ရှမ်းပြည်နယ်၊ လားရှို့းနဲ့ နမ့်ခမ်းမြို့နယ်အတွင်းရှိ တပ်စခန်း ၄ ခုကို တိုက်ခိုက်သိမ်းပိုက်ခဲ့ပြီး စစ်သား ၁၈ ဦးသေဆုံးကာ လက်နက်ခဲယမ်းများစွာ သိမ်းဆည်းရမိခဲ့ကြောင်း TNLA က သတင်းထုတ်ပြန်ပါတယ်။

အောက်တိုဘာ၂၇ ရက်၊ မနက်ပိုင်းမှာ Operation 1027 အဖြစ် လားရှိုးမြို့နယ်
မိုင်းကျက်တပ်စခန်း နဲ့ တိန်တန်တပ်စခန်းတို့ကို တအာင်းတပ်မတော် TNLA က တိုက်ခိုက်ခဲ့ပြီး နေ့ခင်း ၁၂ နာရီလောက်မှာ  တိန်းတန်တပ်စခန်းကို သိမ်းပိုက်နိုင်ခဲ့ကြောင်း သိရပါတယ်။
တိုက်ပွဲအတွင်း သေနတ် ၁၄ လက်၊ RPG ၁လက်၊ 60MM ၂ လက်၊ စက်လတ်အကြီး ၁လက်၊ လက်ပစ်ဗုံးအလုံး ၂၀၀ ၊ RPG ကျည် ၃၀ ၊ 60MM ကျည် ၅၀၊ မိုင်း ၊  ကျည်ဆန်တွေ နဲ့  စစ်အသုံးအဆောင် ပစ္စည်းများစွာ သိမ်းဆည်းရမိခဲ့ကြောင်း သိရပါတယ်။

အောက်တိုဘာ ၂၇ ရက်၊မနက် ၄ နာရီလောက်မှာလည်း နမ့်ခမ်းမြို့နယ်
နမ့်ခမ်း-နမ့်ဖတ်ကားလမ်း (၁၃)မိုင် တပ်စခန်း၊ (၁၂)မိုင် တပ်စခန်းနဲ့ မန်မိုင်တပ်စခန်း(မိုက်ခရိုဝေ့ တာဝါတိုင်တပ်စခန်း)  တို့ကို TNLA က ဝင်ရောက်တိုက်ခိုက်သိမ်းပိုက်နိုင်ခဲ့ပြီး  စစ်သား အလောင် း၁၈ လောင်းနဲ့  လက်နက်ခဲယမ်းများစွာ သိမ်းဆည်းရခဲ့မိကြောင်း TNLA က ဆိုပါတယ်။ 

အောက်တိုဘာ ၂၇ ရက်မှာ  စစ်တပ်က ဂျက်ဖိုက်တာနဲ့ ၇ ကြိမ်၊ Mi-35 တိုက်ခိုက်ရေးရဟတ်ယဥ်နဲ့  ၅ ကြိမ် လေကြောင်းတိုက်ခိုက်ခဲ့ပြီး  ၁၂၀/၁၀၅ ဟောင်ဝေဇာအမြောက်နဲ့  ၁၂ ကြိမ် ပစ်ခတ်တိုက်ခိုက်ခဲ့ကြောင်း သိရပါတယ်။
~~~~~ 

ကိုထိုက်