မကွေးတိုင်း၊ ပခုက္ကူမြို့ကနေ ထွက်ခွါလာတဲ့ အကြမ်းဖက် စစ်ကောင်စီရဲ့ ရိက္ခာပို့ စစ်ယာဉ်တန်းကို အောက်တိုဘာ ၂၂ ရက် မနက် ၈ နာရီခွဲဝန်းကျင်မှာ မိုင်းပွိုင့် ၂ ပွိုင့် မိုင်းဆွဲ တိုက်ခိုက်ခဲ့တယ်လို့ The Red Revolters တပ်ဖွဲ့က သတင်းထုတ်ပြန်ပါတယ်။

ပခုက္ကူမြို့ကနေ ရိက္ခာတွေ တင်ဆောင်ကာ ပခုက္ကူ-ကမ္မလမ်းပိုင်းအတိုင်း ထွက်ခွါလာတဲ့ စစ်ကားအစီး ၂၀ နီးပါးပါ ယာဉ်တန်းကို သတင်းအရ ကြိုတင်စောင့်ဆိုင်းကာ ကန်တော်ရွာလယ်အရောက်မှာ မိုင်းဆွဲတိုက်ခိုက်ခဲ့တာ ဖြစ်ပါတယ်။

“မိုင်းပွိုင့် ၂ ပွိုင့် ကျွေးပြီး ဧည့်ခံလိုက်တာ ဒုတိယမြောက် စစ်ကား‌ လမ်းဘေး ထိုးကျသွားတယ်။ စခ ၄ ကောင် နေရာတင် ပွဲချင်းပြီးတယ်။ ဒဏ်ရာ အပြင်းအထန် ရတဲ့သူတွေလည်း ရှိတယ်၊ ပခုက္ကူ ဆေးရုံရောက်မှ ၃ ကောင် ထပ်လျှော သွားသေးတယ်” လို့ တော်လှန်ရေး သတင်းရင်းမြစ်ထံက သိရပါတယ်။

မိုင်းဆွဲ တိုက်ခိုက်ခံရပြီးနောက် အကြမ်းဖက် စစ်ကောင်စီ ရိက္ခာပို့ကား ၁၀ စီးကျော်က ပခုက္ကူဘက်ကို ပြန်လှည့်သွားပြီး စစ်ကား ၇ စီးကတော့ ကမ္မမြို့မ ရဲစခန်းထဲကို ရောက်သွားတယ်လို့ The Red Revolters တပ်ဖွဲ့က သတင်းထုတ်ပြန်ထားပါတယ်။

˜˜˜˜

နောင်ဘို