ချင်းပြည်နယ်၊ ဖလမ်းမြို့နယ်အတွင်းရှိ အကြမ်းစစ်တပ်ရဲ့ ဗားရ်စခန်းကို တိုက်ခိုက်သိမ်းပိုက်မီးရှို့ခဲ့ ရာ ဗိုလ်ကြီးတစ်ဦးအပါအဝင် ၁၄ ဦးသေဆုံးခဲ့ပြီး လက်နက်မျိုးစုံ သိမ်းဆည်းရမိခဲ့ကြောင်း ချင်းအ မျိုးသားအဖွဲ့ချုပ်(CNO)ကထုတ်ပြန်ပါတယ်။

ဧပြီ ၁၀ ရက်နေ့ မနက် ၅ နာရီခွဲလောက်မှာ ဖလမ်းမြို့နဲ့ ၁၂ မိုင်အကွာမှာရှိတဲ့ ဗားရ်ကျေးရွာရှိ အကြမ်း ဖက်စစ်တပ်စခန်းကို ချင်းအမျိုးသားကာကွယ်ရေးတပ်ဖွဲ့(CNDF)ကသွားရောက်တိုက်ခိုက်ခဲ့ရာ တစ် နာရီခွဲကြာ တိုက်ပွဲဖြစ်ပွားပြီးနောက် စခန်းကိုသိမ်းပိုက်နိုင်ခဲ့တာပါ။

ဗားရ်စခန်းမှာ စစ်သား ၂၅ ဦးရှိပြီး ၁၁ ဦးက တိုက်ပွဲအတွင်းသေဆုံးကာ ၁၄ ဦးကို အရှင်ဖမ်းမိခဲ့ပါတယ်။ အရှင်ဖမ်းမိသူတွေအနက်ဗိုလ်ကြီးတစ်ဦးအပါအဝင် ၃ ဦးဟာ ရရှိထားတဲ့ ပြင်းထန်ဒဏ်ရာတွေကြောင့် လမ်းခုလတ်မှာ ထပ်မံသေဆုံးခဲ့ကြောင်း CNO ကထုတ်ပြန်ပါတယ်။ တိုက်ပွဲအတွင်း CNDF ရဲဘော်တစ်ဦးကျဆုံးခဲ့ပြီး ပြည်သူတစ်ဦးလည်း သေဆုံးခဲ့ပါတယ်။

အဲဒီစခန်းကနေ MA1-၃ လက်၊ MA-2 ၁ လက်၊ MA-3 ၂ လက်၊ MA-4 ၁ လက်၊ G3 ၁၂ လက်၊ ၆၀ (မမ)စိန်ပြောင်း ၂ လက်တို့အပြင် ကျည်ဘောက်၊ ကျည်ဆန်၊တိုက်မိုင်း၊ လက်ပစ်ဗုံးနဲ့ မိုင်းတွေ သိမ်းဆည်းရမိခဲ့ပြီး စခန်းကို မီးရှို့ဖျက်ဆီကာ ပြန်လည်ဆုတ်ခွာခဲ့ကြောင်း သိရပါတယ်။

˜˜˜˜˜˜

ကိုငြိမ်း

ဓာတ်ပုံ-CNO



ကိုငြိမ်း