မကွေးတိုင်း၊ မြိုင်မြို့နယ်၊ နှမ်းဆီကန်ရွာသို့ ရောက်ရှိလာတဲ့ အကြမ်းဖက်စစ်ကြောင်းကို ပေပါမိုင်းကြီးနဲ့ တိုက်ခိုက်ခဲ့ရာ စစ်သားအနည်းဆုံး (၆)ဦး သေဆုံးကြောင်း သိရပါတယ်။

ဒီဇင်ဘာ (၁၉)ရက် ညနေပိုင်းက မြိုင်မြို့နယ်၊ တွင်းမပျူစောထီးရွာကနေ ထွက်လာတဲ့ စစ်ကြောင်း နှမ်းဆီကန်ရွာသို့ရောက်ရှိပြီး ပြည်သူ့ရိက္ခာတွေ စားသောက်နေခိုက် ကင်းတိုထွက်လာစဉ် မြိုင်ပကဖထောင်ထားတဲ့ ပေပါမိုင်းနဲ့ တိုက်ခိုက်ခဲ့ကြောင်း မြိုင်ပကဖ က သတင်းထုတ်ပြန်ပါတယ်။

စစ်သားအနည်းဆုံး (၆)ဦး သေဆုံးမှုနဲ့ (၁၀)ဦးကျော် ပြင်းထန်ဒဏ်ရာရတာကို ဒရုန်း မှတ်တမ်းအရ သိရတယ်လို့ ဆိုပါတယ်။

မြိုင်မြို့နယ်အတွင်းရှိ စစ်တပ်စခန်းတွေဆီ ရိက္ခာလာပို့တဲ့ စစ်ယာဉ်တန်းဟာ ရှေ့ဆက် မတက်နိုင်ဘဲ ဖြစ်နေရာ ပြည်သူတွေကို အတင်းအဓမ္မဖမ်းဆီးကာ လူသားဒိုင်းအဖြစ် ခေါ်ယူခြင်း၊ ပြည်သူ့အိုးအိမ်တွေကို မီးရှို့ဖျက်ဆီးခြင်းစတဲ့ စစ်ရာဇဝတ်မှုတွေကို ဆက်တိုက်ကျူးလွန်နေပြီး ၊ လေယာဉ်ပစ်ကူခေါ်ကာ စစ်ရေးပစ်မှတ်မဟုတ်ဘဲ အများပြည်သူနေထိုင်ရာ ကျေးရွာတွေဆီ ရမ်းသန်းပစ်ခတ်နေကြောင်း မြိုင်ပကဖ ကဆိုပါတယ်။

ပြည်သူတွေအနေနဲ့ စစ်ကြောင်းသတင်းကို အမြဲနားစွန့်နေပြီး အန္တရာယ်ကင်းအောင် နေကြဖို့ မြိုင်-ပကဖက ထပ်မံတိုက်တွန်းပါတယ်။

အဲဒီမိုင်းဆွဲတိုက်ခိုက်မှုကို မြိုင် ပကဖ ၊ တပ်ရင်း(၂/၆/၇/၁၇)၊ မြိုင်ပကဖ အဖွဲဝင်တွေဖြစ်တဲ့ တပ်ရင်း(၁)- တပ်ခွဲ-၁ ၊ တပ်ခွဲ-၂ ၊ Myaing Warriors တပ်ဖွဲ့ ၊  အလင်းတန်းပြောက်ကျား တပ်ဖွဲ့ ၊ MRDFတပ်ဖွဲ့ နဲ့  KMDF -ကမ္မကာကွယ်ရေးတပ်ဖွဲ (ကမ္မတပ်ပေါင်းစု)တို့  ပူးပေါင်းလုပ်ဆောင်ခဲ့ခြင်း ဖြစ်ပါတယ်။

~~~~~~~~~~~~ 

ကိုဦး