မကွေးတိုင်း၊ ပခုက္ကူကနေမြိုင်ဘက်ထွက်လာတဲ့ အကြမ်းဖက် စစ်တပ်ထောက်ပို့ကားတွေနဲ့ လုံခြုံရေးကင်းတွေကို ဒရုန်းနဲ့ ဗုံးသီးအလုံး ၈၀ ကြဲချတိုက်ခိုက်ခဲ့ကြောင်း သိရပါတယ်။

အဲဒီထောက်ပို့ကားနဲ့ လုံခြုံရေးကင်းတွေကို ဩဂုတ် ၃၀ ရက် မနက်ပိုင်း က မြိုင်မြို့နယ်၊ တွင်းမပျူစောထီးစခန်း မြောက်ဘက်မှာ PDF တွေက မိုင်းဆွဲခဲ့ရာ ပျူစောထီး ၁ ဦး သေဆုံး ပြီး ၃ ဦး ဒဏ်ရာရခဲ့ကြောင်း မြိုင်ပကဖ က သတင်းထုတ်ပြန်ပါတယ်။

အဲဒီယာဉ်တန်းဟာ ဩဂုတ် ၃၀ ရက်ညနေပိုင်းက တွင်းမပျူစခန်းကနေထွက်လာပြီး လမ်းပိုင်းတစ် နေရာမှာ ရွှံ့ထဲနစ်နေကာ ဆက်မထွက်နိုင်ခဲ့ကြောင်း ဩဂုတ် ၃၁ ရက်မှာ PDF တွေက ဒရုန်းနဲ့တိုက်ခိုက်ခဲ့ရာ အများအပြားထိခိုက်နိုင်ပြီး အရေအတွက်အတိအကျကို မသိသေးကြောင်း မြိုင်ပကဖ က ဆိုပါတယ်။

“ဒရုန်းထိတဲ့ကောင်တွေကို တွင်းမပျူစခန်းထဲ ပြန်သယ်သွားတယ်လို့ ကြားတယ်။ တွင်းမကနေ ဘယ်ပို့သလဲမသိဘူး။ ထိတဲ့အရေအတွက် မသိသေးဘူး” လို့ မြိုင် LPDF ရဲဘော်တစ်ဦးက ပြောပါတယ်။

အထိနာခဲ့တဲ့ အဲဒီစစ်ကြောင်းဟာ လက်နက်ကြီးနဲ့ ရမ်းသန်းပစ်ခတ်ခဲ့ရာ မြိုင်မြို့နယ်၊ သာစည်ရွာ သားတစ်ဦးနဲ့ မြေရင့်ရွာသား၁ဦးတို့ လက်နက်ကြီးစ ထိမှန်ဒဏ်ရာရခဲ့ပြီး ပခုက္ကူမြိုနယ်၊ မန်ကျည်းတန်းရွာမှာလည်း ပြည်သူ ၁ ဦးရဲ့ လည်ပင်းကို ပစ်ခတ် သတ်ဖြတ်ခဲ့သေးကြောင်း သိရပါတယ်။

ဩဂုတ် ၃၀ ရက်နဲ့ ၃၁ ရက်နေ့ တိုက်ခိုက်မှုတွေကို မြိုင်ပကဖ၏ တင်းရင်း ၁၊ တပ်ခွဲ ၁၊ တပ်ခွဲ ၂၊ အလင်းတန်းပြောက်ကျားတပ်ဖွဲ့ ၊ Myaing Warriors ၊ Hero New GZ ၊ MRDF၊ MFDF၊ KMDF (ကမ္မဒေသကာကွယ်ရေးတပ်ဖွဲ့)  ၊ MVRF တပ်ရင်း နဲ့ Egal Brigadeတို့ ပူပေါင်းလုပ်ဆောင်ခဲ့ခြင်း ဖြစ်ပါတယ်။

~~~~~~~~~~

ကိုထက်