ကုလသမဂ္ဂ လုံခြုံရေးကောင်စီမှာ ပြီးခဲ့တဲ့ သြဂုတ်လ ၂၃ ရက်နေ့က မြန်မာ့အရေး တံခါးပိတ် ဆွေးနွေးပွဲတစ်ရပ် ကျင်းပခဲ့ပါတယ်။

ကုလသမဂ္ဂဆိုင်ရာ မြန်မာ အမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းက မြန်မာ့အရေး ကုလသမဂ္ဂ လုံခြုံရေးကောင်စီ ဆွေးနွေးပွဲနဲ့ ပတ်သက်ပြီး ပြောဆိုရာမှာ “လုံခြုံရေး ကောင်စီအနေနဲ့ အာဏာသိမ်း စစ်ကောင်စီကို ပြင်းထန်ထိရောက်တဲ့ ဆုံးဖြတ်ချက်သစ်တွေ ချမှတ်ပေးဖို့ “တောင်းဆိုခဲ့တာ ဖြစ်ပါတယ်။ 

ပြီးခဲ့တဲ့ ၂၀၂၂ ခုနှစ် ဒီဇင်ဘာလမှာ ကုလသမဂ္ဂလုံခြုံရေးကောင်စီက မြန်မာ့အရေး ချမှတ်ထားတဲ့ ဆုံးဖြတ်ချက်အမှတ် ၂၆၆၉/၂၀၂၂  ကို အာဏာသိမ်း စစ်ကောင်စီက လိုက်နာဆောင်ရွက်ခြင်း မရှိသလို  ပြည်သူလူထုကို အကြမ်းဖက်မှုတွေ ဆက်လက် ကျူးလွန်နေတယ်လို့လည်း သံအမတ်ကြီး ဦးကျော်မိုးထွန်းက ထည့်သွင်းပြောဆိုခဲ့ပါတယ်။

~~~~~~~~~~~

နောင်ဘို