နွေဦး‌တော်လှန်ရေးရဲ့ လက်ရှိအခြေအနေကို ပိုသိ ပိုမြင်နိုင်သူတွေက သေနတ်ချင်းယှဥ်ပစ်နေကြသူတွေ ဖြစ်ပါတယ်။ ဘယ်သူနိုင်လို့ ဘယ်သူရှုံးမယ်ဆိုတာကို ကွက်ကွက်ကွင်းကွင်း ကြည့်နေကြရသလို မြင်သာလွန်းနေတာကို သူတို့တွေက ပိုသိ ပိုခံစားမိကြမှာပါ။ စစ်ပွဲတစ်ပွဲမှာ အနိုင်ရဖို့အတွက် အကြောင်းအချက်တွေ များစွာ ရှိပါတယ်။ ဒီအထဲကမှ စိတ်ဓာတ်ရေးရာ သဘောတရားတစ်ခု ဖြစ်တဲ့ "အောင်စိတ်" မွေးမြူနိုင်သူတွေသာ အနိုင်ရအောင်ပွဲခံကြရမှာ ဖြစ်ပါတယ်။ တစ်ဆင့်တက်ပြောရရင် ပြည်သူကို အနိုင်ကျင့်နေသူနဲ့ ငုံ့မခံလိုတဲ့ ပြည်သူတို့ရဲ့တိုက်ပွဲမှာ ပြည်သူ့အောင်ပွဲသည်သာ ဆိုက်ရောက်ရမှာ ဖြစ်ပါတယ်။

တစ်တိုင်းပြည်လုံး အဓမ္မပြုကျင့်ခံနေရပါလားဆိုတာကို ခေါင်းပါပါ မစဥ်းစားနိုင်ရှာဘဲ အလိုက်သင့် ရောယိမ်းချင်သူတွေက လွဲလို့ ဖက်ဆစ်တပ်ကို စိတ်အနာကြီးနာရကောင်းမှန်း သိသွားကြပြီး ဘ၀တွေကို ဖောင်ဖျက်ကာ အဆုံးစွန်ထိ တော်လှန်နေတဲ့အခြေအနေ ဖြစ်ပါတယ်။

ပြည်သူဆိုတဲ့ထဲမှာ မအလဖက်ဆစ်အုပ်စုကြီးကို ဘုမသိ ဘမသိ အလုပ်အကျွေးပြုနေကြရတဲ့ အောက်ခြေက အရာရှိ အရာခံ အကြပ်တပ်သားတွေလည်း အကုန်ပါပါတယ်။ ဒီနေရာမှာ သူတို့တွေဟာ သူတို့ရဲ့ မျိုးဆက်တွေရဲ့ အနာဂတ်ကို ထည့်စဥ်းစားဖို့ မေ့လျော့နေကြတယ်။ နွေဦးတော်လှန်ရေးကြီး ပြီးသွားရင် သူတို့တွေရဲ့ဘဝကို အခြားသောပြည်သူတွေနဲ့အတူ ကုန်လွန်ခဲ့ပြီးတဲ့ အတိတ်ကာလတွေတုန်းကလို ရောထွေးရှင်သန်ခွင့်ရမယ်လို့ ထင်နေပုံရတယ်။ နွေဦးအပြီးမှာ အဲသလို စိတ်ထားတွေနဲ့ နေသွားနိုင်ကြဖို့ဆိုတဲ့ တော်၏ လျော်၏ အခြေအနေဟာ ဖြစ်မလာနိုင်တော့ပါဘူး။ အခုသွားနေတဲ့ နွေဦးတော်လှန်ရေးရဲ့ အနှစ်သာရ ပိုင်းတိုင်က “ခေတ်ပြောင်းတော်လှန်ရေး” ဖြစ်ပါတယ်။ ပြောရရင် တစ်တိုင်းပြည်လုံး အဓမ္မပြုကျင့်ခံနေရပါလားဆိုတာကို ခေါင်းပါပါ မစဥ်းစားနိုင်ရှာဘဲ အလိုက်သင့် ရောယိမ်းချင်သူတွေက လွဲလို့ ဖက်ဆစ်တပ်ကို စိတ်အနာကြီးနာရကောင်းမှန်း သိသွားကြပြီး ဘ၀တွေကို ဖောင်ဖျက်ကာ အဆုံးစွန်ထိ တော်လှန်နေတဲ့အခြေအနေ ဖြစ်ပါတယ်။ သည်တော့ လက်ရှိကြုံနေရတဲ့ ရုန်းကန်ရမှု အခြေအနေတွေ သက်သာပြေလျော့သွားပြီးတဲ့အခါ လိပ်ပြာသန့်သန့်နဲ့ ဆက်လက်ရှင်သန်နိုင်ကြဖို့ဆိုရင် နွေဦးကာလမှာ သင် ဘယ်လိုနေထိုင်ရပ်တည်ခဲ့သလဲ ဆိုတဲ့မေးခွန်းကို လူတိုင်းဖြေကြရမှာ ဖြစ်ပါတယ်။ အနိမ့်ဆုံးတော့ ကိုယ့်ကိုယ်ကိုယ် မေးခွန်းထုတ်ပြီး လိပ်ပြာသန့်ကြရမှာပါပဲ။

ဒီနေရာမှာ အထူးအလေးထားပြောချင်တာက ဖက်ဆစ်အကြမ်းဖက်တပ်မှာ လက်နက်အားကိုးပြီး အပြစ်မဲ့ပြည်သူလူထုအပေါ်  မီးရှို့ သတ်ဖြတ် ညှဥ်းပမ်းခဲ့ကြသူတွေကို ဖြစ်ပါတယ်။ တကယ်တမ်းတော့ ဖက်ဆစ်တပ်မှာ အထက်ကနေ အောက်ခြေအဆင့်ထိသော အရာရှိ အရာခံ အကြပ်တပ်သား အဆင့်ဆင့်ဟာ ပြည်သူလူထုအကျိုးကို ဘယ်တုန်းကမှ အကာအကွယ်ပေးတဲ့ အလုပ်ကို လုပ်ခဲ့ကြတာ မဟုတ်ပါဘူး။ ညာလှိုင်းကာ အမိန့်ပေးစေခိုင်းသူ လက်တစ်ဆုပ်စာ အန္ဓတစ်စုရဲ့ အကျိုးစီးပွားကိုသာ ဘုမသိဘမသိနဲ့ စေသည့် ကျွန်၊ ထွန်သည့် နွားလို ရုန်းကာ ကာကွယ်နေကြရတာပါ။ ဒီကြားထဲမှာ မက်လုံးဆိုလို့ လူသတ် ပြန်ပေးဆွဲ ဓားပြဂိုဏ်းပမာ ပြုကျင့်လို့ရလာတဲ့ အပြစ်မဲ့ပြည်သူတွေရဲ့ သွေးတွေ စွန်းပေနေတဲ့ ဥစ္စာငွေကြေးဓနတွေပဲ ရှိပါတယ်။ ထဘီစုတ်ခိုးပြီးမှ ဘိန်းရှူရတဲ့ ဘိန်းစားသူခိုးလောက်တောင် သိက္ခာမရှိတဲ့ အဖြစ်အပျက်တွေ များစွာ ဖြစ်ခဲ့ပြီး ဖြစ်ပါတယ်။ 

ဒဏ်ရာရပြီး သေအံ့မူးမူး ဖြစ်နေချိန်ထိတောင် စစ်ကူမလာနိုင်တော့တဲ့ အခြေအနေကို သိသင့်ကြပါပြီ။ လင်ယောက်ျား ‌ရှေ့တန်းမှာ ကျသွားလို့ ဖိတ်စာရိုက်ပြီး ရက်လည်ဆွမ်းတောင် ရဲရဲ၀ံ့၀ံ့ မသွတ်နိုင်တဲ့ အခြေအနေကို သိသင့်ကြပါပြီ။ ဒီဖက်ဆစ်တပ်ကြီးကို တမ်းတဖက်တွယ်ထားရင်တော့ ငါတို့ဟာ တိရစ္ဆာန်တစ်ကောင်လောက်တောင် တန်ဖိုးမရှိနိုင်တော့ဘူးဆိုတာ သိသင့်ကြပါပြီ။

ဒီလို သိက္ခာမဲ့ခဲ့တဲ့ အဖြစ်အပျက်တွေရဲ့ တရားခံအဖြစ်နဲ့ ဆက်လက်ရှင်သန်နေမယ်ဆိုရင် နောင်တစ်ချိန် မြန်မာပြည်ထဲ ရှင်ကျန်ခဲ့မယ့် မိမိတို့ရဲ့ သားသမီး မြေးမြစ်တွေရဲ့ လိပ်ပြာဟာ သန့်နိုင်ပါတော့မလား။ အင်မတန် စဥ်းစားတွေးတောသင့်တဲ့ကိစ္စလို့ ထင်ပါတယ်။ တစ်နေရာရာ တစ်ချိန်ချိန်မှာ မောင်ဘယ်သူရေ မဘယ်ဝါရေ မင်းတို့ရဲ့ မိဘများက ဘာအလုပ်အကိုင်တွေ လုပ်ခဲ့ကြသူတွေလဲ ဆိုတဲ့ မေးခွန်းကို ရင်ဆိုင်ကြရမှာပါ။ ဒီအခါ ကျနော် ကျမရဲ့ အဖေက စစ်ဗိုလ်ကြီးပါ၊ စကစခေတ်မှာ ကြွယ်ဝချမ်းသာခဲ့တဲ့ သူဌေးကြီးပါလို့ ပြောနိုင်ဝံ့ကြလေမလား။ ဒီမေးခွန်းကို မလွဲမသွေ ကြုံကြရမှာပါ။ ဒါတွေဟာ လူ့လောကမှာ လူအဖြစ်ကို ဘယ်လိုရှင်သန်ခဲ့တယ်ဆိုတဲ့ "အရေးပါတဲ့ ဂုဏ်ရည်" တစ်ခု ဖြစ်ပါတယ်။ အဲသည်လို ကြုံကြရချိန်မှာ အမွေဆိုးတွေအဖြစ်ပဲ မိမိသားသမီးတွေကို ပေးခဲ့မှာလားဆိုတဲ့ မေးခွန်းကို ခင်ဗျားတို့ ကြပ်ကြပ်စဥ်းစားသင့်ကြပြီး လုပ်သင့်တာလုပ်ဖို့ တစ်ခုပဲ ရှိပါတော့တယ်။ ပြင်ဆင်နိုင်ခွင့်အချိန် အခိုက်အတန့်လေးမှာ ပြည်သူ့ဘက် ပြောင်းဖို့ပဲ ရှိပါတော့တယ်။ ဒဏ်ရာရပြီး သေအံ့မူးမူး ဖြစ်နေချိန်ထိတောင် စစ်ကူမလာနိုင်တော့တဲ့ အခြေအနေကို သိသင့်ကြပါပြီ။ လင်ယောက်ျား ‌ရှေ့တန်းမှာ ကျသွားလို့ ဖိတ်စာရိုက်ပြီး ရက်လည်ဆွမ်းတောင် ရဲရဲ၀ံ့၀ံ့ မသွတ်နိုင်တဲ့ အခြေအနေကို သိသင့်ကြပါပြီ။ ဒီဖက်ဆစ်တပ်ကြီးကို တမ်းတဖက်တွယ်ထားရင်တော့ ငါတို့ဟာ တိရစ္ဆာန်တစ်ကောင်လောက်တောင် တန်ဖိုးမရှိနိုင်တော့ဘူးဆိုတာ သိသင့်ကြပါပြီ။

 ရှုံးမယ်မှန်းသိသိကြီးနဲ့ ဇွတ်တိုးမိုက်ကြပြီး အလံဖြူတောင် မပြနိုင်အောင် သေတွင်းနက်နက်တူးသွားကြသူတွေကို အားကျနေသေးရင်တော့ ခင်ဗျားတို့ရဲ့ အလိုအတိုင်းပါပဲ။ နောင်တဆိုတဲ့ စကားလုံး ခေါင်းထဲ ရှိသေးသူတွေမှာတော့ နောက်ဆုံးအဆင့် အလံဖြူပြ လက်နက်ချလို့ရနိုင်ပါသေးတယ်။ 

နောင်တဆိုတာ နောင်မှရတတ်ပါတယ်။ ရှုံးမယ်မှန်းသိသိကြီးနဲ့ ဇွတ်တိုးမိုက်ကြပြီး အလံဖြူတောင် မပြနိုင်အောင် သေတွင်းနက်နက်တူးသွားကြသူတွေကို အားကျနေသေးရင်တော့ ခင်ဗျားတို့ရဲ့ အလိုအတိုင်းပါပဲ။ နောင်တဆိုတဲ့ စကားလုံး ခေါင်းထဲ ရှိသေးသူတွေမှာတော့ နောက်ဆုံးအဆင့် အလံဖြူပြ လက်နက်ချလို့ရနိုင်ပါသေးတယ်။ လူ့ဘဝရဲ့နောက်ဆုံးနေ့ရက်တွေထိ ဒီထက်ပိုတဲ့ လူ့ဂုဏ်သိက္ခာနဲ့အညီ နေထိုင်ရှင်သန်ခွင့်ရချင်သေးရင်တော့ CDM လုပ်ပြီး မနှေးအမြန်သာ ဘက်ပြောင်းလိုက်ကြပါ။ ဒါဆိုရင် နောက်တန်းမှာ ကျန်ခဲ့တဲ့ မိသားစုတွေရဲ့ ဂုဏ်သိက္ခာကိုပါ ဆယ်ပြီးသား ဖြစ်သွားနိုင်ပါတယ်။ 

ဒါ့အပြင် မြန်မာပြည်ကြီး အရှည်တည်တံ့နေသရွေ့ ဂုဏ်သရေ ထွန်းပြောင်ပြီး သမိုင်းတွင်ကျန်ရစ်ကာ သူရဲကောင်းဖြစ်စေမယ့် နည်းလမ်းလည်း ရှိပါသေးတယ်။ အဲဒါက မိမိရဲ့ သေနတ်ပြောင်းကို ဘက်ပြောင်းလှည့်ဖို့ပဲ ဖြစ်ပါတယ်။ တပ်ရင်း၊ တပ်မ၊ စစ်တိုင်း အသီသီးက လျှာအရိုးမရှိ ထင်သလို ရမ်းကား အမိန့်ပေးစေခိုင်းသူတွေကို လက်ညှိုးတစ်ချက်ကွေးလေး ပြုပေးရုံပါပဲ။ အဲဒီလို ပြုနိုင်ရင် အပြန်အလှန် ပစ်ကြခတ်ကြလို့ ကုန်ကျမယ့် ကျည်ဆန်ဖိုးလည်း သက်သာသွားမယ်၊ လူ့အသက်တွေလည်း စတေးခံရမှု အများကြီး လျော့သွားနိုင်မယ် ဖြစ်ပါတယ်။ ဒါ့အပြင် ဘယ်ဗိုလ်ချုပ်၊ ဘယ်တပ်မမှူးကို လုပ်ကြံလိုက်တယ်ဆိုတဲ့ ပြည်သူ့တော်လှန်ရေး ဘက်တော်သား သူရဲကောင်းအဖြစ်လည်း သမိုင်းတွင်ကျန်ရစ်အုံးမှာ ဖြစ်ပါတယ်။

ဖက်ဆစ်တပ်ဘက်မှာ တပ်သားသစ် စုဆောင်းလို့ မရနိုင်တော့တဲ့ အခြေအနေ ဖြစ်လာခြင်းပါပဲ။ စိတ်ဓာတ်ရေးရာ ပြိုကွဲကျဆင်းလာတဲ့ အောက်ခြေ တပ်ရင်းတပ်ဖွဲ့တွေဟာ အခြေအနေပေးရင် လစ်ဖို့ချောင်းနေကြသူတွေချည်း ဖြစ်လာပါတယ်။ 

အခုအခါမှာ ဖက်ဆစ်တပ်ဟာ မြို့ကြီးတွေကိုပဲ အာရုံစိုက်ကာ ခံစစ်ပြင်နေရတဲ့ အနေအထား ဖြစ်သွားပါပြီ။ ဒေသအသီးသီးက တော်လှန်ရေးတပ်တွေ ပေါင်းစုပြီး စခန်းသိမ်းတိုက်ပွဲတွေ ဆင်နွှဲလာရင် ကြည်းကြောင်းက စစ်ကူထောက်ပံ့ပေးနိုင်တဲ့ အခြေအနေ မရှိတော့ပါဘူး။ ရဟတ်ယာဥ်လောက်နဲ့ပဲ ကူနိုင်တော့တဲ့ အနေအထား ဖြစ်သွားပါပြီ။ နောက်တစ်ချက်က ဖက်ဆစ်တပ်ဘက်မှာ တပ်သားသစ် စုဆောင်းလို့ မရနိုင်တော့တဲ့ အခြေအနေ ဖြစ်လာခြင်းပါပဲ။ စိတ်ဓာတ်ရေးရာ ပြိုကွဲကျဆင်းလာတဲ့ အောက်ခြေ တပ်ရင်းတပ်ဖွဲ့တွေဟာ အခြေအနေပေးရင် လစ်ဖို့ချောင်းနေကြသူတွေချည်း ဖြစ်လာပါတယ်။ အခြေအနေ မပေးလို့၊ စည်းကမ်းတင်းကြပ်လွန်းလို့ လစ်ချင်လျက် လစ်ခွင့်မသာသေးသူတွေကိုလည်း အလေးထား ပြောချင်ပါတယ်။ မိမိရဲ့ တပ်ရင်းတပ်ဖွဲ့က အမိန့်ပေးသူကို ပြောင်းလှည့်ပစ်ခတ်ဖို့ပဲ ဖြစ်ပါတယ်။ အဲသလို လုပ်လိုက်ခြင်းအားဖြင့် ပြုခဲ့တဲ့ အမှားတွေကို ဆေးကြောနိုင်မှာ ဖြစ်ပါတယ်။ ဒါ့အပြင် သူရဲကောင်းအဖြစ်လည်း ၀မ်းပန်းတသာနဲ့ ပြည်သူလူထုကြီးတစ်ရပ်လုံးက ကြိုဆိုဂုဏ်ပြုကြမှာ ဖြစ်ပါတယ်။

သည်တော့ တအိအိပြိုလဲကာ ကျဆုံးခြင်းဆီ ဦးတည်နေပြီဖြစ်တဲ့ တိုင်းပြည်ကို ဖျက်ဆီးနေသူ ဖက်ဆစ်တပ်ကြီးနဲ့အတူ မျောပါမသွားချင်သူတွေဟာ ပြည်သူ့ဘက်ကို ပြောင်းကြစေချင်ပါတယ်။ ပြောင်းနိုင်ခွင့်မသာသူတွေကလည်း ပြောင်းလှည့်ခြင်းနဲ့ သူရဲကောင်းဖြစ်ခွင့် ရှိပါကြောင်း ဆော်သြော်လိုက်ရပါတယ်။

~~~~

နွေဦးစင်ရော်