တက္ကသိုလ်ဘုန်းနိုင်ရဲ့ ဝတ္ထုတစ်ပုဒ်အမည်ဖြစ်တဲ့ "သာ၍​ဝေးရာဆီသို့ပါ ..." ကို အမှတ်ရမိတယ်။ မြန်မာတစ်ပြည်လုံးကို ရည်ရွယ်ချက်ရှိရှိ အ​မှောင်တိုက်သွင်း​နေတဲ့ မအလနဲ့ လက်တစ်ဆုပ်စာ မိုက်တွင်းနက်သူတစ်စုက​တော့ "သာ၍ဆိုးရာဆီသို့..." အ​ခြေအ​နေထိဆိုက်​အောင် တွန်းပို့လျက် ရှိပါတယ်။ ပြည်သူလူထုကြီးက ကြိုက်သ​လောက် ထုကွာဆိုပြီး တင်းခံကြမလား၊ ဒီလိုမှမဟုတ်ဘဲ ငါတို့​တော့ ငြိမ်ခံမ​နေနိုင်​​တော့ဘူး ရရာလက်နက်ဆွဲကိုင်ပြီး ငြင်းဆန်ကြမလား။ လမ်းနှစ်သွယ်က ပြညွှန်း​နေတဲ့အ​ခြေ ဆိုက်လာပြီလို့ ဆိုနိုင်ပါတယ်။

ပြည်သူလူထု မျက်ဖြူဆိုက်​လေ အာဏာဆရာကြီး မအလတစ်သိုက် ကြိုက်လေပါပဲ။ ပြည်သူ​တွေ အကြီးအကျယ် ဒုက္ခ​ရောက်ချိန်ကျရင်​တော့ သူတို့ကိုယ်သူတို့ ကယ်တင်ရှင်ကြီး​တွေလို သရုပ်​ဆောင်ပြီး ပဏ္ဏာဝင်ယူကြပါလိမ့်မယ်။

ဒီပုံ ဒီအတိုင်း ဆက်သွား​နေရင်​တော့ ကံဆိုးမိုး​မှောင်ကျသလို ပျက်စီးခြင်း လှိုင်းလုံး​တွေ တစ်လုံးပြီးတစ်လုံး ဆင့်လာပါလိမ့်မယ်။ တိုင်းပြည်အ​ပေါ် ဘယ်တုန်းကမှ ​စေတနာ တစိုးတစိမျှ မရှိဘူးတဲ့ စစ်ပ​ဒေသရာဇ်ရူး​တွေဟာ ​နောက်ဆုံးအချိန်ထိ မိုက်တွင်းကို နက်နက်တူးထားကြပုံရပါတယ်။ စကစကို နိုင်ငံတကာက ကန့်သတ်ပိတ်ဆို့မှု​တွေများလာလို့ အခုဆိုရင် ဘဏ္ဍာ​ရေးဆိုင်ရာ အကျပ်အတည်း​တွေ တိုး​တွေ့လာ​နေရပြီ ဖြစ်ပါတယ်။ ​ဘင်္ဂလာ​ဒေ့ရှ်နိုင်ငံက​တောင် စကစရဲ ဘဏ်အ​ကောင့်ကို freeze လုပ်လိုက်တယ်ဆို​တော့ ဖက်ဆစ်အုပ်စုဟာ အ​တော် မျက်ဖြူဆိုက်​နေပါပြီ။ ပြည်သူ​တွေ အကျပ်ရိုက်​အောင် ပုံသဏ္ဌာန်မျိုးစုံ ထွက်လာပါလိမ့်အုံးမယ်။  မြန်မာကျပ်​ငွေလည်း တန်ဖိုး​တွေထိုးကျ၊ စက်သုံး​ဆီ​စျေး​တွေလည်း ထိုးတက်၊ ​ရွှေ​စျေး ကား​စျေး အိမ်ခြံ​မြေ​စျေး​တွေလည်း က​မောက်ကမဖြစ်ကာ ပြည်သူလူထုမှာ ကုန်​စျေးနှုန်းကြီးမြင့်လာတဲ့ဒဏ်ကို ခါးစီးခံ​နေရပါတယ်။ ပြည်သူလူထု မျက်ဖြူဆိုက်​လေ အာဏာဆရာကြီး မအလတစ်သိုက် ကြိုက်လေပါပဲ။ ပြည်သူ​တွေ အကြီးအကျယ် ဒုက္ခ​ရောက်ချိန်ကျရင်​တော့ သူတို့ကိုယ်သူတို့ ကယ်တင်ရှင်ကြီး​တွေလို သရုပ်​ဆောင်ပြီး ပဏ္ဏာဝင်ယူကြပါလိမ့်မယ်။

အရပ်ထဲ ဆန်​လေး ဆီ​လေးကို ​​ပေါက်​​စျေး​အောက်​လျှော့ပြီး ဟန်ပြလိုက်​ရောင်း​ပေးမယ်။ ဒီ​လောက်မျှပဲ လုပ်တတ်ပါတယ်။ အမှန်တကယ်က ဘာပ​ရော့ဒတ်မှမထုတ်နိုင်ဘဲ အင်ပို့ချည်းပဲ ဖြစ်​နေရင် ကုန်စျေးနှုန်းက ​တောက်​လျှောက် တက်လာမှာပဲ။ ဒါက ဘာသီအိုရီမှသိစရာမလိုတဲ့ ပြည်သူလူထုရဲ့ ဘဝ​ပေးအသိပဲ ဖြစ်ပါတယ်။

ဖက်ဆစ်အုပ်စုက​တော့ ​ခေတ်အဆက်ဆက် လုပ်ထုံးလုပ်နည်းအတိုင်း ကိုယ့်ညံ့ဖျင်းမှုကို ကိုယ်မမြင်နိုင်ဘဲ ကုန်​စျေးနှုန်းကျဆင်း​အောင် ​ကော်မတီ​တွေဖွဲ့မယ်၊ ​ရွှေကုန်သည် ​​ငွေကုန်သည်​တွေကို လိုက်ကျပ်မယ်၊ အရပ်ထဲ ဆန်​လေး ဆီ​လေးကို ​​ပေါက်​​စျေး​အောက်​လျှော့ပြီး ဟန်ပြလိုက်​ရောင်း​ပေးမယ်။ ဒီ​လောက်မျှပဲ လုပ်တတ်ပါတယ်။ အမှန်တကယ်က ဘာပ​ရော့ဒတ်မှမထုတ်နိုင်ဘဲ အင်ပို့ချည်းပဲ ဖြစ်​နေရင် ကုန်စျေးနှုန်းက ​တောက်​လျှောက် တက်လာမှာပဲ။ ဒါက ဘာသီအိုရီမှသိစရာမလိုတဲ့ ပြည်သူလူထုရဲ့ ဘဝ​ပေးအသိပဲ ဖြစ်ပါတယ်။ ဘာပ​ရော့ဒတ်မှ မထုတ်နိုင်၊ မလုပ်နိုင်တာဟာ တိုင်းပြည်ရဲ့ ပြည်တွင်းစစ်​မီးကြောင့်ပဲ ဆိုတာ က​လေးကအစ သိတယ်။ အဲဒီမီးတောက် ​လောင်​​နေတဲ့အ​ကြောင်း အရင်းအမြစ်ကလည်း ဖက်ဆစ်အကြမ်းဖက်အုပ်စုရဲ့ အာဏာငန်းဖမ်းမှု​ကြောင့် ဖြစ်တယ်ဆိုတာ အားလုံးသိ​နေကြပြီ။ မသိနိုင်သူတချို့က​တော့ အာဏာတိမ်သလ္လာဖုံး​​နေတဲ့ ဖက်ဆစ်အကြမ်းဖက်အုပ်စုနဲ့ သူ့အလို​တော်ရိမျက်ကန်းတ​စ္ဆေမ​ကြောက်သူတချို့ပဲ ရှိ​တော့တယ်။ 

ပါတီစွဲ ပုဂ္ဂိုလ်စွဲ စိတ်​ဓာတ်​တွေဟာ ​တော်လှန်​ရေးမှာ ​ရှေ့မ​ရောက်​စေနိုင်ဘဲ ​ဘေးတိုက်ကန့်လန့်ဖြစ်​စေမယ့် ရှမ်းလွယ်အိတ်​တွေမျှပဲ ဖြစ်တယ်ဆိုတာ သ​တိထား​စေချင်ပါတယ်။

အခုဆိုရင် ဖက်ဆစ်အုပ်စု​ရဲ့ အောက်​ခြေတပ်ရင်းတပ်ဖွဲ့​တွေလည်း တိုက်တိုင်းရှုံးကာ အ​တော် အ​​ခြေပျက်​နေပြီဖြစ်တယ်။ ထိချက်​ကောင်း​ကောင်းမိဖို့ပဲ လို​တော့တယ်။ ဖက်ဆစ်အုပ်စုအရှိုက်ကို ထိချက်​ကောင်း​ကောင်းနဲ့ အမိအရထိုးနှက်နိုင်ဖို့ ​တော်လှန်​ရေးတပ်ဦးက ဦး​ဆောင်ဦးရွက်ပြု​နေသူ အထူးသဖြင့် NUCC, NUG က လူကြီးမင်းများဟာ အင်မတန် အ​ရေးကြီးပါတယ်။ ​တော်လှန်​ရေးရဲ့ အန္တိမပန်းတိုင်ကို ကြည်လင်ပြတ်သားစွာ မြင်ထားကြဖို့ လိုပါတယ်။ တိုင်းရင်းသား​ဒေသအသီးသီးဘက်ခြမ်း​ကော၊ ​မြေပြန့်မြို့​ပေါ်​တွေမှာပါ တစ်ပြိုင်နက်တည်း ချိန်ကိုက် တိုက်ခိုက်နိုင်ဖို့ဟာ အ​ရေးကြီးဆုံးလိုအပ်ချက်ပဲ ဖြစ်ပါတယ်။ တည့်တည့်လင်းလင်း​ပြောရရင် ဒီအချိန်မှာ စစ်အာဏာရှင်ကို အပြုတ်တိုက်​ရေးမှတစ်ပါး အခြား​သော ပါတီအလံ​တွေ၊ လူပုဂ္ဂိုလ်စွဲ​တွေကို ဒုတိယ​နေရာမှာ ထားရပါမယ်။ legitimacy ကို တဖွဖွ​ပြော​နေတဲ့ CRPH ရဲ့ အ​တွေးအခေါ်လိုမျိုးဟာ ၂၀၀၈ ​ခြေ/ဥ ချက်ကြိုးမပြတ်တဲ့ အဓိပ္ပာယ် ဖြစ်​နေပါတယ်။ ပအဖ၊ ပကဖ၊ ပလဖ လို အဖွဲ့နာမည်​တွေဟာလည်း ​ဒေသခံပြည်သူ​တွေကြားမှာ ဘယ်သူ့အ​​ဖေ​ခေါ်ရမယ်မှန်းမသိတဲ့ အဖြစ်လို နားမျက်စိရှုပ်​​ထွေးစေပါတယ်။ ​အဲဒီလို အဖွဲ့နာမည်အသီးသီး​တွေဟာ သူတစ်လူငါတစ်မင်း ပြု​စေဖို့ အခွင့်အ​ရေး​ပေး​ထားသလို ဖြစ်နေပါတယ်။ တော်လှန်​ရေး အဓွန့်ရှည်​အောင်ပြု​နေသူ​တွေက ပါတီနိုင်ငံ​ရေးအ​တွေးအ​ခေါ်​လောက်နဲ့ သူ​တွေလားလို့ ​ပြောရမလို​တောင် ဖြစ်​နေတယ်။ ဒါဟာ ​တော်လှန်​ရေးကို အီ​စေ၊ ​လေး​စေ၊ ရှည်ကြာ​စေတဲ့ အ​ကြောင်းရင်းခံ ဖြစ်​နေတယ်ဆိုတာ သက်ဆိုင်သူများဟာ မိမိကိုယ်ကို ​ဝေဖန်ဆန်းစစ်ကြ​စေချင်ပါတယ်။ ပြည်သူလူထုရဲ့ ​တောင့်ခံနိုင်မှုအ​ခြေအ​နေကိုလည်း အ​လေးထားဂရုပြုသင့်ပါတယ်။ မဟုတ်ရင်​တော့ ပါတီစွဲမရှိဘဲ ​ခေတ်​ပြောင်း​တော်လှန်​ရေးကို အဓိကဆင်နွှဲ​နေတဲ့ ဂျန်ဇီ​လေး​တွေရဲ့ တာဝန်​ကျေလွန်းစွာ စွန့်လွှတ်စွန့်စား​နေမှုဟာ အ​ဟောသိကံဖြစ်သွားနိုင်ပါတယ်။ ပါတီစွဲ ပုဂ္ဂိုလ်စွဲ စိတ်​ဓာတ်​တွေဟာ ​တော်လှန်​ရေးမှာ ​ရှေ့မ​ရောက်​စေနိုင်ဘဲ ​ဘေးတိုက်ကန့်လန့်ဖြစ်​စေမယ့် ရှမ်းလွယ်အိတ်​တွေမျှပဲ ဖြစ်တယ်ဆိုတာ သ​တိထား​စေချင်ပါတယ်။

တော်လှန်​ရေးအင်အားစုဘက်ခြမ်းကသူ​တွေက ဖက်ဆစ်အုပ်စုအလိုကျ ကပြအသုံး​တော်ခံ​နေကြသလားလို့​တောင် ထင်မိပါတယ်။ မြန်မာနိုင်ငံမှာ စိုးစံခဲ့တဲ့ စစ်အာဏာရှင်အဆက်ဆက်ရဲ့ အားကိုးရာဟာ ​တော်လှန်သူအင်အားစု​တွေကို "သပ်လျှို​သွေးခွဲခြင်းလက်နက်" ပါပဲ။

အခုတစ်လော​လေးမှာ နဖူး​တွေ့ဒူး​တွေ့ ဖြတ်သန်းနေကြရတဲ့ ​မြေပြင်အင်အားစု​တွေနဲ့ ​တော်လှန်​ရေးတပ်ဦးက​ လူကြီးမင်းများရဲ့ တော်တည့်မှန်ကန်တဲ့ လမ်း​ကြောင်း​ဖော်​ဆောင်မှုအားနည်း​တာ​ကြောင့် ဖြစ်​ပေါ်လာတဲ့ ပွတ်တိုက်မှု​တွေကို ကြား​နေရပါတယ်။ တချို့ကိစ္စ​တွေမှာ ​တော်လှန်​ရေးအင်အားစုဘက်ခြမ်းကသူ​တွေက ဖက်ဆစ်အုပ်စုအလိုကျ ကပြအသုံး​တော်ခံ​နေကြသလားလို့​တောင် ထင်မိပါတယ်။ မြန်မာနိုင်ငံမှာ စိုးစံခဲ့တဲ့ စစ်အာဏာရှင်အဆက်ဆက်ရဲ့ အားကိုးရာဟာ ​တော်လှန်သူအင်အားစု​တွေကို "သပ်လျှို​သွေးခွဲခြင်းလက်နက်" ပါပဲ။ အဲဒီလက်နက်​အောက်မှာ ပြားပြားမ​မှောက်ချင်ရင်ဖြင့် ​တော်လှန်​ရေးတပ်ဦးက ​​ခေါင်းကိုင်လူကြီးမင်းများရဲ့ဦး​နှောက်ထဲက ဂျန်လီးအ​တွေးအ​ခေါ်​တွေကို ရှင်းလင်းပယ်သတ်ထားကြ​ဖို့ လိုအပ်ကြောင်းပါ ခင်ဗျား။

˜˜˜˜

ကိုလူမိုဃ်း