ချင်းကာကွယ်ရေးတပ်ဖွဲ့-မင်းတပ် (CDF-Mindat)ထံသို့ AK-47 သေနတ် အလက် (၄၀)အပ်နှံခဲ့ ကြောင်း International Mindat K'Cho Organization (IMCO) က သတင်းထုတ်ပြန်ပါတယ်။

International Mindat K'Cho Organization (IMCO)၊ Heal the worldနဲ့ CEA(Norway) အဖွဲ့ (၃)ဖွဲ့ ပူးပေါင်းဝယ်ယူခဲ့တဲ့ AK-47 သေနတ်အလက် (၄၀)၊ ကျည် (၁၂၀၀၀) နဲ့ကျည်အိမ် (၁၂၀) တို့ကို ချင်းကာကွယ်ရေးတပ်ဖွဲ့-မင်းတပ် ထံ သို့ စက်တင်ဘာ (၂၈)ရက်နေ့က အပ်နှံခဲ့ကြောင်း သိရပါတယ်။

International Mindat K'Cho Organization (IMCO) အဖွဲ့အနေဖြင့်ချင်းကာကွယ်ရေး တပ်ဖွဲ့-မင်းတပ်အတွက် AK-47 သေနတ်အလက် (၅၀) ဝယ်ယူ တပ်ဆင်ပေးမယ့် ပရောဂျက်ကို ၂၀၂၂ ခုနှစ်၊ ဇွန်လမှာ စတင်ခဲ့ပါတယ်။ ပရောဂျက်အတွက် အမေရိကန်ဒေါ်လာ ၁၈၅၀၀၀ (တသိန်းရှစ်သောင်းငါးထောင်)ကုန်ကျပြီး လက်နက် (၅၀)၊ ကျည် ၁၅၀၀၀ နဲ့ ကျည်အိမ် (၁၅၀)ရရှိမှာ ဖြစ်ပါတယ်။

ကျန်ရှိနေတဲ့ AK-47 သေနတ် ၁၀ လက်၊ ကျည် ၃၀၀၀ နဲ့ကျည်အိမ် (၃၀) တို့ကို မကြာမီ ထပ်မံဖြည့်ဆည်း ပေးမယ်လို့လည်း IMCO ကထုတ်ပြန်ထားပါတယ်။

သေနတ်အလက် (၅၀) ပရောဂျက်အတွက် ကံစမ်းမဲလက်မှတ်တွေ ဝယ်ယူပေးခဲ့တဲ့ ပြည်တွင်း၊ ပြည်ပက မြန်မာနိုင်ငံသားတွေအားလုံးကို ကျေးဇူးတင်ရှိကြောင်း IMCO ကဆိုပါတယ်။

သေနတ်တွေကို ချင်းရိုးရာဓလေ့နဲ့အညီ အပ်နှံခဲ့ကြောင်းလည်း သိရပါတယ်။

~~~~~~~~~~

ကိုထက်