ကရင်ပြည်နယ်၊ ကော့ကရိတ်မြို့နယ်အတွင်း ထိုးစစ်ဆင်လာတဲ့ စစ်တပ်ကို မြေပြင်ရောဝေဟင်ကပါ တိုက်ခိုက်ခဲ့ရာ တပ်ရင်းမှူးအပါအဝင် ၆ ဦး သေဆုံးသွားကြောင်း သိရပါတယ်။

အောက်တိုဘာ ၂၄ ရက်၊ မနက် ၃ နာရီခွဲလောက်မှာ တပ်မ(၄၄)လက်အောက်ခံတပ်တွေက ကျားဖြူစစ်ကြောင်း ထိန်းချုပ်နယ်မြေသို့ ထိုးစစ်ဆင်လာတာကြောင့် ဒရုန်းနဲ့ ဗုံးကြဲခြင်းအပါအဝင် ပြည်သူ့ကာကွယ်ရေးတပ်ဖွဲ့တွေက မြေပြင် တိုက်ခိုက်ခဲ့ရာ စစ်သားအနည်းဆုံး ၈ ဦးလည်း ဒဏ်ရာရ ခဲ့ကြောင်း Kloud တပ်ဖွဲ့က သတင်းထုတ်ပြန်ပါတယ်။

မြေပြင်တိုက်ပွဲ အရေးနိမ့်လာတဲ့ စစ်တပ်တို့ ထုံးစံအတိုင်း အောက်တိုဘာ ၂၅ ရက်၊ မွန်းလွဲ ၁ နာရီခွဲလောက်မှာ လေယာဉ်နဲ့ ၅ ကြိမ်လာပစ်ခဲ့ကြောင်း သိရပါတယ်။

အဲဒီတိုက်ခိုက်မှုကို Shar Htoo Waw နည်းပညာနဲ့ Kloud ၊ကျားဖြူစစ်ကြောင်း တပ်ခွဲ(၂)၊ တပ်ခွဲ(၄)၊ တပ်ခွဲ (၅) Justice Soldier-PDF ၊ တပ်ရင်းရုံးလုံခြုံရေးတပ်ခွဲ (Southern Eagle-PDF) နဲ့ Justice Wing၊ Angry Bird Drone Ranger ၊Power Of Ababil (POA)နဲ့ တောင်ငူခရိုင်တပ်ရင်း ၃၅၀၂ တပ်ခွဲ (၁) Drone တပ်ဖွဲ့တို့ ပူးပေါင်း ဆောင်ရွက်ခဲ့ခြင်း ဖြစ်ပါတယ်။
~~~~~

ကိုငြိမ်း