အကြမ်းဖက် စစ်အုပ်စုရဲ့ နေပြည်တော်ကောင်စီနယ်မြေမှာ တိုက်ပွဲတွေ ဖော်ဆောင်ဖို့ စစ်ရေး အတွေ့အကြုံရှိတဲ့ ရဲဘော်တွေနဲ့ ကျားသံလုံးစစ်ကြောင်းကို ဖွဲ့စည်းထားကြောင်း သိရပါတယ်။

ကျားသံလုံးစစ်ကြောင်း(Iron Tiger Battalion)ကို သံတောင်မြောက်ပိုင်း(အထူးဒေသ)၊ Northern Thandaung Defense Force (Special Region) က စစ်ရေးအတွေ့အကြုံရှိ စစ်သည်တော်တွေနဲ့ ကရင်နီပြည်နယ်အတွင်း စစ်ရေးအတွေ့အကြုံရှိ PKS-PDF 1004 နဲ့  အတူ ပူးပေါင်းဖွဲ့စည်းထားကြောင်း  သံတောင်မြောက်ပိုင်း(အထူးဒေသ)က သတင်း ထုတ်ပြန်ပါတယ်။

ကျားသံလုံးစစ်ကြောင်းကို အာဏာရှင်အဆက်ဆက် တော်လှန်ခဲ့တဲ့ သံတောင်မြောက်ပိုင်း (အထူးဒေသ) ဥက္ကဌ ဦးကိုကြီး (ငယ်နာမည် ဖိုးသံလုံး)က ဦးဆောင်စီမံကွပ်ကဲသွားပါမယ်။

စစ်ကြောင်းရဲ့ ရည်ရွယ်ချက်က ‌နေပြည်တော်ကောင်စီ နယ်မြေမှာ တိုက်ပွဲတွေ ဖော်ဆောင်‌နိုင် ရေး ဖြစ်ကြောင်း သိရပါတယ်။

ကျားသံလုံးစစ်ကြောင်းဟာ  နေပြည်တော်ကောင်စီနယ်မြေ၊ ပျဉ်းမနားမြို့အရှေ့ဘက်မှာ ဩဂုတ်(၁၀)ရက်ကနေ (၁၄)ရက်အတွင်း  တိုက်ပွဲ ၇ ကြိမ် ဖြစ်ပွားခဲ့ပြီး စစ်သား ၅၀ လောက် သေဆုံးခဲ့ကြောင်း ထုတ်ပြန်ထားပါတယ်။

~~~~~~~~~~

ကိုထက်