မြန်မာနိုင်ငံမှာ စစ်တပ်က မတရား အာဏာသိမ်းခဲ့တာ လာမယ့်ရက် ပိုင်းဆိုရင် သုံးနှစ် ပြည့်ပါ​တော့မယ်။ အလားတူပဲ အာဏာသိမ်းပြီးတာနဲ့ တလအတွင်း​ ပေါ်​ပေါက်လာတဲ့ မြန်မာပြည်သူ​တွေရဲ့ တိုက်ပွဲကလည်း သုံးနှစ်ထဲ ဝင်လာ​နေပါပြီ။ ဒီသုံးနှစ် ကာလအတွင်း ပြည်သူ​တွေနဲ့ တိုင်းရင်းသား လက်နက်ကိုင်​တွေရဲ့ ခုခံစစ်ဟာ မကြုံစဖူး အား​ကောင်းလာတာ ဖြစ်ပါတယ်။

တဘက်မှာ​တော့ အာဏာရူးတွေ ခေါင်း​ဆောင်တဲ့ စစ်တပ်ဟာ စစ်​ရေး၊ နိုင်ငံ​ရေး၊ စီးပွား​ရေး ဘက်​ပေါင်းစုံမှာ အသက်ဆက်နိုင်ရုံ ရုန်းကန်​နေရတာ အထင်အရှား ​တွေ့​နေရတာ ဖြစ်ပါတယ်။ အခု သုံးနှစ် ပြည့်​တော့မယ့် အချိန်မှာ ရန်သူ့ဘက်က  အားသာချက် အားနည်းချက်နဲ့ ကိုယ့်ဘက်က အားသာချက် အားနည်းချက်တွေ ရှေ့အလားအလာ​တွေကို​တော့ အ​သေအချာ သုံးသပ်ကြပြီးလည်း ဖြစ်ပါတယ်။ ရှေ့အလားအလာကလည်း ပြည်ပ အ​နှောင့်အယှက် ကြီးကြီးမားမားသာ မရှိခဲ့ရင် အောင်ပွဲက လက်တကမ်းမှာပဲ ရှိ​နေတာပါ။

အခု ​အောင်မြင်​နေတဲ့ နွေဦး လက်နက်ကိုင်​တွေဟာ တပြိုင်တည်းလိုလို လက်နက်ကိုင်တိုက်မှ ဖြစ်မယ်ဆိုတဲ့ အသိကို ရခဲ့ကြတာဟာ ပြင်ပ အကဲခတ်​တွေအတွက် အံ့သြစရာ ဖြစ်​နေနိုင်ပါတယ်။ 

ပြီးခဲ့တဲ့ကာလကို ပြန်ကြည့်ရင် ပြည်သူ့ ကာကွယ်​ရေး တပ်​တွေဟာ ခက်ခက်ခဲခဲ စတင်ခဲ့ကြရတာကို ​တွေရမှာပါ။ အခု ​အောင်မြင်​နေတဲ့ နွေဦး လက်နက်ကိုင်​တွေဟာ တပြိုင်တည်းလိုလို လက်နက်ကိုင်တိုက်မှ ဖြစ်မယ်ဆိုတဲ့ အသိကို ရခဲ့ကြတာဟာ ပြင်ပ အကဲခတ်​တွေအတွက် အံ့သြစရာ ဖြစ်​နေနိုင်ပါတယ်။ ဒါ​ပေမယ့် စစ်တပ်အ​ကြောင်း ကောင်း​ကောင်း သိထားကြပြီး ဖြစ်တဲ့ ပြည်သူတရပ်လုံး အဖို့​တော့ ဒါဟာ ​ရှောင်လွှဲလို့ မရတဲ့ လမ်း​ကြောင်း ဖြစ်တယ်ဆိုတာကို ကောင်း​ကောင်း သ​ဘော​ပေါက် ထားကြတာ ဖြစ်တယ်။ 

မြန်မာမှာ အ​စောပိုင်းက ပြောကြတာ တစ်ခု ရှိပါတယ်။ အဲဒါက​တော့ ရွေး​ကောက်ပွဲ​တွေမှာ NLD ရှုံးသွားမှာကို NLD ထဲက လူတချို့ထက် ပြည်သူ​တွေက ပိုစိုးရိမ်တယ်ဆိုတဲ့ စကား ဖြစ်ပါတယ်။ NLD ပါတီဟာ အနှစ်သုံးဆယ်​လောက် အာဏာရှင် ဆန့်ကျင်​ရေး လမ်း​ကြောင်း​ပေါ်မှာ ခိုင်ခိုင်မာမာ ရပ်တည်လာခဲ့သည့်တိုင်​အောင် လူထုရဲ့ စိုးရိမ်မှုက ဘာ​ကြောင့် အဲသလို ဖြစ်​နေတာပါလဲ။ 

စစ်အာဏာရူး​တွေရဲ့ဒဏ်ကို ပြည်သူလူထုက နှစ်​ပေါင်း ၆၀ လောက် ခံစားထားဖူးတာ​ကြောင့်ပဲ ဖြစ်ပါတယ်။ စစ်တပ်နဲ့ စစ်တပ် လက်ဝေခံ ပါတီ​တွေ လက်ထဲ အာဏာ ရောက်သွားရင် တိုင်းပြည်ဟာ ဖွတ်သထက်ညစ်​နေအုံးမယ်ဆိုတာကို ကောင်း​ကောင်း သိ​နေကြလို့ပဲ ဖြစ်ပါတယ်။ 

အ​ဖြေက ရှင်းပါတယ်။ စစ်အာဏာရူး​တွေရဲ့ဒဏ်ကို ပြည်သူလူထုက နှစ်​ပေါင်း ၆၀ လောက် ခံစားထားဖူးတာ​ကြောင့်ပဲ ဖြစ်ပါတယ်။ စစ်တပ်နဲ့ စစ်တပ် လက်ဝေခံ ပါတီ​တွေ လက်ထဲ အာဏာ ရောက်သွားရင် တိုင်းပြည်ဟာ ဖွတ်သထက်ညစ်​နေအုံးမယ်ဆိုတာကို ကောင်း​ကောင်း သိ​နေကြလို့ပဲ ဖြစ်ပါတယ်။ ဒါ​ကြောင့် ပြည်သူလူထု တရပ်လုံးက ခေါင်း​ဆောင်​ကောင်းလည်း ရှိ​နေတဲ့ NLD ကို မဲတွေ ပုံအောထည့် ခဲ့ကြတာ ဖြစ်တယ်။ ဒါ​ကြောင့် စစ်တပ်က အ​ခြေအမြစ် မရှိတဲ့ အ​ကြောင်းပြချက်​တွေနဲ့ အာဏာ ထသိမ်းလိုက်ချိန်မှာ အပြိုင်းအရိုင်း လက်နက်စွဲ ကိုင်လာကြသူ​တွေဟာ ဒီလို လူ​တွေပဲ ဖြစ်တယ်။ 

အာဏာ ငန်းဖမ်း​နေသူ​တွေကို ငြိမ်းချမ်းတဲ့နည်းနဲ့ ဆန္ဒပြ​နေလို့​တော့ ရမှာ မဟုတ်ဘူး။ သူတို့ နားလည်တဲ့ တခုတည်း​သော  ဘာသာ စကား ဖြစ်တဲ့ လက်နက်နဲ့ပဲ ပြန်ပြီး ရင်ဆိုင်မှ ရမယ်ဆိုတာကို မြန်မာလူငယ်​တွေ၊ နိုင်ငံ​ရေးသမား​တွေ အကုန်လုံး တပြိုင်တည်း နားလည် သ​ဘော​ပေါက်သွားကြတာပဲ ဖြစ်ပါတယ်။

ဒီအ​ကြောင်းကို အ​စောပိုင်းကာလက အ​မေရိကန် သံအမတ်​ဟောင်း  စ​ကော့မာရှယ် ပြောတဲ့ စကားကလည်း သက်​သေခံ​နေပါတယ်။ သူက "အခုဟာက ကိုယ့်တိုင်းပြည်ကို တိုင်းတပါးက ကျူး​ကျော်လာလို့ အားလုံးက ပြန်တိုက်​နေကြတဲ့ ပုံစံမျိုးပါပဲ" လို့ ​ပြောခဲ့တာပါ။ 

စစ်တပ်ဟာ တိုင်းပြည်ထဲမှာ အုပ်စိုးသူ သီးခြား လူတန်းစားတစ်ရပ်လို စစ်ပ​ဒေသရာဇ်တပိုင်း ပုံစံမျိုး ကျင့်သုံးလာ​နေတာ ကြာပါပြီ။ 

သူ​ပြောတဲ့ စကားက အမှန်ပါပဲ။ စစ်တပ်ဟာ တိုင်းပြည်ထဲမှာ အုပ်စိုးသူ သီးခြား လူတန်းစားတစ်ရပ်လို စစ်ပ​ဒေသရာဇ်တပိုင်း ပုံစံမျိုး ကျင့်သုံးလာ​နေတာ ကြာပါပြီ။ အဲဒီပုံစံက ဦးသန်း​ရွှေ လက်ထက်က စလာတာပါ။ ဗိုလ်သန်း​ရွှေက ဘုရင်တပါးလို နေပြီး ပြည်သူ​တွေကတော့ လက်​အောက်ခံ ကျေးကျွန်​တွေသဖွယ် ဖြစ်လာကြတယ်။ 

အာဏာကို လက်နက်ကိုင် အာဏာ ပါးကွက်သား​တွေနဲ့ ဖိနှိပ်အုပ်ချုပ်တဲ့ ပုံစံ ဖြစ်တယ်။ စစ်တပ်ဟာ ဒီကိစ္စကို စီမံကိန်းချပြီး လုပ်ခဲ့တာပါ။ အရင်က စစ်တက္ကသိုလ်မှာ ဗိုလ်​လောင်း ၅၀၀ လောက် အများဆုံး ​ခေါ်ရာကနေ OTS၊ အလုပ်သင် ဗိုလ်​လောင်း စတာ​တွေ အားလုံး​ပေါင်း တနှစ်ကို ၃၀၀၀ လောက် ​မွေးထုတ်လာတာ ဖြစ်တယ်။ စီမံကိန်းက တပ်​တွေကို တိုးချဲ့၊ ပိုလျှံတာ​တွေကို အရပ်ဖက်ကို ​ပြောင်းပြီး စစ်တပ် ကိုယ်စားလှယ်အဖြစ် လုပ်ကိုင်​စေဖို့ပါ။ 

တပြိုင်နက်မှာပဲ စစ်ဆရာဝန်နဲ့ စစ်အင်ဂျင်နီယာ​တွေပါ​ မွေးထုတ်ပါတယ်။ ဒါမှ စစ်တပ်ဟာ အင်ပါယာတခုကို တစုံလုံး တည်​ဆောက်နိုင်မှာ ဖြစ်ပြီး ရှစ်​လေးလုံးလို အ​ရေး​တော်ပုံ​တွေ ဖြစ်လာရင် ရင်ဆိုင်နိုင်မှာ ဖြစ်တယ်ဆိုတဲ့ အကြံအစည် နဲ့ပါ။ စစ်တပ်ကို တပ်ရင်း ၃၀၀ ကျော်က​နေ ၅၀၀ ကျော်အထိ နံပါတ်​တွေ တိုးချဲ့ ဖွဲ့စည်းခဲ့တယ်။ ဒါ​ကြောင့် တပ်​တွေမှာ စစ်သားတဝက်​လောက် ​လျော့ကျသွားတယ်။

ရှစ်​လေးလုံးကာလက မီးရထား​မောင်း တတ်တဲ့သူ တပ်ထဲမှာ မရှိလို့ နောက်ပိုင်းမှာ တပ်သား​တွေထဲမှာ မီးရထား​မောင်း သင်ခိုင်းတာ​တွေ​တောင် ရှိခဲ့တာ ဖြစ်တယ်။ 

သူက​တော့ တပ်အ​ရေအတွက်အရ ဗိုလ်ချုပ်မှူးကြီး ဘွဲ့ ခံယူနိုင်ပြီး၊ နယ်စွန်နယ်ဖြား ၊ တောထဲတောင်ထဲ ​ချောင်က​လောင်တွေထဲအထိ စစ်စခန်း​တွေ ချနိုင်ခဲ့တယ်။ ဒါကလည်း တနိုင်ငံလုံးအနှံ့ ဖြစ်ပွားတဲ့ ရှစ်​လေးလုံးလို အ​ရေး​တော်ပုံ​တွေ  ဖြစ်လာရင် အလွယ်တကူ နှိမ်နင်း သတ်ဖြတ်နိုင်​အောင်ပါပဲ။ ရှစ်​လေးလုံးကာလက မီးရထား​မောင်း တတ်တဲ့သူ တပ်ထဲမှာ မရှိလို့ နောက်ပိုင်းမှာ တပ်သား​တွေထဲမှာ မီးရထား​မောင်း သင်ခိုင်းတာ​တွေ​တောင် ရှိခဲ့တာ ဖြစ်တယ်။ 

နောက်ပိုင်း ဦးသိန်းစိန် လက်ထက်ကျ​တော့ စစ်သား​တွေကို လွှတ်​တော်ထဲပါ ဝင်ထိုင်ခိုင်းပြီး တောင်​ပြော​မြောက်​ပြော ပြောတာကို စစ်တပ်ဟာ စွမ်းရည်သုံးရပ် မက​တော့ဘူး။ ဥပ​ဒေပြု စွမ်းရည်ပါ ရှိလာပြီဆိုပြီး ဘောမတသိုက်က အဆာကျယ်ခဲ့ကြ​သေးတယ် မဟုတ်လား။

ဗိုလ်သန်း​ရွှေ လက်ထက်ကစလို့  ဗိုလ်ချုပ် တသိုက်ဟာ မြင်မ​ကောင်း​အောင် အပြိုင်အဆိုင် လာဘ်ပေးလာဘ်ယူ​တွေ ပြုလုပ်ကြတာ ဖြစ်တယ်။ ဒီကာလအတွင်း ထိပ်ပိုင်း ဗိုလ်ချုပ်​တွေ အားလုံး အကြီးအကျယ် ချမ်းသာလာကြတာ ဖြစ်တယ်။ အဲဒီကာလ​က ပေါ်​ပေါက်ခဲ့တဲ့ သူဌေး​တွေဟာလည်း ဗိုလ်ချုပ်များနဲ့ ပေါင်းပြီး တနပ်စား စီးပွား​ရေး​တွေနဲ့ အလွန်အမင်း ချမ်းသာလာကြတာပဲ ဖြစ်တယ်။ စစ်တပ် အကြီးအကျယ် ပျက်စီးခဲ့တာဟာ အဲဒီကာလက စတာပါ။

လက်ရှိ အာဏာရူး ဗိုလ်ချုပ်​တွေဟာ “ဆင့် ဟိုဒင်း​ ခွေး​မျှော်သလို” သူတို့ အထက်အရာရှိ​တွေ စားကြ​သောက်ကြတာကို  အားကျ​နေခဲ့ကြတဲ့ သူ​တွေပါပဲ။ 

လက်ရှိ အာဏာရူး ဗိုလ်ချုပ်​တွေဟာ “ဆင့် ဟိုဒင်း​ ခွေး​မျှော်သလို” သူတို့ အထက်အရာရှိ​တွေ စားကြ​သောက်ကြတာကို  အားကျ​နေခဲ့ကြတဲ့ သူ​တွေပါပဲ။ လုပ်နည်းကိုင်နည်း​တွေ အားလုံးကို သူတို့ စီနီယာ​တွေထံကနေ လေ့လာ သင်ယူခဲ့ကြတာပါ။  

သူတို့ သင်ယူတာက နှစ်ချက်ပဲ ရှိပါတယ်။ တခုက လူထုကို နှိပ်ကွပ် သတ်ဖြတ်နည်း၊ လိမ်ညာနည်းနဲ့ နောက်တခုက ရသမျှကိုယ့်အိပ်ထဲ ကျုံးထည့်တဲ့နည်း​တွေ ပါပဲ။ နောက်တခု ဒေါ်စိန်​အေး​ကျောင်းက သင်​ပေးလိုက်တာက​တော့ အ​ခြောက်တိုက် ဘဝင်မြင့်​တဲ့ ရောဂါပါ။ တပ်ချုပ်​နေရာ ရလာရင် ဘုရင်လိုကို ဖြစ်လာတာ၊ တပ်ချုပ်​နေရာရသူက ဥပ​ဒေအထက်က နေရမှ ဆိုတာမျိုး​တွေ ထည့်ပေးလိုက်တာပါ။ အဲဒီ​နေရာ​ ရောက်ရင်​တော့ သူ့မှာ စီနီယာတို့ ဆရာတို့ မရှိ​တော့ပါဘူး။ 

မအလဟာ အဲလို စိတ်ပိုင်းရုပ်ပိုင်း အ​မွေ​ဆိုးတွေ အားလုံးကို ဆက်ခံ ရရှိခဲ့တာ ဖြစ်တယ်။ နောက်ပြီး လူကသာ မာန်တက်​နေတာ သူတို့ ကိုယ်တိုင် အဲဒီ တပ်ပျက်ကြီးထဲက ထွက်လာတာ ဖြစ်ပြီး တပ်အင်အား ဘယ်​လောက် ရှိမှန်း​တောင် မသိတဲ့ ပျက်စီး ယိုယွင်း​နေတဲ့ တပ်ကြီးကို ဆက်ခံရရှိခဲ့တာ ဖြစ်တယ်။

ဗိုလ်သန်း​ရွှေက ဦး​နေဝင်းကို လုပ်ခဲ့သလို မအလ ကလည်း အဲလိုလုပ်ဖို့ အသင့်ဖြစ်​နေတော့ သူ့အဘဖြစ်ခဲ့သူ ကိုယ်တိုင် မလှုပ်ရဲတဲ့ အ​ခြေအ​နေပါပဲ။ ကျန်တဲ့ လူထုကို ဖိနှိပ်နည်း လိမ်ညာနည်း​တွေက​တော့ သူ့​ဆရာရဲ့ နည်းလမ်း​တွေအတိုင်း ကျင့်သုံး​နေတာ ဖြစ်ပါတယ်။ ဒါ​ကြောင့် နွေဦး​တော်လှန်​ရေးမှာ “ငါတို့ ဦးနှောက် ၂၁ ၊ မင်းတို့ ဦးနှောက် ၈၈” လို့ လူငယ်​တွေက ကြွေး​ကြော်ကြတာပဲ ဖြစ်တယ်။ 

မအလဟာ အဲလို စိတ်ပိုင်းရုပ်ပိုင်း အ​မွေ​ဆိုးတွေ အားလုံးကို ဆက်ခံ ရရှိခဲ့တာ ဖြစ်တယ်။ နောက်ပြီး လူကသာ မာန်တက်​နေတာ သူတို့ ကိုယ်တိုင် အဲဒီ တပ်ပျက်ကြီးထဲက ထွက်လာတာ ဖြစ်ပြီး တပ်အင်အား ဘယ်​လောက် ရှိမှန်း​တောင် မသိတဲ့ ပျက်စီး ယိုယွင်း​နေတဲ့ တပ်ကြီးကို ဆက်ခံရရှိခဲ့တာ ဖြစ်တယ်။

 မြောက်ပိုင်း ညီနောင်မဟာမိတ် ၃ ဖွဲ့ ဦးဆောင်တဲ့ “၁၀၂၇ စစ်ဆင်ရေး”က ဒီစစ်တပ်ရဲ့ အစစ်အမှန် ရုပ်လုံးကို ထင်းထင်းကြီး မြင်လာ​စေတာပါ။ ဒီလို အောင်ပွဲက လက်တကမ်းအလို အ​ခြေအ​နေမှာ ညီ​နောင်များနဲ့ မကင်းရာ မကင်း​ကြောင်း ရှိခဲ့တဲ့ နိုင်ငံနဲ့ အဖွဲ့အစည်း အချို့ရဲ့ ကြားဝင်မှု​တွေ ရှိလာတာ ဖြစ်ပါတယ်။ 

ပြည်သူ​တွေရဲ့ ပြတ်သားတဲ့ စိတ်ဓါတ်က သူတို့အ​ပေါ် ရိုက်ခတ်​နေတာကလည်း သိသာလှပါတယ်။  သူတို့ဟာလည်း ပြည်သူ​တွေနဲ့ ခံယူချက်ချင်း ချိတ်ဆက်ပြီးသား ဖြစ်လို့ အောင်ပွဲက မ​ဝေးလှတဲ့​ နေရာကို ​ရောက်​ရှိနေရာကနေ ရွေ့​ပြောင်း သွားစရာ မရှိဘူးလို့ပဲ ယူဆပါတယ်။ 

ဒီအ​ခြေ​အနေမှာ နားမလည်စရာ တချို့ ရှိ​နေသေးတဲ့တိုင်အောင် တော်လှန်​ရေးဟာ တနည်းတလမ်းနဲ့ ဆက်သွား​နေအုံးမှာပါ။  အ​တွေ့အကြုံ များစွာ ရှိထားတဲ့ အဖွဲ့​တွေ ဆို​တော့ အရပ်ရပ် အ​ခြေအ​နေ​တွေ ကြားမှာ ထွက်​ပေါက်ကို ရှာနိုင်မယ်ဆိုတာ  ပြောလို့ ရပါတယ်။ 

ပြည်သူ​တွေရဲ့ ပြတ်သားတဲ့ စိတ်ဓါတ်က သူတို့အ​ပေါ် ရိုက်ခတ်​နေတာကလည်း သိသာလှပါတယ်။  သူတို့ဟာလည်း ပြည်သူ​တွေနဲ့ ခံယူချက်ချင်း ချိတ်ဆက်ပြီးသား ဖြစ်လို့ အောင်ပွဲက မ​ဝေးလှတဲ့​ နေရာကို ​ရောက်​ရှိနေရာကနေ ရွေ့​ပြောင်း သွားစရာ မရှိဘူးလို့ပဲ ယူဆပါတယ်။ ပြည်သူ​တွေက အချိန်ဆွဲ မခံ၊ အာရုံလွှဲ မခံ၊ စိတ်ဝမ်းကွဲ မခံဘူးဆိုတာ ခိုင်မာစွာ ဖော်ပြကြပြီး ဖြစ်​ကြောင်းပါ။   ။  

~~~~

ဇွဲဥာဏ်ရှိန်