ဟေ့ကောင် အကြမ်းဖက်ခေါင်ဆောင် မ.အ.လ..။ ဘယ်လိုလဲကွ။ မင်းပြောသလို ၂၀၂၄ အောက်တိုဘာမှာ ပြည်လုံးကျွတ် သန်းခေါင်စာရင်းကောက်ယူနိုင်ပါဦးမလား။ ဘာလို့လဲဆိုတော့ ကုလသမဂ္ဂ လူဦးရေရံပုံငွေအဖွဲ့ UNFPA က မင်းတို့ပြုလုပ်မယ့် သန်းခေါင်စာရင်းကောက်ယူရေးကို ပူးပေါင်းပါဝင်ကူညီနိုင်မယ်မဟုတ်ဘူးလို့ ပြောဆိုလိုက်လို့ပါပဲ။ အကြောင်းပြချက်ကတော့ နိုင်ငံတဝှမ်း တိုက်ပွဲတွေ ဖြစ်နေလို့ပါတဲ့။ အဲဒါကို မင်းက လက်တွေ့ဖြစ်ပွားနေတဲ့ ဖြစ်စဥ်တွေမသိကျိုးကျွံပြုပြီး စိတ်ကူးယဥ်အနာဂတ်ကိစ္စ ဇွတ်တိုးမိုက်မဲနေတယ်ပေါ့လေ။ ဟေ့ကောင် မ.အ.လ ရေ။ နိုင်ငံရေးဆိုတာ ဖြစ်ချင်တာထက် ဖြစ်သင့်ဖြစ်ထိုက်တဲ့အရာတွေကို လုပ်ဆောင်ရတယ်ဆိုတာ မင်းနားလည်သိရှိဟန်မတူပါဘူး။

မင်းတို့စစ်အာဏာရှင်တွေ အာဏာမက်ပြီး စဥ်းစားဆင်ခြင်မဲ့ ရူးမိုက်မှုတွေကြောင့် နိုင်ငံဟာ အလုံးစုံပြိုလဲတော့မယ့်အနေအထားဆီကို ဦးတည်နေပြီ။ ဒါလည်း မင်းတို့ပါးစပ်က တို့တာဝန်အရေးသုံးပါးကို တွင်တွင်ပြောကြားနေဆဲ။ ရွံစရာကောင်းလိုက်တာပါကွာ။

 

မင်းက အာဏာသိမ်းပြီးတော့ ၂၀၂၂ သြဂုတ်လလောက်မှာ နိုင်ငံတဝှမ်း အကြားအလပ်မရှိ ရွေးကောက်ပွဲပြုလုပ်မယ်လို့ ပြောခဲ့တာကို မှတ်မိသေးရဲ့လား။ ပြီးတော့ မင်းတို့စစ်အာဏာရှင်တွေ အသာစီးရယူထားတဲ့ ၂၀၀၈ ခြေဥအရဆိုတာကြီးကို ပါးစပ်ကမချ တွင်တွင်သုံးပြီး မင်းလုပ်ပိုင်ခွင့်မရှိတဲ့ ရွေးကောက်ပွဲကော်မရှင်ကို ပြန်လည်ဖွဲ့စည်း၊ ပါတီတွေနဲ့ပတ်သက်တဲ့စည်းမျဥ်းတွေကို ထုတ်ပြန်ခဲ့တယ်မဟုတ်လား။ ဒါပေမဲ့ ၂၀၂၃ ခုနှစ်သာကုန်ဆုံးသွားတယ်။ ဘယ်မှာ ရွေးကောက်ပွဲလုပ်နိုင်ခဲ့လို့တုန်း။ ရွေးကောက်ပွဲလုပ်ဖို့နေနေသာသာ နိုင်ငံတည်ငြိမ်အောင်ပင် မစွမ်းဆောင်နိုင်ခဲ့ဘူးမဟုတ်လား။

မင်းတို့စစ်အာဏာရှင်တွေ အာဏာမက်ပြီး စဥ်းစားဆင်ခြင်မဲ့ ရူးမိုက်မှုတွေကြောင့် နိုင်ငံဟာ အလုံးစုံပြိုလဲတော့မယ့်အနေအထားဆီကို ဦးတည်နေပြီ။ ဒါလည်း မင်းတို့ပါးစပ်က တို့တာဝန်အရေးသုံးပါးကို တွင်တွင်ပြောကြားနေဆဲ။ ရွံစရာကောင်းလိုက်တာပါကွာ။

လက်ရှိအနေအထားမှာ ကရင်၊ ကရင်နီတို့ဘက်မှာရော ရှမ်းပြည်မြောက်ပိုင်း၊ ကချင်တို့ဘက်မှာရော၊ ချင်းနဲ့ ရခိုင်ဘက်မှာရော၊ စစ်ကိုင်း၊ မန္တလေး၊ မကွေး၊ ပဲခူးနဲ့ တနင်္သာရီတိုင်းတွေဘက်မှာရော မင်းတို့ နှစ်ရှည်လများ ထိန်းချုပ်လွှမ်းမိုးထားတဲ့ စစ်စခန်းတွေ ရဲစခန်းတွေ တစ်ခုပြီးတစ်ခု ဆုံးရှုံးလက်လွှတ်နေရတဲ့အပြင် မြို့ပြအုပ်ချုပ်ရေးတွေပါ ပေးဆပ်နေရပြီမဟုတ်ပါလား။ အဲဒီမှာ မင်းတို့က လက်လွှတ်လိုက်ရတဲ့မြို့ပြတွေကို ရည်ရွယ်ချက်ရှိရှိ ဗုံးကြဲချနေတာကတော့ ပြည်သူတွေရဲ့ အိုးအိမ်ပစ္စည်းတွေကို ဖျက်ဆီးရုံသက်သက် ယုတ်မာမှုတွေပါပဲ။

နဝတလက်နက် ဒုဗိုလ်ချုပ်မှူးကြီး မောင်အေးဆိုတဲ့ကောင်က နောက်ဆို ကရင်လူမျိုးကို နတ်ကွန်းမှာသာ တွေ့ရလိမ့်မယ်လို့ မိုက်မိုက်ရိုင်းရိုင်း ပြောခဲ့သေးတာမဟုတ်ပါလား။ ဒါပေမဲ့ အပြုတ်တိုက်ရေးလမ်းစဥ်က ဒင်းတို့သာပြုတ်သွားကြပြီး မအောင်မြင်ဘဲ ကျဆုံးခဲ့ရတာမဟုတ်လား။

အဲဒီမှာ အကြမ်းဖက်ခေါင်ဆောင် မ.အ.လ..ရေ။ မနိုင်ရင်တော့ တစ်နိုင်ငံလုံးကို မီးလောင်တိုက်သွင်းပစ်ခဲ့မယ်ဆိုတဲ့ လူမဆန်တဲ့ မင်းရဲ့ကြုံးဝါးမှုကို သတိရမိပါရဲ့။ ဘာလဲ မင်းတို့ကတော့ မင်းတို့စစ်အာဏာရှင်တွေ တောက်လျှောက်ကျင့်သုံးခဲ့တဲ့ အပြုတ်တိုက်ရေးလမ်းစဥ်ပဲလား။ အပြုတ်တိုက်ရေးလမ်းစဥ်ဆိုတာ လက်နက်အားကိုးတဲ့ မင်းတို့စစ်အာဏာရှင်တွေရဲ့ လူမိုက်ဆန်ဆန် တွေးခေါ်မှုတွေပါကွာ။ နဝတလက်နက် ဒုဗိုလ်ချုပ်မှူးကြီး မောင်အေးဆိုတဲ့ကောင်က နောက်ဆို ကရင်လူမျိုးကို နတ်ကွန်းမှာသာ တွေ့ရလိမ့်မယ်လို့ မိုက်မိုက်ရိုင်းရိုင်း ပြောခဲ့သေးတာမဟုတ်ပါလား။ ဒါပေမဲ့ အပြုတ်တိုက်ရေးလမ်းစဥ်က ဒင်းတို့သာပြုတ်သွားကြပြီး မအောင်မြင်ဘဲ ကျဆုံးခဲ့ရတာမဟုတ်လား။

ပြည်သူတရပ်လုံးကို အပြုတ်တိုက်ရေးဆိုရင်တော့ မင်းတို့အကြမ်းဖက်အဖွဲ့အစည်းသာ မရှုမလှပြုတ်ကျသွားမှာကို မြင်ယောင်မိပါသေး။

ဒီမှာ၊ မင်းသိထားဖို့က အခုဖြစ်ပွားနေတဲ့တော်လှန်ရေးဟာ တိုင်းရင်းသားတစ်မျိုးမျိုးရဲ့ အခွင့်အရေးရဖို့ တော်လှန်နေကြတာမဟုတ်ဘူး။ ပြည်နယ်ပြည်မ တိုင်းရင်းသားအားလုံး၊ ပြည်သူအားလုံးက မင်းတို့စစ်အာဏာရှင်တွေ နှစ်ပေါင်း ၆၀ ကျော်စိုးမိုးထားခဲ့လို့ ဆုံးရှုံးသွားတဲ့အခွင့်အရေးတွေ ပြန်လည်ရရှိအောင် တိုက်ပွဲဝင်နေကြတဲ့ တော်လှန်ရေးကြီးကွ။ ဒီတော့ မင်းတို့အကြမ်းဖက်အဖွဲ့အစည်းနဲ့ ပြည်သူတရပ်လုံးရင်ဆိုင်နေရတဲ့ တော်လှန်ရေးကြီးပေါ့ကွာ။ ပြည်သူတရပ်လုံးကို အပြုတ်တိုက်ရေးဆိုရင်တော့ မင်းတို့အကြမ်းဖက်အဖွဲ့အစည်းသာ မရှုမလှပြုတ်ကျသွားမှာကို မြင်ယောင်မိပါသေး။

ခုမလည်း မင်းတို့ဟာ တဖြုံဖြုံကေး တဖြည်းဖြည်းကုန်ပြီး ကျရှုံးနေပြီမဟုတ်ပါလား။ ပွဲသိမ်းခရာမမှုတ်သေးပေမဲ့ ဆယ်ဂိုးပြတ်လောက်ရှုံးနိမ့်နေတဲ့ဘောလုံးအသင်းလို မင်းတို့အကြမ်းဖက်အဖွဲ့အစည်းလည်း အနိုင်ရဖို့ မျှော်လင့်ချက်မဲ့သွားပြီမဟုတ်ပါလား။

အဲဒီမှာ မင်းတို့က တရုတ်နိုင်ငံရဲ့အကူအညီရယူပြီး အလံဖြူစထောင်လာတော့ အံ့အားသင့်သလို ဖြစ်မိပါသေးရဲ့။ ဒါပေမဲ့ ခွေးမြီးကောက် ကျီတောက်စွပ်သလိုပါပဲ။ လောက်ကိုင်မြို့ကို ဗုံးတွေကြဲချလာတယ်။ တန်ပြန်ထိုးစစ်လည်း မဟုတ်ဘူး။ ပျက်လိုပျက်စီးဖြစ်အောင် ရည်ရွယ်ချက်ရှိရှိ လုပ်ဆောင်လိုက်တာ မဟုတ်ပါလား။ အောက်တန်းကျလှတဲ့ စိတ်ဓာတ်တွေပါ။ အခုလကုန်မှာ ထပ်မံတွေ့ဆုံကြဖို့ မင်းတို့ဘက်ကတော့ ကူမင်းရောက်နေပြီလို့ ကြားသိနေရတယ်။ ပိုးသာကုန် မောင်ပုံစောင်းမတတ်ဆိုတဲ့ကိန်း ရောက်မှာပါကွာ။ တစ်ဖက်နဲ့တစ်ဖက်တွေ့ဆုံရာမှာ ယုံကြည်မှုကို အရင်တည်ဆောက်ရတယ်ကွ။ မင်းတို့က ငါးပြူးပြော ဆယ်ခွန်းမယုံရဆိုတဲ့ကောင်တွေဆိုတော့ ဘာမှဖြစ်လာနိုင်စရာအကြောင်း မရှိပါဘူး။

 ခုဆို အိန္ဒိယ၊ တရုတ်နဲ့ ထိုင်းနယ်စပ်တွေ လက်လွတ်ဆုံးရှုံးကုန်ပြီဆိုတော့ နိုင်ငံခြားကုန်သွယ်ရေးဝင်ငွေကလည်း ပါတောပိတ်သွားပြီလေ။ MOGE ပိတ်ဆို့မှုသာ အောင်မြင်ပြီဆိုရင်တော့ မင်းတို့တတွေ စမုံတုံးပြီသာမှတ်။ မူစကူဒူးခံရပြီသာမှတ်ထားကြပေရော့။

 

မင်းတို့မှာ စစ်ရေးသာရှုံးနိမ့်ရုံမက စီးပွားရေးကလည်း နလံမထူနိုင်အောင် ထိုးစိုက်နေပြီမဟုတ်လား။ ဘယ်ကွာ၊ ကျေးရွာတွေကို ယုတ်မာပက်စက်စွာနဲ့ မီးတင်ရှို့နေပြီးတော့ စိုက်ပျိုးရေးနိုင်ငံမို့ စိုက်ပျိုးရေးလုပ်ငန်းတွေ ဖွံ့ဖြိုးတိုးတက်အောင် ကူညီဆောင်ရွက်ပေးရမယ်လို့ ပေါက်တတ်ကရ ပြောလိုပြော။ လျှပ်စစ်မီးကို ရန်ကုန်မြို့ကြီးမှာတောင် အလှည့်ကျပေးနေရသူတွေက MSME လုပ်ငန်းတွေဖွံ့ဖြိုးရင် စီးပွားရေးဖွံ့ဖြိုးမယ်ဆိုပြီး တွေ့ကရာတွေ လျှောက်ပြောလိုပြော။ ခုဆို အိန္ဒိယ၊ တရုတ်နဲ့ ထိုင်းနယ်စပ်တွေ လက်လွတ်ဆုံးရှုံးကုန်ပြီဆိုတော့ နိုင်ငံခြားကုန်သွယ်ရေးဝင်ငွေကလည်း ပါတောပိတ်သွားပြီလေ။ MOGE ပိတ်ဆို့မှုသာ အောင်မြင်ပြီဆိုရင်တော့ မင်းတို့တတွေ စမုံတုံးပြီသာမှတ်။ မူစကူဒူးခံရပြီသာမှတ်ထားကြပေရော့။

ခုချိန် မင်းတို့တတွေ ထွက်ပြေးချင်ကြတယ်ဆိုရင် အာဆီယံအနေနဲ့ အကူအညီပေးဖို့အသင့်ပါပဲဆိုတဲ့ အတည်မပြုနိုင်သေးတဲ့သတင်းတွေ ကြားနေရတယ်။ မင်းတို့ကိုယ်တိုင်က အာဆီယံကို လော်ဘီလုပ်ပြီး တင်လိုက်ကြတဲ့သတင်းတွေလားတောင်မှ မပြောတတ်။ ဟုတ်တယ်လေ။ မင်ူတို့က အဲဒီလို ကလိန်စေ့ ငြမ်းဆင်ရမယ်ဆိုရင် တစ်ဖက်ကမ်းခတ်အောင် တတ်ကျွမ်းကြတယ် မဟုတ်ပါလား။ စခန်းအသိမ်းခံရတာကို ရွှေ့ပြောင်းလိုက်တာပါတို့၊ အတွင်းပိုင်း တိုက်ခိုက်ခံရရင် ဟထားပေးလိုက်တာပါတို့၊ တကယ်ကွာ။ မင်းတို့မို့ ရှာရှာဖွေဖွေ ပြောတတ်ပလေ။ အံ့သြပ။

မင်းတို့ရဲ့အဖြစ်က လိပ်ကို ပက်လက်လှန်ထားသလို ဖြစ်နေပါပြီကွာ။ ယက်ကန်ယက်ကန် ကြိုးစားလုပ်ကိုင်နေပေမဲ့လည်း ဘာမှဖြစ်လာနိုင်စရာ အကြောင်းမရှိတော့။ စခတွေသေဆုံးရတာလည်း ဗိုလ်မှူးချုပ်အဆင့်ထိ ရှိလာပြီ။ 

တကယ်တော့ အကြမ်းဖက်ခေါင်ဆောင် မ.အ.လ..ရေ။ မင်းတို့ရဲ့အဖြစ်က လိပ်ကို ပက်လက်လှန်ထားသလို ဖြစ်နေပါပြီကွာ။ ယက်ကန်ယက်ကန် ကြိုးစားလုပ်ကိုင်နေပေမဲ့လည်း ဘာမှဖြစ်လာနိုင်စရာ အကြောင်းမရှိတော့။ စခတွေသေဆုံးရတာလည်း ဗိုလ်မှူးချုပ်အဆင့်ထိ ရှိလာပြီ။ တပ်သားအဆင့်သေဆုံးတာကတော့ ရေတွက်ခြင်းငှာ မစွမ်းသာတော့။ လက်နက်ချအညံ့ခံသူတွေကို ပြည်သူ့ဆီအလင်းဝင်တယ်လို့ သုံးနှုန်းပြောဆိုနေကြပြီ။ အဲဒါကိုက မင်းတို့ကို ပြည်သူတွေက အကြမ်းဖက်အဖွဲ့အစည်းအဖြစ် သတ်မှတ်ထားကြလို့ပေါ့။

ခုဆို ထိုင်းက အောက်လွှတ်တော်အမတ်အများစုက သူတို့အစိုးရကို NUG နဲ့လည်းဆက်ဆံဖို့ တောင်းဆိုနေကြပြီ။ တရုတ်နိုင်ငံကလည်း မင်းတို့ခန့်အပ်ထားတဲ့ ကိုးကန့်ဒေသက ဥက္ကဌကို ဖမ်းဆီးပေးဖို့အပြင် လောင်းကစားနဲ့ရယူထားတဲ့ ငွေကြေးတွေကိုလည်း ပြန်လည်ပေးအပ်ဖို့ ဖိအားပေးတောင်းဆိုနေပြီမဟုတ်လား။ ပြီးတော့ သိန်းစိန်အစိုးရလက်ထက် သမဝန်ကြီးဌာနက ချေးယူထားတဲ့ငွေကိုလည်း သတ်မှတ်ကာလပြည့်ပြီမို့ အတိုးရောအရင်းပါ တောင်းခံနေပြီ။ မင်းအဖြစ်က မြွေပူရာ ကင်းမှောက်သလို အဖြစ်မျိုးပဲ။ ဘယ်လိုလဲ။ မင်းအရည်အချင်းနဲ့ မထိုက်တန်တဲ့ သမ္မတရာထူးမျှော်လင့်ခဲ့မှု အရသာဟာ ချိုမြိန်ပါသလား။

 ခုတော့ မင်းတို့က အရာရာရှုံးနိမ့်နေလေတော့ ပြည်သူကို ရန်သူလိုသဘောထားပြီး ဆက်ဆံတိုက်ခိုက်နေတော့တယ်။ အဲဒါကိုက မင်းတို့အနေနဲ့ အမှားသံသရာကို ကညွှတ်ကွင်း ကင်းလျှောက်သလို ဖြစ်နေတော့တာ။

ဒါပေမဲ့ မင်းတို့ကတော့ လက်နက်အားကိုးနဲ့ အရာရာကို တည်ဆောက်ဖန်တီးနိုင်လိမ့်မယ်လို့ ယုံကြည်ယူဆထားဟန်တူပါရဲ့။ တကယ်တော့ တောတွင်းကိုဓဥပဒေဟာ လူ့သမိုင်းမှာ ရာစုနှစ်ချီကျန်နေရစ်ခဲ့ပါပြီကွာ။ ခုတော့ မင်းတို့က အရာရာရှုံးနိမ့်နေလေတော့ ပြည်သူကို ရန်သူလိုသဘောထားပြီး ဆက်ဆံတိုက်ခိုက်နေတော့တယ်။ အဲဒါကိုက မင်းတို့အနေနဲ့ အမှားသံသရာကို ကညွှတ်ကွင်း ကင်းလျှောက်သလို ဖြစ်နေတော့တာ။ နှုတ်စကားကတော့ဗျာ။ ခရစ်စမတ်ကာလမှာ ငြိမ်းချမ်းရေးဆိုတာ မေတ္တာထားရှိနိုင်မှ ရရှိနိုင်မယ်ဆိုပါလား။ ခွေးပါးစပ်က နတ်စကားထွက် ဆိုတာလိုပေါ့လေ။

ဒီမှာ။ လက်တွေ့အနေအထားတွေအရ။ အကြမ်းဖက်ခေါင်ဆောင် မ.အ.လ..ရေ။ မင်းတို့သက်တမ်းဟာ ၄နှစ်ရာသီထိ ရှည်ကြာတော့မယ်မဟုတ်ပေဘူး။ မင်းတို့အနေနဲ့ ထွက်ပြေးကြမယ်လား။ ကြိုးစင်တက်ကြမလားဆိုတာကိုပဲ စဥ်းစားပြင်ဆင်ထားဖို့ လိုအပ်တော့ကြောင်းပါ။
~~~~

ဒေါင်းနီ