတဲ့ စိတ်ဒါဏ်ရာမျိုး​တွေ ရနေသူတွေလို့ ဆိုရမှာ ဖြစ်ပါတယ်။ ဒါ​ကြောင့် ဒီလူ​တွေဟာ သူတို့ အင်အားသာနေချိန် သူတို့ လက်ထဲ​ရောက်ရင် လူထုအ​ပေါ် ရက်ရက်စက်စက်  လုပ်တတ်ကြပြီး၊ စစ်တိုက်ရာမှာလည်း မိုက်ရူးရဲ အဆင့်ထက် မပိုပါဘူး။ အကြပ်အတည်း ကြုံလာရင်​တော့ အလွယ်တကူ လက်နက်ချဖို့ ဝန်မ​လေးကြတာ ဖြစ်ပါတယ်။ 

အရာရှိ အဆင့်​တွေဆိုရင်လည်း နိုင်ငံ​ရေး ဗလာနထ္ထိ၊ အထက်ဖား ​အောက်ဖိနဲ့ ကိုယ့်အတွက်ပဲ ကိုယ် ကြည့်ကြသူ​တွေ ဖြစ်ပါတယ်။ ဒါ့အပြင် စာမဖတ်​ ပေမဖတ်၊ အယူသည်းမှု​တွေ၊ အထက်လမ်း​ အောက်လမ်း​တွေ၊ ဓာတ်တွေနတ်တွေ၊ ဗေဒင် နက္ခတ်​တွေကို အလွန်အမင်း ယုံကြည်လိုက်စားကြတဲ့ ကမ္ဘာ့တစ်ခုတည်း​သော စစ်ဗိုလ် အုပ်စုလို့ ဆိုရမှာပါ။ 

 ဒီစစ်ခွေးတပ်ကြီး တစ်ခုလုံးဟာ အစဥ်အဆက် ရှိလာတဲ့ ဖွဲ့စည်းပုံ ​အောက်မှာ ဟန်မပျက်သလို တည်ရှိ​နေ​ပေမယ့် အတွင်းက လှိုက်စား​နေတဲ့ အနာ​ဆွေး အနာပုပ်ကြီးလို ဖြစ်​နေတာပါ။

အ​လောင်းဘုရား၊ ဘိုး​တော်ဘုရားတို့ လက်ထက် တပ်မင်း တပ်ဗိုလ်​တွေ​လောက်​တောင် အ​တွေးအ​ခေါ် အဆင့်အတန်း မရှိကြသူ​တွေ ဖြစ်​နေပါတယ်။ ဒါ​တွေ အားလုံးဟာ ဗိုလ်သန်း​ရွှေ လက်ထက်က စပြီး သ​န္ဓေ တည်လာတာ ဖြစ်ပါတယ်။ ကုလား တရုတ် မုန်းတီးစိတ်၊ ဆန့်ကျင်ဘက်လိင်အပေါ် အထင်​သေးစိတ်​တွေက ဒေါ်စိန်​အေးကျောင်းသား ဘဝမှာကတည်းက ရိုက်သွင်းခံလိုက်ရတာပါ။ ဒီ​တော့ ဒီစစ်ခွေးတပ်ကြီး တစ်ခုလုံးဟာ အစဥ်အဆက် ရှိလာတဲ့ ဖွဲ့စည်းပုံ ​အောက်မှာ ဟန်မပျက်သလို တည်ရှိ​နေ​ပေမယ့် အတွင်းက လှိုက်စား​နေတဲ့ အနာ​ဆွေး အနာပုပ်ကြီးလို ဖြစ်​နေတာပါ။

ဒါ​ကြောင့် ဒီတပ်မျိုးမှာ အလွန် ​ခေတ်​ရှေ့​ပြေး​နေတဲ့ G.Z တွေ မ​ပြောနဲ့ စိတ်ကျန်းမာရေး ချို့ယွင်းနေသူတွေတောင် တပ်ပြုန်းညီနောင်ရဲ့ တပ်ထဲကို ဝင်ချင်ကြမှာ မဟုတ်ပါဘူး။ ဒါကိုလည်း မအလတို့တစ်သိုက်က အ​သေအခြာ သိ​နေကြတာကြောင့် သူတို့ လုပ်တတ်တဲ့ တစ်ခုတည်း​သောနည်း ဖြစ်တဲ့ ဇွတ်လုပ်တဲ့နည်း၊ သေနတ်ပြ ခြိမ်း​ခြောက်တဲ့ နည်း​တွေနဲ့ပဲ လုပ်မှာပါပဲ။ 

အခု​တောင် ဥပ​ဒေက ပြည့်ပြည့်စုံစုံ မထွက်​သေးဘူး၊ ပေါ်တာဆွဲ သလိုလို တပ်သားသစ်ပဲ သိမ်းသွင်းသလိုလို စပြီး လုပ်​နေကြပါပြီ။

အခု​တောင် ဥပ​ဒေက ပြည့်ပြည့်စုံစုံ မထွက်​သေးဘူး၊ ပေါ်တာဆွဲ သလိုလို တပ်သားသစ်ပဲ သိမ်းသွင်းသလိုလို စပြီး လုပ်​နေကြပါပြီ။ ဒီလိုလုပ်ဖို့လည်း သူတို့ အထက်ပုဂ္ဂိုလ်တွေက   မျက်စိတဖက် မှိတ်ပြီး ခွင့်ပြုထားတာပဲ ဖြစ်မှာပါ။ ခြုံလိုက်ရင်​တော့ စစ်အုပ်စုကို အပြတ် ရှင်းထုတ်မှပဲ ပြည်သူ​တွေ ခံစားနေကြရတဲ့ ဒုက္ခအ​ပေါင်းက ကင်းလွတ်ကြမှာပါ။ 

ဘေးဘီက နိုင်ငံ​တွေက မည်သို့ပင် သ​ဘောထားကြပါစေ၊ မည်သို့ပင် ဟန့်တားကြပါစေ ကိုယ့်ကိစ္စ ကိုယ်ပဲ ပြီးစီး​အောင် လုပ်ကြရမှာပါ။ ဒီအတွက် ခုတ​လော NUG နဲ့ EAO များရဲ့ ထုတ်ပြန်​ ကြေညာချက် များနဲ့ ညီ​နောင် သုံးဖွဲ့ အပါအဝင် ဗမာပြည်မက PDF များ၊ ပကဖများ အားလုံး ပေါင်းစည်း ညီညွတ်စွာ လုပ်​ဆောင်ကြမယ်ဆိုတဲ့ သန္နိဋ္ဌာန်နဲ့သာ ကျော်လွှားကြရမှာ ဖြစ်​ကြောင်းပါ။

~~~~

ရဲရင့်ညီနောင်