စစ်ကိုင်းတိုင်း၊ ရေဦးမြို့၊ အကြမ်းဖက်စစ်တပ်အခြေစိုက် တိုင်းရင်းဆေးရုံနဲ့ ဂါဝီပန်းခြံဂိတ်ကို ဒရုန်း ၆ စင်းနဲ့ ဗုံးကြဲ တိုက်ခိုက်ခဲ့ရာ စစ်သား ၃ ဦးသေဆုံးပြီး လက်နက်ကြီး ၁ လက် ပျက်စီးခဲ့ကြောင်းရွှေဘိုခရိုင် တပ်ရင်း -၁၄ က သတင်းထုတ်ပြန်ပါတယ်။

ဒါ့အပြင် စစ်သား ၅ ဦး ဒဏ်ရာရကာ သံပြာကာကားတစ်စီးလည်း ခေါင်းပျက်စီးသွားကြောင်း ဆိုပါတယ်။

ရေဦးမြို့ တိုင်းရင်းဆေးရုံမှာ စစ်တပ် အခြေစိုက်ထားသလို အဲဒီနေရာမှာ သိုလှောင်ထားတဲ့ လက် နက်ကြီး၊ ခဲယမ်းတွေနဲ့ သံချပ်ကာကားတို့ကို ဦးတည်တိုက်ခိုက်ခြင်းဖြစ်ကြောင်း Federal Wings ကလည်း ထုတ်ပြန်ပါတယ်။

နိုဝင်ဘာ ၆ ရက်၊ မွန်းလွဲ ၁၂ နာရီ ၄၄ မိနစ်လောက်ကစပြီး ဒရုန်းအကြီး (၄) စင်း၊ Fixed Wing ဒရုန်း(၂)စီးနဲ့ ဗုံးသီး(၁၂)လုံး ကြဲချတိုက်ခိုက်ခဲ့ကြောင်း သိရပါတယ်။

အဲဒီတိုက်ခိုက်မှုကို စစ်ဒေသ(၁)ရဲ့ ကွပ်ကဲမှုနဲ့ Sagaing Federal Wings ၊ စစ်ကိုင်းခရိုင်အမှတ်(၅)တပ်ရင်း (MRA)၊ GTR(MMU)နဲ့ ရွှေဘိုခရိုင်အမှတ် (၁၄) တပ်ရင်း တို့ ပူးပေါင်းလုပ်ဆောင်ခဲ့ခြင်းဖြစ်ပြီး တိုက်ပွဲအတွင်းအသုံးပြုတဲ့ ဒရုန်းဗုံးသီးတွေကို ထုတ်လုပ်ရေးစခန်း SDP2 က ထုတ်လုပ်ပေးခဲ့ခြင်းဖြစ်ကြောင်း သိရပါတယ်။

စစ်ကိုင်း Federal Wings နဲ့ ပူးပေါင်းတပ်ဖွဲ့တွေဟာ ရေဦးနဲ့ ကန့်ဘလူနယ်တွေမှာ တိုက်ပွဲတွေ စတင်ဖော်ဆောင်နေပြီလို့လည်း Federal Wings က ထုတ်ပြန်ထားပါတယ်။
~~~~~

ကိုထိုက်