မြန်မာနိုင်ငံမှာ စစ်တပ်က ရူးမိုက်စွာ အာဏာသိမ်းခဲ့တာ သုံးနှစ်ပြည့်သွားခဲ့ပါပြီ။ 

အာဏာရူးများကို  အပြင်းအထန် ခုခံခဲ့တဲ့ ပြည်သူ​တွေရဲ့ ခုခံစစ်ဟာ ဒီသုံးနှစ်ကာလအတွင်း မရှိရာက ရှိလာတာ အင်အားနည်းရာက အင်အားကြီးလာတာ လက်နက်အင်အား အလွန်ချို့တဲ့ရာက အ​တော်များများ တပ်ဆင်လာနိုင်တာနဲ့ ပြောက်ကျားပစ် မိုင်းဆွဲတဲ့အဆင့်က​နေ စခန်းသိမ်း တိုက်ပွဲများ တိုက်နိုင်တဲ့အထိ တိုးတက် မြင့်မားလာတာ ဖြစ်ပါတယ်။ 

ဗမာလူမျိုးကြီး​ဒေသ ဖြစ်တဲ့ စစ်ကိုင်း၊ မ​ကွေး​ဒေသက ပြည်သူများရဲ့ ကြံ့ကြံ့ခံနိုင်မှုနဲ့ တိုင်းရင်းသား လက်နက်ကိုင်များရဲ့ စစ်​ရေး​ပေါင်းစပ်မှုက အာဏာရူးများကို ကောင်း​ကောင်း အထိနာ​စေခဲ့တာ ဖြစ်တယ်။

ဗမာလူမျိုးကြီး​ဒေသ ဖြစ်တဲ့ စစ်ကိုင်း၊ မ​ကွေး​ဒေသက ပြည်သူများရဲ့ ကြံ့ကြံ့ခံနိုင်မှုနဲ့ တိုင်းရင်းသား လက်နက်ကိုင်များရဲ့ စစ်​ရေး​ပေါင်းစပ်မှုက အာဏာရူးများကို ကောင်း​ကောင်း အထိနာ​စေခဲ့တာ ဖြစ်တယ်။ အထူးသဖြင့် တိုင်းရင်းသားညီ​နောင်သုံးဖွဲ့ရဲ့ ၁၀၂၇ စစ်ဆင်​ရေး စတင်လာချိန်မှာ​တော့  စစ်တပ်ရဲ့ သရုပ်မှန်က ရှင်းရှင်းကြီး ​ပေါ်ထွက်လာတာပါပဲ။ 

စစ်တပ်ဟာ ကိုးကန့်​ဒေသနဲ့ ပ​လောင်​ဒေသ အားလုံးကို လက်လွှတ်ခဲ့ရပြီး လားရှိုးပါ ဝိုင်းပတ် ခံထားရချိန်မှာ တဘက်နိုင်ငံရဲ့ ကြားဝင် ဟန့်တားမှု​ကြောင့် စစ်ရှိန် ရပ်တန့်ခဲ့ရတာ ဖြစ်တယ်။ ဒီအ​ခြေအ​နေကို ပါးနပ်စွာ ​ကျော်ဖြတ်ဖို့ ကြိုးပမ်းကြရတဲ့ အချိန်မှာ စစ်ဦးဟာ စစ်ကိုင်း၊ မ​ကွေးဘက်ကို လှည့်လာတာ ဖြစ်တယ်။ 

တပြိုင်တည်းမှာပဲ ရခိုင်ပြည်နယ်မှာ မြို့သိမ်းတိုက်ပွဲ​တွေ မြိုင်မြိုင်ဆိုင်ဆိုင်ကြီး ပေါ်ထွက်လာ​နေတာပါ။ ဒီ​နေရာမှာ ဘာမဆို လုပ်ရဲတဲ့ စစ်တပ်ဟာ ဘယ်နိုင်ငံမဆို ထွက်​ပြေးရဲတာလည်း တွေ့ကြရမှာပါ။ အခု ဘဂ်လား​ဒေ့ရှ်ဘက်ကို ထွက်​ပြေးတဲ့ စစ်သား  ၃၀၀ ကျော် ရှိပြီလို့ သတင်းများအရ သိရပါတယ်။ 

ကုလ လူ့အခွင့်​ရေး​ကော်မရှင်က တွမ်အင်ဒရူး က​တော့ စစ်အုပ်စုအ​ပေါ် အမှန်ကန်ဆုံး မြင်နိုင်သူတစ်ဦး ဖြစ်ပြီး မြန်မာ့အ​ရေးကို သူ တတ်နိုင်သရွေ့ ကူညီ​နေတာ တွေ့ပါတယ်။ ဒါပေမဲ့လည်း သူ့အသံကို အင်အားကြီး​တွေကတော့ လျစ်လျူရှု ထားဆဲပါပဲ။ 

အကြမ်းဖက် စစ်​ကောင်စီအတွက် အရှက်တကွဲ အကျိုးနည်းဖြစ်ခဲ့ပြီး ကောင်း​ကောင်းကြီး အထိနာ​စေခဲ့တဲ့ ၁၀၂၇ စီမံကိန်း ယာယီ ရပ်တန့်​နေချိန်မှာ စစ်​ရေး လှုပ်ရှားမှု​တွေက မြန်မာဘက်ကို ကြည့်မယ် ဆိုရင် ဝုန်းဒိုင်းနဲ့ တိုက်ခတ်လိုက်တဲ့ အ​ရှေ့​လေနီကြမ်းက ရုတ်တရက် ငြိမ်သွားချိန်မှာ အ​နောက်​လေက  ထုံးစံအတိုင်း ရွက်လွှင့်လို့ မရ​လောက်​အောင် ဖြေးညှင်းစွာပဲ တိုက်ခတ်​နေတာ ဖြစ်ပါတယ်။ 

ကုလမှာ​တော့ လုံခြုံ​ရေး​ကောင်စီ အဖွဲ့ဝင် ၉ နိုင်ငံက ကြေညာချက် ထုတ်ပြီး စစ်အစိုးရကို ရှုံ့ချ ကန့်ကွက်တာက လွဲလို့ ကုလအစည်း​ဝေးတွေ ထုံးစံအတိုင်း ထူးမခြားနားဆိုတာ​ တွေ့ရမှာပါ။ 

ကုလ လူ့အခွင့်​ရေး​ကော်မရှင်က တွမ်အင်ဒရူး က​တော့ စစ်အုပ်စုအ​ပေါ် အမှန်ကန်ဆုံး မြင်နိုင်သူတစ်ဦး ဖြစ်ပြီး မြန်မာ့အ​ရေးကို သူ တတ်နိုင်သရွေ့ ကူညီ​နေတာ တွေ့ပါတယ်။ ဒါပေမဲ့လည်း သူ့အသံကို အင်အားကြီး​တွေကတော့ လျစ်လျူရှု ထားဆဲပါပဲ။ 

မြန်မာ့နိုင်ငံ​ရေးမှာ “ဘက်တဘက်က လုံးဝ အသာစီးရမှာကို တရုတ်က မလိုလားဘူး” ဆိုတာပါပဲ။ ဒီစကားရဲ့ အဓိပ္ပါယ်ကို​တော့ ရှင်းပြဖို့ လိုမယ် မထင်ပါဘူး။

ဒီမိုကရက် အစိုးရ လုပ်ပုံကိုင်ပုံကို အားမရလို့  ပါတီကြီးနှစ်ခု ပူး​ပေါင်းပါဝင်တဲ့ Caucus တစ်ခု ဖွဲ့လိုက်​တော့ အားတက်ရမလို ပြောပြန်ပါတယ်။ ဒါ​ပေမဲ့ အဆင့်ဆင့် ဖြတ်သန်းရမယ့် ဗျူရိုက​ရေစီ ယန္တရား​တွေ ​အောက်မှာ ထူးမခြားနား ​တေးသွားကိုပဲ မြင်ရစရာ ရှိ​နေပါတယ်။ နောက်ဆုံး ဘန်​ကောက် အစည်းအ​ဝေးမှာ ဂျိတ်ဆူလီဗန်၊ ဝမ်ယိနဲ့ ထိုင်းနိုင်ငံခြား​ရေးဝန်ကြီးတို့ ​တွေ့ဆုံရာမှာ ဂျိတ်ရဲ့ အသံကို သိပ်မကြားရဘဲ ဝမ်ယိရဲ့ပြောစကားကသာ ကျယ်​ကျယ်လောင်လောင် ထွက်​ပေါ်လာတာ ​တွေ့ရပါတယ်။ အဲဒါက​တော့ မြန်မာ့နိုင်ငံ​ရေးမှာ “ဘက်တဘက်က လုံးဝ အသာစီးရမှာကို တရုတ်က မလိုလားဘူး” ဆိုတာပါပဲ။ ဒီစကားရဲ့ အဓိပ္ပါယ်ကို​တော့ ရှင်းပြဖို့ လိုမယ် မထင်ပါဘူး။

အဲ​ဒီတော့ ပြော​နေကျ စကားများအတိုင်း လုပ်​ဆောင်​နေကျ အလုပ်​တွေအတိုင်း ကိုယ့်အားကိုယ်ကိုး  ဆက်သွား ကြရမှာက​တော့ ရှင်း​နေပါတယ်။ ၁၀၂၇ အရှိန်က​လေးနဲ့ ဆက်ပြီး တွန်းကြရမှာက သေချာတဲ့ လမ်း​ကြောင်း ဖြစ်ပါတယ်။ 

ဒီတ​လော ​တွေ့နေရတဲ့ AA စစ်ဦးစီးချုပ်ရဲ့ အင်တာဗျူးမှာ ပြဿနာ​တွေအ​ပေါ် အမြင်ကျယ်ကျယ် သုံးသပ်သွားတာ​ တွေ့ရတယ်။ အ​ရှေ့​လေနီကြမ်းကို ပါးပါးနပ်နပ်​ ကျော်လွှား​နေကြရတဲ့အတွက်  NUG အစိုးရနဲ့  K3C ကြေညာချက်မှာ ညီ​နောင်သုံးဖွဲ့ ပါဝင်ဖို့ မဖြစ်နိုင်တာလည်း နားလည်ကြရမှာပါပဲ။ 

စစ်တပ်အ​ကြောင်းကို တိုင်းရင်းသား လက်နက်ကိုင်​တွေနဲ့ ပြည်သူ​တွေက အသိဆုံးပါ။ သူတို့ဟာ ဘယ်​တော့မှ မ​သေချာ မ​ရေရာတဲ့ လမ်း​ကြောင်း၊ ဝေဝါးတဲ့ လမ်း​ကြောင်းမျိုးကို ရွေးမှာ မဟုတ်ပါဘူး။ 

KIA တောင်မှ​ နောက်မှ ပါဝင်လာရတာဟာ နယ်စပ်နိုင်ငံ​ရေးများရဲ့ အတိမ်အနက်​ကြောင့်ပဲလို့  မှတ်ယူနိုင်ပါတယ်။ ဘာပဲဖြစ်ဖြစ် စစ်တပ်အ​ကြောင်းကို တိုင်းရင်းသား လက်နက်ကိုင်​တွေနဲ့ ပြည်သူ​တွေက အသိဆုံးပါ။ သူတို့ဟာ ဘယ်​တော့မှ မ​သေချာ မ​ရေရာတဲ့ လမ်း​ကြောင်း၊ ဝေဝါးတဲ့ လမ်း​ကြောင်းမျိုးကို ရွေးမှာ မဟုတ်ပါဘူး။ ဒါ​ကြောင့် ပြင်ပ ပ​ယောဂ​တွေ ပါဝင်ပတ်သက်မှု​တွေ မည်သို့ပင် ရှိ​စေကာမူ  ပြည်သူ ​ရွေးချယ်​သော လမ်းသည်သာ အမှန်ကန်ဆုံးလို့ ယူဆကြရမှာပဲ ဖြစ်ပါတယ်။

~~~~

နွေဦးသစ်လူ