မကွေးတိုင်း၊ ရေစကြိုမြို့နယ်၊ မင်းရွာ အခြေစိုက်စစ်တပ်ကို ဒရုန်းနဲ့  (၂)ရက်ဆက်တိုက် ဗုံးကြဲခဲ့ရာ စစ်သား (၁၀)ဦး သေဆုံးခဲ့ကြောင်း သိရပါတယ်။

ဒီဇင်ဘာ (၂၆)ရက်နဲ့ (၂၇)ရက်တို့မှာ မင်းရွာအခြေစိုက် စစ်တပ်ကို ဗုံးအလုံး (၂၀)ကြဲချခဲ့ခြင်း ဖြစ်ပြီး ဒဏ်ရာရ စစ်သားတွေလည်း များကြောင်း ခိုင်လုံတဲ့သတင်းရင်းမြစ်ကနေ သတင်းရရှိတယ်လို့ စစ်ကိုင်းခရိုင်အမှတ် (၄)တပ်ရင်း-MSPDF က သတင်းထုတ်ပြန်ပါတယ်။

“မင်းရွာဆိုတာ ပျူရွာပါ။ အဲမှာ စစ်သားတွေက ဘုန်းကြီးကျောင်းမှာ စခန်းချထားတာ။ ဗုံးချတာက ဘုန်းကြီးကျောင်းထဲရော သူတို့ကင်းစခန်း ၂နေရာရောပဲ” လို့ ရေစကြိုပလဖ ရဲဘော်တစ်ဦးက ပြောပါတယ်။

မင်းရွာမှာ စစ်သား၊ရဲနဲ့ ပျူစောထီး စုစုပေါင်း (၅၀)ကျော် ရှိကြောင်း သိရပါတယ်။

အဲဒီတိုက်ခိုက်မှုကို စစ်ကိုင်းခရိုင် အမှတ်(၄)တပ်ရင်း-MSPDF/MSDF၊Anyar Federal Task Force(A F T F)၊ Super Fighter Pdf (ရေစကြို)၊ ရေစကြိုမြိုနယ် ပြည်သူ့လုံခြုံရေး တပ်ဖွဲ (ပလဖ)၊ Independence Army –IA၊ ညောင်ဦးခရိုင်၊ တပ်ရင်း (၅)၊ တပ်ခွဲ-၂ ရဲဘော်ညီနောင် ပြောက်ကျားတပ်ဖွဲ့၊ ညောင်ဦးခရိုင် တပ်ရင်း (၅)၊ မြင်းခြံခရိုင် အမှတ်(၈)တပ်ရင်း-NRDF၊ မိတ္ထီလာခရိုင်အမှတ်(၃)တပ်ရင်းနဲ့ Chauk PDF တို့ ပူးပေါင်းလုပ်ဆောင်ခြင်း ဖြစ်ပါတယ်။

~~~~~~~~~~~~~ 

ကိုထက်