အာဏာသိမ်းဖက်ဆစ်အုပ်စု​ခေါင်း​ဆောင် မအလရဲ့ ကာချုပ်ရာထူးကို ဆက်ခံမယ့်သူအဖြစ် နာမည်ကြီး​နေတဲ့ ဒုတိယဗိုလ်ချုပ်ကြီး မိုးမြင့်ထွန်းတို့အုပ်စုကို အ​ရေးယူလိုက်သတင်း​တွေ အုတ်​အော်​သောင်းတင်း​တွေ့လိုက်ရတယ်။ ဒါဟာ ဘာကိုပြ​နေပြီလဲဆိုတဲ့ ​​မေးခွန်းရဲ့ အ​ဖြေက​တော့ အတွင်းရန်ရှင်းတဲ့ အဓိပ္ပာယ်လို့ပဲ ဆိုရပါမယ်။ မြန်မာပြည်ရဲ့ အာဏာရှင်အဆက်ဆက်အ​ကြောင်း ​လေ့လာဖူးရင် ဘာမှ သိပ်အံ့သြစရာ မရှိဘူးဆိုတာကို​တော့ ​ကောက်ချက်ချလို့ရပါတယ်။

အာဏာရှင်မျိုးစိတ်ကို စချခဲ့တဲ့ ဗိုလ်​နေဝင်းရဲ့ အားအကိုးရဆုံးတို့၊ ညာလက်ရုံး ဘယ်လက်ရုံးတို့ ဆိုသူ​တွေကို ​လေ့လာကြည့်ရင် သိနိုင်ပါတယ်။ ဗိုလ်​နေဝင်းရဲ့ အ​စောဆုံးလက်ရင်း​တပည့်​တွေဖြစ်တဲ့ ဗိုလ်​မောင်​​မောင်နဲ့ ဗိုလ်​အောင်ကြီးတို့ရဲ့ အဖြစ်​တွေကို ​လေ့လာကြည့်ပါ။ ​ပြောရရင် ၁၉၆၂ ခုနှစ်မှာ အာဏာသိမ်းခဲ့စဥ်က ဗိုလ်​နေဝင်းရဲ့ ညာလက်ရုံးနဲ့ ဘယ်လက်ရုံးလို့ တင်စားခဲ့ကြရသူ​တွေ ဖြစ်ပါတယ်။ လာရာ နိုင်ငံ​ရေးဘက်ဂ​ဒေါင်းကလည်း ဆိုရှယ်လစ်အုပ်စု​အချင်းချင်း သ​​န္ဓေအတူတူချင်း​​တွေ ဖြစ်ပါတယ်။

ဗိုလ်​​နေဝင်း ဖြုတ်ထုတ်ခဲ့တဲ့ ထင်ရှားတဲ့ ဥပမာတချို့ကို ပြပါ့မယ်။ တပ်တွင်းမှာ ဗိုလ်​နေဝင်းဟာ သူသာလျှင် ဧကရာဇ်မင်းကဲ့သို့ အကြည်ညိုခံချင်ပါတယ်။ သူ့ကိုခွာရာတိုင်းမယ့်သူ ဘယ်သူ့ကိုမဆို ရှင်သန်ခွင့်မ​ပေးပါဘူး။ သူ ချီးမြှင့်​မြှောက်စားခဲ့လို့ ငယ်ငယ်ရွယ်ရွယ်နဲ့ ကာကွယ်​ရေးဦးစီးချုပ်ဖြစ်လာတဲ့ NLD ဦးတင်ဦးတစ်ဖြစ်လဲ ဗိုလ်ချုပ်ကြီး​ဟောင်းတင်ဦးအ​ကြောင်းကို သိကြပါလိမ့်မယ်။ စစ်သားပီသတဲ့ စိတ်ဓာတ်နဲ့ ဗိုလ်ချုပ်ကြီးတင်ဦးဟာ တပ်တွင်းမှာ သူ့လက်​အောက်ငယ်သား​တွေရဲ့ ​လေးစားကြည်ညိုခြင်းကို ခံရသူဖြစ်ပါတယ်။ ဒီသတင်း ဗိုလ်​နေဝင်း "နား"ကို ​ပေါက်လာတဲ့အခါ ဗိုလ်​နေဝင်း ကျွဲမြီးတိုလာ​တော့တာပါပဲ။ မကြာခင်မှာပဲ ဦးတင်ဦးကို ပြစ်ချက်ရှာကာ လာဘ်​ပေးလာဘ်ယူမှုနဲ့ ဖြုတ်ထုတ်ရှင်းခဲ့ပါတယ်။

ဗိုလ်​နေဝင်းရဲ့ ​မြှောက်စားမှုနဲ့ တိုင်းပြည်ရဲ့ ဦးသျှောင် နံပါတ် "တစ်" ဗိုလ်​နေဝင်းနဲ့ နံပါတ်"နှစ်" ဗိုလ်စန်းယုကြားက "တစ်ခွဲ" အဖြစ် နာမည်ကြီးခဲ့သူဖြစ်ပါတယ်။ ​တစတစနဲ့ မျက်မှန်တင်ဦးရဲ့ တန်ခိုးသြဇာအာဏာဟာ သူတို့အတွင်းစည်းမှာပါ ဖိန့်ဖိန့်တုန်​​အောင် ထက်ခဲ့ပါတယ်။

နောက်တစ်ဦးက မဆလ​ခေတ်မှာပဲ ဗိုလ်​နေဝင်းရဲ့ ​​မွေးစားသားလည်းဖြစ်တဲ့ ​ထောက်လှမ်း​ရေးအကြီးအကဲ မျက်မှန်တင်ဦးကို မှတ်မိကြမယ် ထင်ပါတယ်။ မဆလ​ခေတ်တစ်​လျှောက်မှာ နာမည်ဆိုးနဲ့ ​ကျော်ကြားခဲ့တဲ့ မင်္ဂလာဒုံစစ်​ကြောစခန်း ​ရေကြည်အိုင်ရဲ့ အရှင်သခင်တစ်​ယောက်​ပေါ့။ ဗိုလ်​နေဝင်းရဲ့ မဆလကို နည်းအမျိုးမျိုးနဲ့ ဆန့်ကျင်​တော်လှန်ခဲ့ကြသူများကို စစ်ကြောခဲ့ရာမှာ အလွန်နာမည်ကြီးခဲ့တယ်။ ဗိုလ်​နေဝင်းရဲ့ ​မြှောက်စားမှုနဲ့ တိုင်းပြည်ရဲ့ ဦးသျှောင် နံပါတ် "တစ်" ဗိုလ်​နေဝင်းနဲ့ နံပါတ်"နှစ်" ဗိုလ်စန်းယုကြားက "တစ်ခွဲ" အဖြစ် နာမည်ကြီးခဲ့သူဖြစ်ပါတယ်။ ​တစတစနဲ့ မျက်မှန်တင်ဦးရဲ့ တန်ခိုးသြဇာအာဏာဟာ သူတို့အတွင်းစည်းမှာပါ ဖိန့်ဖိန့်တုန်​​အောင် ထက်ခဲ့ပါတယ်။ တချို့ကိစ္စ​တွေဆိုရင် ဗိုလ်​နေဝင်း​တောင် မသိဘဲ စီမံခဲ့တာမျိုး​တွေထိ ဖြစ်လာပါတယ်။ ချုံ့​ပြောရရင်​တော့ ဗိုလ်​နေဝင်း တင်းလာ​တော့ လာဘ်​ပေးလာဘ်ယူကိစ္စကို အ​ကြောင်းပြပြီး ရှင်းထုတ်ခံရတာပါပဲ။ မျက်မှန်တင်ဦးဟာ သူကိုယ်တိုင် တိုက်ရိုက်မဟုတ်​သော်ငြားလည်းပဲ သွယ်ဝိုက်တဲ့နည်းနဲ့ လာဘ်​ပေးလာဘ်ယူမှု ဖြစ်​စေခဲ့တဲ့ ဒီတုန်းက ပြည်ထဲ​ရေးဝန်ကြီး ဦးဘိုနီရဲ့အမှုတွဲနဲ့အတူ ရှင်းထုတ်ခံလိုက်ရပါတယ်။

သည်လိုပဲ နဝတ​ခေတ် ဗိုလ်​စော​မောင်လက်ထက်မှာ​တော့ သက်တမ်းတိုတိုနဲ့ သူကိုယ်တိုင် ဖြုတ်ထုတ်ရှင်းခံလိုက်ရတယ်။ ဒါဟာလည်း ဗိုလ်​နေဝင်း လက်တံရှိ​နေ​သေးချိန်က ​ခြေရာလက်ရာ​ပါပဲ။ နအဖ အာဏာရှင်​ခေတ်တစ်​လျှောက်မှာ​တော့ ဦး​သျှောင်ဖြစ်လာတဲ့ ဗိုလ်သန်း​ရွှေဟာလည်း သူ့​ခေတ်မှာ ဖြုတ်ထုတ်ရှင်း​တွေ အများကြီးလုပ်ခဲ့တာပါပဲ။ သိပ်အသုံးမဝင်တဲ့ ဌာနဆီ ​ဘေးတိုက်​ရွှေ့ ​ချောင်ထိုးလိုက်တာတို့၊ ဖြုတ်ထုတ်ရှင်းလိုက်တာတို့ များစွာရှိခဲ့ပါတယ်။ သည်ထဲမှာမှ အထင်ရှားဆုံးက​တော့ ဗိုလ်ခင်ညွန့်ကို ဖြုတ်ထုတ်ရှင်းလိုက်တဲ့ကိစ္စမှာဆိုရင် တစ်တိုင်းပြည်လုံးတင်မက ကမ္ဘာကပါ သိခဲ့ပါတယ်။ ​ဗိုလ်ခင်ညွန့်ရဲ့ ​ထောက်လှမ်း​ရေးတန်ခိုး ဘယ်​လောက်ထိ​အောင် ထွားခဲ့သလဲဆိုရင် သူ့တပည့်သာဝက​တွေ တပ်ကြပ်အဆင့်​လောက်ဟာ မြို့နယ်အဆင့် မဝတဥက္ကဌကို အိတ်ထဲထည့်ထားနိုင်ပါတယ်။ ဗိုလ်ခင်ညွန့်ကိုယ်တိုင်လည်း ကိုယ်ပိုင်တပ်​ထောင်တဲ့အဆင့်ထိ ရှိခဲ့တယ်လို့လည်း ဆိုကြပါတယ်။

တကယ်တမ်း​တော့ အာဏာရှိသူနဲ့ ပိုက်ဆံရှိသူကြားမှာပဲ အစဥ်ထာဝရ "ဒစ်လည်" ​နေတဲ့ တိုင်းပြည်ကြီးမှာ လာဘ်​ပေးလာဘ်ယူဆိုတာဟာ ထူးခြားဆန်းကြယ်ကိစ္စ မဟုတ်တာကို ဉာဏ်ရှိသူတိုင်း ဆန့်ထွက်​တွေးကြည့်ရင် အ​ဖြေထွက်ပါတယ်။

တဖြည်းဖြည်းနဲ့ တစ်မိုးလုံး​ဖျောက်ဆိတ်ဖြစ်လာတဲ့ ဗိုလ်ခင်ညွန့်ဟာ တီဗွီမင်းသားလုပ်ရုံတင်မက အာဏာမင်းသားပါ ဖြစ်လာနိုင်​ခြေရှိလာလို့ ဗိုလ်သန်း​ရွှေက ဖြုတ်ထုတ်ရှင်းလုပ်လိုက်ရတာပါပဲ။ ပုဒ်မ​ခေါင်းစဥ်က​​တော့ လာဘ်​ပေးလာဘ်ယူကိစ္စနဲ့ပဲ ဖြစ်ပါတယ်။ ဗိုလ်ခင်ညွန့် ခင်း​ပေးတဲ့ Road map ကို မစွန့်ဘဲ ဖက်တွယ်ခဲ့သည့်တိုင် အာဏာဖက်ပြိုင်လာနိုင်ရင်​တော့ အပြတ်ရှင်းတတ်ကြတာ အာဏာရှင်တိုင်းရဲ့ လုပ်ရိုးလုပ်စဥ်တစ်ခုပဲ ဖြစ်ပါတယ်။

အခုလည်း အာဏာသိမ်းဖက်ဆစ်တပ်မှာ ထိပ်ပိုင်းက တစ်​ယောက်ဖြစ်တဲ့ ဒုတိယဗိုလ်ချုပ်ကြီး မိုးမြင့်ထွန်းတို့အုပ်စုကိုလည်း လာဘ်စားမှုလို့ ​ခေါင်းစဥ်တပ်ထားပါတယ်။ တကယ်တမ်း​တော့ အာဏာရှိသူနဲ့ ပိုက်ဆံရှိသူကြားမှာပဲ အစဥ်ထာဝရ "ဒစ်လည်" ​နေတဲ့ တိုင်းပြည်ကြီးမှာ လာဘ်​ပေးလာဘ်ယူဆိုတာဟာ ထူးခြားဆန်းကြယ်ကိစ္စ မဟုတ်တာကို ဉာဏ်ရှိသူတိုင်း ဆန့်ထွက်​တွေးကြည့်ရင် အ​ဖြေထွက်ပါတယ်။ ​နောက်တစ်မှုဖြစ်တဲ့ ပြည်ထဲ​ရေးဝန်ကြီးက​နေ ​ဘေးတိုက်​ရွှေ့လိုက်ပြီး အခု အစစ်​ဆေးခံ​နေရပြီဆိုတဲ့ ဒုတိယဗိုလ်ချုပ်ကြီး စိုးထွဋ်အပါအဝင် အမှုတွဲ ဖြစ်ပါတယ်။ အထူးလျှို့ဝှက်စည်း​ဝေးသတင်း ​ပေါက်ကြားမှု​ကြောင့် စုံစမ်းစစ်​ဆေးခံရတယ်လို့ သတင်းထွက်ပါတယ်။ အခု​တော့ ရဲမှူးချုပ်​တွေ၊ ရဲမှူးကြီး​တွေထိ မီးခိုးကြွက်​လျှောက် ဖြစ်လာခဲ့ပြီ။ ​နောက်ဆုံးစွဲချက်က​တော့ ထုံးစံအတိုင်း လာဘ်​ပေးလာဘ်ယူကိစ္စပဲ ဖြစ်ပါတယ်။ မိုးမြင့်ထွန်းနဲ့ စိုးထွဋ်တို့ အရေးယူခံရမှုဟာ ဆက်နွှယ်မှု ရှိတယ်၊ မရှိဘူး ဆိုတာ​တော့ မသိရ​သေးပါဘူး။

ဒီလိုအ​ခြေအ​နေမှာ ​နွေဦး​တော်လှန်​ရေးဘက်ခြမ်းက ဦး​ဆောင်ဦးရွက်ပြုသူ​တွေရဲ့ မှန်ကန်တဲ့ ဆုံးဖြတ်လုပ်ကိုင်​ဆောင်ရွက်မှုနဲ့ တစ်တိုင်းပြည်လုံးရဲ့ စည်းလုံးညီညွတ်မှုကသာလျှင် "အဆင်းဘီးတပ်​ပေးနိုင်မယ့်အား" ဖြစ်​ကြောင်း ​အသိ​ပေးရေးသားလိုက်ရပါတယ်။

ရာထူးဌာန္တရ​တွေလည်း မကြာခဏဆိုသလို ဟို​ပြောင်းဒီ​ရွှေ့​တွေ အ​တော်လုပ်လာပါတယ်။ အခုဆို ထိပ်ပိုင်းက မအလ လက်သပ်​မွေးထားတဲ့ ​ခေါင်းကြီး​တွေထိ အ​ရေးယူမှု​တွေ ဆက်တိုက်ဆိုသလို ဖြစ်လာ​နေပါတယ်။ ဒါဟာ ဘာကိုပြ​နေသလဲဆိုရင် မအလရဲ့ အတွင်းစည်းပြိုကွဲ​နေပြီဖြစ်​ကြောင်းပြတဲ့ သက်​သေ​တွေလို့ပဲ ဆိုချင်ပါတယ်။ မအလ​အောက် တစ်ဆင့်နိမ့်ရာထူးကြီးသူ​တွေဟာ အုပ်စုဖွဲ့စပြု​နေပြီဆိုတဲ့အဓိပ္ပာယ်လည်း ဖြစ်နိုင်ပါတယ်။ အဆုံးမှာ​တော့ မအလဖက်ဆစ်အုပ်စုအတွင်း၌ ​မြိုက်စားကျွမ်း​လောင်ပြီး နိဂုံးချုပ်ကြဖို့ ​သေချာ​နေပြီဖြစ်ပါတယ်။ ဒီလိုအ​ခြေအ​နေမှာ ​နွေဦး​တော်လှန်​ရေးဘက်ခြမ်းက ဦး​ဆောင်ဦးရွက်ပြုသူ​တွေရဲ့ မှန်ကန်တဲ့ ဆုံးဖြတ်လုပ်ကိုင်​ဆောင်ရွက်မှုနဲ့ တစ်တိုင်းပြည်လုံးရဲ့ စည်းလုံးညီညွတ်မှုကသာလျှင် "အဆင်းဘီးတပ်​ပေးနိုင်မယ့်အား" ဖြစ်​ကြောင်း ​အသိ​ပေးရေးသားလိုက်ရပါတယ်။

~~~~

ကိုလူမိုး