ပဲခူးတိုင်း၊ ညောင်လေးပင်မြို့နယ်၊ ပုဇွန်မြောင်းကျေးရွာတိုက်ပွဲမှာ အကြမ်းဖက်စစ်သား (၁၅)ဦး လောက်သေဆုံးကြောင်း သိရပါတယ်။

အောက်တိုဘာ (၁)ရက်၊ မနက် (၁၁)နာရီလောက်က ပုဇွန်မြောင်းရွာမှာ တိုက်ပွဲစတင်ဖြစ်ပွားခဲ့ ခြင်း ဖြစ်ပြီး သေနတ် (၁)လက် သိမ်းဆည်းမိကာ စစ်တပ်ပိုင် ဘက်ဖိုး (၁)စီးကိုလည်း မီးရှို့ဖျက်ဆီးခဲ့ကြောင်း Spring Warriors Column က သတင်းထုတ်ပြန်ပါတယ်။

တိုက်ပွဲအတွင်း အကြမ်းဖက်စစ်တပ် အရာရှိ (၁)ဦးအပါအဝင် (၁၀)ဦးလောက် ဒဏ်ရာရခဲ့ ကြောင်း လည်း သိရပါတယ်။

ညနေ (၅)နာရီလောက်မှာ တိုက်ပွဲပိုမို ပြင်းထန်လာပြီး PDF ရဲဘော် (၄)ဦး ဒဏ်ရာရရှိခဲ့ကာ (၁)ဦးမှာ စိုးရိမ်ရ အခြေအနေရှိကြောင်း Spring Warriors Column က ဆိုပါတယ်။

စက်တင်ဘာ (၂၇)ရက်ကနေ (၂၉)ရက်နေ့အထိ ဖြစ်ပွားတဲ့ ပုဇွန်မြောင်းရွာ တိုက်ပွဲတွေ မှာလည်း စစ်သား၊ ရဲ၊ ပျူစောထီးနဲ့ မီးသတ်တပ်ဖွဲ့ဝင် (၅၀)လောက် သေဆုံးခဲ့ကြောင်းလည်း Spring Warriors Column က ထုတ်ပြန်ထားပါတယ်။

အောက်တိုဘာ (၁)ရက်နေ့တိုက်ပွဲကို Spring Warriors Column၊ PDF တပ်ရင်း (၃၇၀၂) နဲ့ Royal Peacock Column တို့ ပူးပေါင်းလုပ်ဆောင်ခဲ့ကြောင်း သိရပါတယ်။

~~~~~~~~~~

ကိုထိုက်