စစ်ကိုင်းတိုင်း၊ ရွှေဘိုမြို့နယ်အတွင်း အကြမ်းဖက် စစ်တပ်ကို တစ်ရက်တည်းနဲ့  ၃ ကြိမ် တိုက်ခိုက်ခဲ့ရာ စစ်သား ၄ ဦး သေဆုံးကြောင်း သိရပါတယ်။

ဩဂုတ် ၁၅ ရက်၊ မွန်းလွဲ ၃ နာရီ ၁၃ မိနစ်မှာ ရွှေဘိုမြို့ကနေ ထွက်လာတဲ့ အကြမ်းဖက် စစ်တပ်ရဲ့ ထောက်ပို့ယာဉ် ၁၂ ဘီးကားတစ်စီး၊ မောင်းတက်ရွာအနီးအရောက်  ဒေသတွင်း PDF မဟာမိတ်တွေက မိုင်းဆွဲတိုက်ခိုက်ခဲ့ရာ စစ်သား ၃ ဦးသေဆုံးပြီး ဒဏ်ရာရသူတွေကို နာရေးကားနဲ့ တင်ဆောင်သွားကြောင်း BLACK WOLF – ARMY က သတင်းထုတ်ပြန်ပါတယ်။

ဩဂုတ် ၁၅ ရက်၊ မွန်းလွဲ ၃ နာရီ ၁၈ မိနစ်မှာပဲ ရွှေဘိုမြို့ တောင်ဘက်မုခ်ဦးအနီး တပ်စွဲထား တဲ့ စစ်သား ၅၀ လောက်ပါတဲ့ စစ်တပ် မုခ်ဦးအပြင်သို့ ထွက်လာစဉ် PDFမဟာမိတ်တွေက ပစ်ခတ်ခဲ့ရာ ၁ ဦး သေဆုံးကြောင်း မျက်မြင်အတည်ပြုနိုင်ခဲ့တယ်လို့ ဆိုပါတယ်။

ဆက်လက်ပြီး ရွှေဘိုမြို့တောင်ဘက်မုခ်ဦးအနီးကနေ ထက်ထွက်လာတဲ့ စစ်သားတွေကို ဩဂုတ် ၁၅ ရက်၊ မွန်းလွဲ ၃ နာရီ ၁၈ မိနစ်မှာ PDF တွေက ဒရုန်းနဲ့ ဗုံးကြဲခဲ့ပြီး သေဆုံး၊ ထိခိုက်အခြေအနေကို အတည်မပြုနိုင်သေးဘူးလို့ BLACK WOLF – ARMY ကဆိုပါတယ်။

အဲဒီတိုက်ခိုက်မှုတွေကို BLACK WOLF - ARMY၊ Who am i - army နဲ့ Forestfighter တို့ ပူးပေါင်း လုပ်ဆောင်ခဲ့ခြင်းဖြစ်ပြီး PDF ရဲဘော်တွေ အထိအခိုက်မရှိပါဘူး။

~~~~~~~~~

ကိုထိုက်