ဖက်ဆစ်အုပ်စုဟာ သူ့ဘာသာ ထီးတည်း မရပ်တည် မရှင်သန်နိုင်ကြပါဘူး။ ပြည်သူလူထုကို ရန်သူလို ကျင့်ကြံတတ်​ပေမဲ့ သူတို့မှာ အ​ကြောက်တရားဆိုက်လာပြီဆိုရင်​တော့ ပြည်သူကိုပဲ ပြန်အကာအကွယ်ပြုဖို့ ကြိုးစားတတ်ကြတယ်။ ပြည်သူကို အားကိုးလို့​တော့ မဟုတ်ပါဘူး။ ပြည်သူကို တံတိုင်းကာ ခံကတုပ်လုပ်ပြီး ယုတ်မာဖို့သာ ဖြစ်ပါတယ်။ အထူးသဖြင့် ရန်ကုန်လို မြို့ပြမှာ ဖက်ဆစ်အုပ်စုဟာ ​သေနတ်မပါဘဲ မသွားလာရဲပါဘူး။ ယူနီ​ဖောင်းဝတ်၊ ​သေနတ်ကြီးတကားကားနဲ့​တောင်မှ ကားနှစ်စီးသုံးစီး အုပ်စုဖွဲ့ပြီးမှသာ သွားလာဝံ့ကြပါတယ်။ သွားရင်းလာရင်း လမ်းပိတ်လို့ ကားကျပ်တဲ့အခါ လမ်း​ပြောင်းပြန်​မောင်းပြီး သုတ်​ခြေတင်ကြပါတယ်။ အများနည်းတူ ပိတ်​နေတဲ့ကားတန်းကြားမှာ ကြာကြာမရပ်ရဲကြပါဘူး။ ဘယ်အချိန် ဘယ်​နေရာက ဒရုန်း​တွေ ပျံသန်း​ရောက်ရှိလာမလဲဆိုတာကို မသိနိုင်ဘူး မဟုတ်လား။ သည်​တော့ လူ​နေထူထပ်တဲ့ ကြားမှာ ဖက်ဆစ်အုပ်စုဟာ ကျီးလန့်စာစားရသလို မျက်ကလူးဆန်ပြာ ဖြစ်​နေကြရရှာတယ်။

လူငယ်လူရွယ် ​ယောက်ျား​လေး​တွေကို ဖမ်းဆီးပြီး ပြန်​ပေးဆွဲ ​ငွေညှစ်တာမျိုးကို ခပ်စိပ်စိပ်လုပ်လာကြတယ်။ ​ပြောရရင် ထင်သလို ရမ်းကားခွင့်ကို အမိန့်ရသဖွယ် ပြု​နေကြတယ်။

အခုရက်ပိုင်း​တွေမှာဆိုရင် လူမြင်သူမြင် ​နေ့လယ်ခင်း​တောင် မ​ရှောင်နိုင်​တော့ဘူး။ လူငယ်​တွေအများစု စု​ဝေးရာ ​ရှော့ပင်း​မော​တွေ၊ လှည်းတန်းလို ​နေရာ​တွေမှာ ဖုန်း​တွေစစ် အိတ်​တွေစစ်နဲ့ ​ကြောက်ရမ်းရမ်း​နေကြတယ်။ အချို့​နေရာမှာ လက်ဖက်ရည်ဆိုင်ထဲထိ ​နေ့ခင်း​ကြောင်​​တောင် ဝင်ဆွဲ​နေတယ်။ လူငယ်လူရွယ် ​ယောက်ျား​လေး​တွေကို ဖမ်းဆီးပြီး ပြန်​ပေးဆွဲ ​ငွေညှစ်တာမျိုးကို ခပ်စိပ်စိပ်လုပ်လာကြတယ်။ ​ပြောရရင် ထင်သလို ရမ်းကားခွင့်ကို အမိန့်ရသဖွယ် ပြု​နေကြတယ်။ လူငယ်ထုအ​နေအထိုင်များတဲ့ ရပ်ကွက်​တွေ၊ မြို့နယ်​တွေကို ဧည့်စာရင်း မကြာခဏစစ်ရင်း အ​ကြောင်းရှာ ဖမ်းဆီးတာ​တွေလည်း ခပ်စိပ်စိပ်လုပ်လာပါတယ်။ ညဦးပိုင်းတင် လူသူကျဲပါးသွားတဲ့ လမ်းမကြီး​တွေ​ပေါ်မှာ တင့်ကား​တွေ​မောင်းပြပြီး ဟန်​ရေးပြ​ကြတယ်။ တရိပ်ရိပ် နီးကပ်လာတဲ့ ​နွေဦး​အောင်သံဟာ မြို့ပြ​တွေဆီ ချဥ်းကပ်လာ​နေပြီဖြစ်​ကြောင်းကို ပြည်သူ​တွေသိ​အောင် ဖက်ဆစ်အုပ်စုဟာ ခံစစ်ပြင်ရင်း ပုံ​ဆောင်​ပြနေတာနဲ့ တူ​နေ​သေး​တော့တယ်။

နိုင်ငံတဝန်းမှာ လက်နက်ကိုင်အဖွဲ့ပေါင်းစုံနဲ့ ရင်ဆိုင်​နေရတဲ့ တိုက်ပွဲ​တွေတိုင်း အရေးမလှဖြစ်နေချိန် အရပ်ဘက်အဆောက်အအုံများကိုပါ စစ်ရေးပစ်မှတ်အဖြစ် သတ်မှတ်တိုက်ခိုက်မယ်လို့ စစ်ကောင်စီဟာ ပါးစပ်က ထုတ်ပြောလာရတဲ့အထိ ​ကြောက်ကန်ကန်လာ​နေပြီ ဖြစ်ပါတယ်။

အရပ်ဘက်အဆောက်အအုံများအတွင်းမှနေ သူတို့ကို ပစ်ခတ်ခဲ့ပါက ထိုနေရာကို စစ်ရေးပစ်မှတ်အဖြစ် ပြောင်းလဲသတ်မှတ်မယ်လို့ စစ်ကောင်စီ၏ ဝါဒဖြန့်ချိရေးခေါင်းဆောင် ဗိုလ်ချုပ်ဇော်မင်းထွန်းက နိုဝင်ဘာ ၃၀ ရက်နေ့က ​ပြောသွားပါတယ်။

နိုင်ငံတဝန်းမှာ လက်နက်ကိုင်အဖွဲ့ပေါင်းစုံနဲ့ ရင်ဆိုင်​နေရတဲ့ တိုက်ပွဲ​တွေတိုင်း အရေးမလှဖြစ်နေချိန် အရပ်ဘက်အဆောက်အအုံများကိုပါ စစ်ရေးပစ်မှတ်အဖြစ် သတ်မှတ်တိုက်ခိုက်မယ်လို့ စစ်ကောင်စီဟာ ပါးစပ်က ထုတ်ပြောလာရတဲ့အထိ ​ကြောက်ကန်ကန်လာ​နေပြီ ဖြစ်ပါတယ်။ သို့​ပေမဲ့လို့ ဒီ့မတိုင်ခင်ကတည်းက ဖက်ဆစ်အုပ်စုဟာ သူတို့လုပ်ထုံးလုပ်နည်းအတိုင်း လူ​နေအိမ်နဲ့ ပြည်သူလူထုကို မီးရှို့၊ ​လေယာဥ်နဲ့ ဗုံးကြဲခြင်းနဲ့သာ ယုတ်မာခဲ့တာ ဖြစ်ပါတယ်။ ၁၀၂၇ စစ်ဆင်​ရေး စတင်မှ ပြုမူလာတာမဟုတ်ပါဘူး။

အရပ်သားအများအပြားသေဆုံးရတဲ့ ဖြစ်စဉ်နဲ့ ပတ်သက်လို့ စစ်ရေးအရ တုံ့ပြန်ခြင်းလို့ ဖက်ဆစ်တပ်က လျှာအရိုးမရှိတဲ့အတိုင်း လိမ်ချင်တိုင်း လိမ်လည်ကာ အကြောင်းပြလေ့ရှိပါတယ်။ 

အာဏာသိမ်းပြီးနောက် ဒေသအနှံ့မှ လက်နက်ကိုင်တော်လှန်သူများကို ဖိနှိပ်ဖြိုခွင်းရာမှာ ဖက်ဆစ်တပ်က အရပ်ဘက်အဆောက်အအုံများသာမက ဘာသာရေးအဆောက်အအုံများကိုပါ ပစ်ခတ်ဖျက်ဆီးလေ့ရှိပါတယ်။ အရပ်သားအများအပြားသေဆုံးရတဲ့ ဖြစ်စဉ်နဲ့ ပတ်သက်လို့ စစ်ရေးအရ တုံ့ပြန်ခြင်းလို့ ဖက်ဆစ်တပ်က လျှာအရိုးမရှိတဲ့အတိုင်း လိမ်ချင်တိုင်း လိမ်လည်ကာ အကြောင်းပြလေ့ရှိပါတယ်။ 

ဖက်ဆစ်အုပ်စု​ဟာ ဘာသာ​ရေးအ​ဆောက်အအုံ​တွေဖြစ်တဲ့ ဘုန်းကြီး​ကျောင်းလို၊ ဓမ္မာရုံ​တွေမှာ၊ လူ​နေရပ်ကွက်​တွေနဲ့ နီးကပ်တဲ့ စာသင်​ကျောင်း​တွေမှာ ​ပေါ်​ပေါ်ထင်ထင် အခိုင်အမာ တပ်စွဲခြင်း ပြုလာ​နေပြီဖြစ်ပါတယ်။ အာဏာသိမ်းခါစက မြို့​ပေါ်ကို ဖက်ဆစ်တပ်​တွေ ဝင်စီးတဲ့ပုံအတိုင်း ပြန်လုပ်လာတာ ဖြစ်ပါတယ်။ မြို့​ပေါ်က တချို့တပ်ရင်း​တွေမှာ မိသားစု​တွေကို မထား​တော့ဘဲ လူ​နေရပ်ကွက်​တွေထဲ​ ရွှေ့​ပြောင်း​နေကြတာမျိုး ရှိလာတယ်။ တပ်ရင်းရဲ့ အနီးဝန်းကျင်မှာရှိတဲ့ ဓါတ်ဆီဆိုင်ကို ​ရွှေ့​ပြောင်းခိုင်းတာမျိုး​တွေ လုပ်လာပါတယ်။ ပစ်ခတ်ထိခိုက်မှု​ကြောင့် အလွယ်တကူ ​ပေါက်ကွဲ​ပြီး သူတို့​သေတွင်း ဖြစ်သွားမှာစိုးရိမ်ပူပန်လို့ ဖြစ်ပါတယ်။

 ဖက်ဆစ်အုပ်စုဟာ သူတို့အ​ပေါ် အလိုမတူတဲ့ ပြည်သူကြားထဲကို အတင်းအဓမ္မ တိုးဝင်လာ​နေကြပြီ ဖြစ်ပါတယ်။ ပြည်သူကို ကာကွယ်ဖို့​တော့ အလျဥ်းမဟုတ်ပါဘူး။ ပြည်သူကို တံတိုင်းလုပ်ဖို့သာလျှင် ဖြစ်ပါ​ကြောင်း။

ရန်ကုန်တိုင်းအတွင်းရှိ မြို့နယ်​တော်​တော်များများက စာသင်​ကျောင်း​တွေမှာ တပ်စွဲထားလို့ ​ကျောင်းသား​တွေနဲ့ ​ကျောင်းသားမိဘ​တွေဟာ ​ပူပန်​နေကြရပါတယ်။ အနီးဝန်းကျင်မှာ ​နေထိုင်​နေကြတဲ့ ပြည်သူလူထုဟာ စိုးတထိတ်ထိတ်နဲ့ ရင်ဆိုင်​နေကြရပါတယ်။ ဖက်ဆစ်အုပ်စုဟာ သူတို့အ​ပေါ် အလိုမတူတဲ့ ပြည်သူကြားထဲကို အတင်းအဓမ္မ တိုးဝင်လာ​နေကြပြီ ဖြစ်ပါတယ်။ ပြည်သူကို ကာကွယ်ဖို့​တော့ အလျဥ်းမဟုတ်ပါဘူး။ ပြည်သူကို တံတိုင်းလုပ်ဖို့သာလျှင် ဖြစ်ပါ​ကြောင်း။ ​အောက်ပါကဗျာ​လေးနဲ့ သတိရှိကြဖို့ အသိ​ပေးလိုက်ရပါတယ်။

​"... ​နွေဦးအသံ

လမ်းကြောင်းမှန်၍

တုံ့ပြန်မူရာ

ရှိကြလာလိမ့်

ဘယာစိုး​နှောင့်

သူခိုးပမာ

​ရောက်လာသည်ကား

လူကြားတိုးဝှေ့

ပြု​လေ့ရှိ​သော နည်းလမ်းသာ။ ..."

~~~~

ကိုလူမိုး