ကိုယ်ကျိုးအတွက် လုပ်ကိုင်​နေပြီး အများအတွက် လုပ်ကိုင်​နေသ​ယောင်။ လိမ်ညာ​နေတဲ့ စကား​တွေ ဆိုတာ သိ​နေလျက် မှန်တဲ့ သစ္စာစကား ​ပြော​နေသ​ယောင်။ အဲဒီလို လူစား​မျိုးတွေကို ​ခေတ်ကာလ စကားအရ "ရုပ်​ပေါက်လွန်းပါတယ်" လို့ ​ပြောဆိုတတ်ကြတယ်။ "ရုပ်​​ပေါက်လွန်းတယ်" ဆိုတာ ရိုင်းရိုင်းစိုင်းစိုင်း မ​ပြောချင်လို့ အဖျားဆွတ် ​ပြောလိုက်တာပါ။ အပြည့်အစုံ ​​​ပြောရရင်​တော့ လူဖြစ်​နေပြီး လူစိတ်ကင်းမဲ့ကာ တိရစ္ဆာန်လို ဖြစ်​နေပြီလို့ ​ပြောလိုခြင်းပါပဲ။ 

အခုလည်း လူယုတ်မာ အကြမ်းဖက်​ခေါင်း​ဆောင် မ.အ.လ ​ရေ မင်းကို "ရုပ်​ပေါက်လွန်းတယ်" လို့ ​ပြောရ​တော့မယ်။

ဟုတ်တယ်​လေကွာ၊ မင်းတို့က လက်နက်အပြည့်အစုံ တပ်ဆင်ထားတဲ့ အကြမ်းဖက် အဖွဲ့အစည်းကြီးနဲ့ လက်နက်မဲ့တဲ့ ပြည်သူ​တွေကို နှိပ်ကွပ်လိုက်ရင် လွန်​ရောကျွံ​ရော (၁) နှစ်​လောက်နဲ့ ငြိမ်ဝပ်ပိပြားသွားလိမ့်မယ်လို့ ​​မျှော်လင့်ထားခဲ့ကြတာ မဟုတ်လား။ ဒါ​ကြောင့် ၂၀၂၂ ခုနှစ် သြဂုတ်လ​ရောက်ရင် ​ရွေး​ကောက်ပွဲ လုပ်ငန်းစဥ်​တွေ ပြင်ဆင်မယ်လို့ ​ပြောခဲ့ကြတာ​ပေါ့။ မင်းတို့ အကြမ်းဖက် အဖွဲ့အစည်းက ဆင်သွားရင် လမ်းဖြစ်မယ်လို့ အပိုင်တွက်ထားကြတာကိုးကွ။ ခု​တော့ ဆင်သွားလို့ လမ်းပျက်တဲ့ အဖြစ်ဆိုးနဲ့ တိုး​နေရပြီ မဟုတ်လား။

ဘယ်မှာ ပြည်သူ့​တော်လှန်​ရေးကြီးက ငြိမ်ဝပ်ပိပြားသွားလို့လဲ။ မင်းတို့ရဲ့ ကြည်းတပ် စစ်ဌာနချုပ်ကြီး​တွေ၊ ​ရေတပ်စခန်းကြီး​တွေ​တောင် လက်လွှတ်ဆုံးရှုံးရသည်အထိ ဆိုးဝါးလာတဲ့ အ​ခြေအနေကို ရင်ဆိုင်​နေရပြီ မဟုတ်လား။

ကြည့်​လေ ၂၀၂၄ ခုနှစ်​တောင် မကြာခင် ကုန်လု​တော့မယ်၊ ဘယ်မှာ ပြည်သူ့​တော်လှန်​ရေးကြီးက ငြိမ်ဝပ်ပိပြားသွားလို့လဲ။ မင်းတို့ရဲ့ ကြည်းတပ် စစ်ဌာနချုပ်ကြီး​တွေ၊ ​ရေတပ်စခန်းကြီး​တွေ​တောင် လက်လွှတ်ဆုံးရှုံးရသည်အထိ ဆိုးဝါးလာတဲ့ အ​ခြေအနေကို ရင်ဆိုင်​နေရပြီ မဟုတ်လား။ သင်​သေ​တော့မည် တရက်သာ လို​တော့သည် ဆိုတဲ့ အဖြစ်မျိုး။

ဒီမှာ မင်းတို့အဖြစ်က မင်းတုန်းမင်းသားသာ ဘုရင်ဖြစ်လာရင် မင်းဆရာနဲ့ မိဖုရား​ခေါင်ကြီး ဖြစ်လာလိမ့်မယ်လို့ ထင်မှတ်ကြတဲ့ ဆရာ​တော်နဲ့ မိဖုရားရဲ့ အဖြစ်မျိုးလိုပါပဲကွာ။ မင်းတုန်းမင်းကသာ မင်းတရားကြီး ဖြစ်လာခဲ့​ပေမဲ့ မင်းဆရာဖြစ်မယ်လို့ ​မျှော်လင့်ခဲ့တဲ့ ဆရာ​တော်လည်း မင်းဆရာ ဖြစ်မလာ၊ မိဖုရား​ခေါင်ကြီး ဖြစ်မယ်ထင်ခဲ့တဲ့ မိဖုရားလည်း မိဖုရား​ခေါင်ကြီး ဖြစ်မလာ။ နှမ်းထွက်နဲ့ မှန်းချက်က တလွှာစီ ဖြစ်​နေတာ​ပေါ့ကွာ။ ဒီ​တော့ ဆရာ​တော်က ​​ပြောရှာသတဲ့၊ "ထင်သာ ထင်၊ မဝင်ဘူး ​ကျောင်းအစ်မ​ရေ" တဲ့။ ခုလည်း မင်းတို့ စစ်အာဏာရှင်​တွေအ​နေနဲ့ "ထင်သာ ထင် မဝင်ဘူး" ကိန်း ဆိုက်​နေ​ရုံမက ​​ခွေးကျ ဝက်ကျပဲ ကျမလား၊ ​ခွေး​ပြေး ဝက်​ပြေးပဲ ​ပြေးရမလား ဖြစ်​နေကြပြီ မဟုတ်လား။

မင်းတို့က လူငယ်​တွေကို အတင်းအဓမ္မ စစ်ကျွန်​တွေအဖြစ် သွတ်သွင်းလာကြတယ်။ လူငယ်ဆိုတာ နိုင်ငံရဲ့ အနာဂတ်ကွ။ လူငယ်​တွေရဲ့ အနာဂတ်ကို ဖျက်ဆီး​နေကြတဲ့ သူ​တွေဟာ နိုင်ငံရဲ့ အနာဂတ်ကို ဖျက်ဆီး​နေကြတဲ့ သူ​တွေပဲကွ။ 

ဒီမှာ မင်းတို့ စစ်အာဏာရှင်​တွေအ​နေနဲ့ နိုင်ငံနဲ့ လူမျိုးကို စိုးစဥ်းမျှ ချစ်ကြ​သေးတယ် ဆိုရင် တစုံတခု​သော အဆင်​ပြေ​စေနိုင်တဲ့ နည်းလမ်းကို ​ရွေးချယ်သင့်ကြတာ​ပေါ့ကွာ။ အခု​တော့ မင်းတို့က မင်းတို့ရဲ့ အာဏာတည်မြဲ​ရေး တခုတည်းကိုသာ စဥ်းစားပြီး "ဘယ်သူ​သေ​သေ င​တေမာရင် ပြီး​ရော" ဆိုတဲ့ လမ်းစဥ်ကိုသာ တဖက်ပိတ် မိုက်မဲစွာ ​လျှောက်လှမ်း​နေကြတာ​လေ။ ဒီ​တော့ ဒို့ပြည်သူ​တွေအ​နေနဲ့လည်း "စစ်အာဏာရှင် အမြစ်ပြတ်​တော်လှန်​ရေး" လမ်းကို အရင်းအနှီး များစွာ ​ပေးဆပ်ပြီး မ​လွဲမ​သွေ ​လျှောက်လှမ်းကြရ​တော့မှာပ။ တခြားလမ်း ​ရွေးချယ်စရာ မရှိ​တော့။ 

အစပိုင်းတုန်းက "မျက်ကန်း တ​စ္ဆေ မ​ကြောက်ကြသူ​တွေ" "အုတ်နံရံကို တိုက်ဖြိုလှဲချင်ကြသူ​တွေ" လို့ ​ပြောဆို ခံခဲ့ရတာ​ပေါ့ကွာ။ ဒါ​ပေမဲ့ ပြည်သူတရပ်လုံးရဲ့ ညီညွတ်တဲ့ အင်အားနဲ့ ပြင်းထန်တဲ့ စိတ်အားထက်သန်မှု​ကြောင့် ခု​တော့ဖြင့် မင်းတို့ စစ်အာဏာရှင်​တွေ အုပ်ချုပ်လို့ မရ​တော့ရုံမက အမြစ်ပြတ်​တော့မယ့်ကိန်း ဆိုက်​ရောက်​နေပြီ မဟုတ်ပါလား။ အဲဒီမှာ မင်းတို့က လူငယ်​တွေကို အတင်းအဓမ္မ စစ်ကျွန်​တွေအဖြစ် သွတ်သွင်းလာကြတယ်။ လူငယ်ဆိုတာ နိုင်ငံရဲ့ အနာဂတ်ကွ။ လူငယ်​တွေရဲ့ အနာဂတ်ကို ဖျက်ဆီး​နေကြတဲ့ သူ​တွေဟာ နိုင်ငံရဲ့ အနာဂတ်ကို ဖျက်ဆီး​နေကြတဲ့ သူ​တွေပဲကွ။ 

"မစားရတဲ့ အမဲ၊ သဲနဲ့ပက်" ဆိုတာလို မင်းတို့က မင်းတို့ လက်လွှတ်ရတဲ့ မြို့ ရွာ နယ်ပယ်​တွေကို စစ်​ရေးပစ်မှတ် မဟုတ်ဘဲ ပြည်သူ​တွေသာ ​နေထိုင်ကြမှန်း သိလျက်နဲ့ ရည်ရွယ်ချက်ရှိရှိ ​လေ​ကြောင်းက​နေ ဗုံးကြဲတိုက်ခိုက်​နေကြတယ်။ 

ဒါ့ပြင် "မစားရတဲ့ အမဲ၊ သဲနဲ့ပက်" ဆိုတာလို မင်းတို့က မင်းတို့ လက်လွှတ်ရတဲ့ မြို့ ရွာ နယ်ပယ်​တွေကို စစ်​ရေးပစ်မှတ် မဟုတ်ဘဲ ပြည်သူ​တွေသာ ​နေထိုင်ကြမှန်း သိလျက်နဲ့ ရည်ရွယ်ချက်ရှိရှိ ​လေ​ကြောင်းက​နေ ဗုံးကြဲတိုက်ခိုက်​နေကြတယ်။ က​လေးသူငယ်​တွေ၊ အမျိုးသမီး​တွေ၊ ကိုယ်ဝန်​ဆောင်​တွေ၊ သက်ကြီးရွယ်အို​တွေ ​သေဆုံးကြရတယ်။ တကယ်​တော့ ​လေ​ကြောင်းပစ်ကူ ဆိုတာ နယ်​​မြေ ပြန်လည်စိုးမိုး​ရေးထက် အဖျက်စွမ်းအားသာ ဖြစ်ထွန်း​စေတာပါကွာ။ ဒါကို သိသိကြီးနဲ့ မင်းတို့ စစ်အာဏာရှင်​တွေက နိစ္စဓူဝ ပြုကျင့်ကျူးလွန်​နေကြတယ်။ ရုပ်​ပေါက်လွန်းလှပါတယ်ကွာ။ 

ဒါ​ပေမဲ့ ဘယ်လိုပဲဖြစ်ဖြစ် ဒင်းတို့အ​နေနဲ့ ပြည်သူ​တွေရဲ့ အရှိန်​ကောင်းလွန်းလှတဲ့ ​တော်လှန်​ရေးလမ်း​ကြောင်းကို ​နှောင့်ယှက်ရုံက လွဲလို့ မဟန့်တားနိုင်ပါဘူး။ ပြည်သူ​တွေအ​နေနဲ့လည်း ​အောင်မြင်မှုပန်းတိုင်ကို ထင်ထင်ရှားရှား ​တွေ့မြင်​နေကြပြီမို့ အားသွန်ခွန်စိုက် ချီတက်ကြ​တော့မယ်​လေ။ စစ်အာဏာရှင် အမြစ်ပြတ်​တော်လှန်​ရေး မုချမ​သွေ ​သေချာ​ပေါက် ​အောင်မြင်​တော့မယ်။ အဲဒီမှာ ​ရှေ့​ဆောင်ဦးရွက် ပြုကြသူ​တွေလို့ သတ်မှတ်ထားတဲ့ အဖွဲ့အစည်း​တွေမှာ ပါဝင်​ဆောင်ရွက်​နေကြသူ​တွေအ​နေနဲ့ မ​ဝေး​တော့တဲ့ အနာဂတ်ခရီးအတွက် ကြိုတင်ပြင်ဆင်မှု​တွေ ရှိထားသင့်ကြပြီ ဖြစ်ပါတယ်။ 

အထူးသဖြင့် ဗမာတိုင်းရင်းသား လက်နက်ကိုင် ​တော်လှန်​ရေး အဖွဲ့အစည်း​တွေကို ​ရှေ့​ဆောင်​နေတယ်ဆိုတဲ့ NUG ကို ​​ပြောချင်ပါတယ်။ မ​ပြောခင် ​ကြော်ငြာ​လေး ဝင်ပါရ​စေ။ 

NUG မှာ ​ရှေ့​ဆောင်​နေကြတဲ့သူ​တွေက တလကို ဘတ် ​ခြောက်​သောင်း ရယူထားတယ်လို့ သိရတယ်။ မြန်မာ​ငွေနဲ့ဆို လက်ရှိ​ပေါက်​စျေးအရ ကျပ် သိန်းကိုးဆယ် ​ကျော်​ပေါ့။ လိုအပ်လို့ ညှိနှိုင်း ယူထားကြတယ်လို့ပဲ နားလည်ရပါတယ်။ 

တ​နေ့က ထိုင်း​ရောက်​နေတဲ့ သူငယ်ချင်းက ထိုင်းဘတ်​ငွေ နှစ်​ထောင် ​ထောက်ပံ့ကူညီလိုက်တယ်။ မြန်မာ​ငွေ သုံးသိန်းခုနစ်​ထောင့်ငါးရာ ရရှိတယ်​ပေါ့။ အဲဒီ​ငွေပမာဏက လုံ​လောက်တယ်လို့ မဆိုသာသည့်တိုင် တလအတွက်​တော့ အသက်ရှင်နိုင်​အောင် စား​သောက်​နေထိုင်လို့ ရတယ်​။ ထားပါ​တော့။ 

NUG မှာ ​ရှေ့​ဆောင်​နေကြတဲ့သူ​တွေက တလကို ဘတ် ​ခြောက်​သောင်း ရယူထားတယ်လို့ သိရတယ်။ မြန်မာ​ငွေနဲ့ဆို လက်ရှိ​ပေါက်​စျေးအရ ကျပ် သိန်းကိုးဆယ် ​ကျော်​ပေါ့။ လိုအပ်လို့ ညှိနှိုင်း ယူထားကြတယ်လို့ပဲ နားလည်ရပါတယ်။ NUG အ​နေနဲ့ KIA, MNDAA, TNLA, AA, KNU, KNDF, CNF တို့နဲ့ စစ်အာဏာရှင် အမြစ်ပြတ်​ရေး ဆိုတဲ့ တခု​တည်း​သော ဘုံသ​ဘောတူညီချက် အ​ပေါ်က​နေ စုစည်းနိုင်ဖို့ လိုအပ်ပါလိမ့်မယ်။ မလွယ်ကူနိုင်တဲ့ ကိစ္စ ဆို​ပေမဲ့ မဖြစ်မ​နေ တည်​ဆောက်ဖို့​တော့ လိုအပ်ပါတယ်။ ABSDF နဲ့ MOU လုပ်နိုင်တာ၊ AA နဲ့ လက်တွဲနိုင်​တော့မယ့် အ​နေ​အထား​ရောက်​နေပြီဆိုတာ ကြားသိရ​တော့ အားရ​ကျေနပ်လှပါတယ်။ ဆက်လက်ပြီး ကျန်ရှိ​နေတဲ့ အဖွဲ့အစည်း​တွေနဲ့ နားလည်တဲ့ ချိတ်ဆက်မှု​တွေ ရှိထားဖို့ လိုအပ်ပါတယ်။

သိကြတဲ့အတိုင်း ​မြောက်ပိုင်းမဟာမိတ် ညီ​နောင် သုံးဖွဲ့နဲ့ BPLA, PLA, MPDF ​တို့ ပူးတွဲပါဝင်ဆင်နွှဲခဲ့တဲ့ ၁၀၂၇ စစ်ဆင်​ရေး ​အောင်မြင်မှု​တွေ ရရှိခဲ့တာဟာ ညီညွတ်တဲ့ ​ပေါင်းစည်းမှုအား ဖြစ်ပါတယ်။ အဲဒီလိုပဲ သပိတ်ကျင်း၊ စဥ့်ကူး စစ်ဆင်​ရေး​တွေ၊ အင်း​တော် ပင်လည်ဘူး စစ်ဆင်​ရေး​တွေ ​အောင်မြင်မှု ရရှိခဲ့တာဟာလည်း KIA ရဲ့ ကြီးကြပ်ကွပ်ကဲမှု​အောက်မှာ ညီညွတ်စွာ ​ဖော်​ဆောင်နိုင်ခဲ့ကြလို့ ဖြစ်ပါတယ်။

သူတို့အ​နေနဲ့ ဗမာတိုင်းရင်းသား​တွေအ​ပေါ် သံသယစိတ်​တွေ ရှိ​နေတတ်ကြတယ်။ လက်ရှိ ​တော်လှန်​ရေး ဖြတ်သန်း​နေချိန်မှာ​တော့ အဲဒီ သံသယစိတ်​တွေ လွင့်ပြယ်စပြုလာပြီလို့ ခန့်မှန်းမိပါတယ်။ 

ပြည်နယ်တိုင်းရင်းသား​တွေအ​နေနဲ့ မိမိတို့ ပြည်နယ်တခုတည်း လွတ်​မြောက်​နေရုံနဲ့ ထာဝရ ငြိမ်းချမ်းမှု မရနိုင်ဘူး ဆိုတာ ကို သမိုင်းသင်ခန်းစာ​တွေအရ သိရှိ နားလည်ထားပြီး ဖြစ်ကြတယ်။ စစ်အာဏာရှင် အမြစ်ပြတ် ​ချေမှုန်းနိုင်မှသာ ထာဝရငြိမ်းချမ်း​ရေးကို ပိုင်ဆိုင်နိုင်မယ် ဆိုတာလည်း သိရှိထားပြီး ဖြစ်တယ်။ ဒါ​ပေမဲ့ သူတို့အ​နေနဲ့ ဗမာတိုင်းရင်းသား​တွေအ​ပေါ် သံသယစိတ်​တွေ ရှိ​နေတတ်ကြတယ်။ လက်ရှိ ​တော်လှန်​ရေး ဖြတ်သန်း​နေချိန်မှာ​တော့ အဲဒီ သံသယစိတ်​တွေ လွင့်ပြယ်စပြုလာပြီလို့ ခန့်မှန်းမိပါတယ်။ စစ်အာဏာရှင်ရဲ့ ဆိုးယုတ်မှု​တွေကိုလည်း နိုင်ငံတဝှမ်းလုံး သိနားလည်ကြပြီလည်း ဖြစ်ပါတယ်။

အဲဒီ အခွင့်အခါ​ကောင်းကို လက်လွတ်မခံဘဲ NUG အ​နေနဲ့ စုစည်းညီညွတ်မှု ရ​အောင် တည်​ဆောက်နိုင်ဖို့ အရှိန် မြှင့်တင်ရပါမယ်။ တဆက်တည်းမှာ ဖက်ဒရယ်ပြည်​ထောင်စု အ​ခြေခံဥပ​ဒေကို ​ရေးဆွဲအတည်ပြုနိုင်ဖို့ အ​ရေးတကြီး လိုအပ်လာပြီ ဖြစ်ပါတယ်။ ဖက်ဒရယ်ချာတာ​လောက်​နဲ့ ​သွား​နေမှုဟာ ခရီးဖင့်​နေပုံ ရတယ်လို့ ထင်မိပါတယ်။ ဖွဲ့စည်းပုံအ​ခြေခံဥပ​ဒေတရပ် ရှိထားပါမှ ​တော်လှန်​ရေးကြီး အပြီးသတ်သွားတာနဲ့ တပြိုင်နက်တည်း ပြန်လည်ထူထောင်​ရေးကို အလျင်အမြန် တည်​ဆောက် ​ကျော်လွှားနိုင်ကြမှာ ဖြစ်ပါတယ်။ ဒါ​ကြောင့် ​ရှေ့​ဆောင်ကြတဲ့ သူ​တွေအ​နေနဲ့ "ရုပ်​ပေါက်လွန်းတဲ့ သူ​တွေ" မဖြစ်ကြဖို့၊ အထူး ​စောင့်ထိန်းကြဖို့ လိုအပ်ပါတယ်။ ​စေတနာစကားပါ။

ဒင်းတို့ လက်ဝါးကြီးအုပ် လုပ်ကိုင်စား​သောက်​နေတဲ့ ရမည်းသင်း အ​ရှေ့ပိုင်း မိုးထိမိုးမိ ​ရွှေလုပ်ကွက်ဝန်းကျင်မှာ ပြည်သူ​တွေ မ​သေဆုံးသင့်ဘဲ ​သေဆုံးခဲ့ကြရတယ်။ ပိုမို အထိနာခဲ့ကြရတယ်။ အဲဒီမှာ ဒင်းတို့က လူလုံးပြရုံသာ ပြခဲ့ကြပြီး ဘယ်မှာ အင်တိုက်အားတိုက် ကူညီကယ်ဆယ်မှု​တွေ လုပ်ခဲ့ကြလို့လဲ။

​​လော​လောဆယ်​တော့ ​ရေ​ဘေးဒုက္ခကို ခါးစည်းခံ​နေကြရပြန်တယ်။ ​ပြောရရင်​တော့ ​ရေ​ဘေးဒုက္ခကလည်း အာဏာရှင် အဆက်ဆက် သူတို့အာဏာ တည်မြဲ​ရေးကိုသာ ​ရှေးရှုပြီး ဆင်ခြင်တုံမဲ့စွာ သစ်​တော​တွေ ပရမ်းပတာ ခုတ်၊ ဆည်​တွေ ပရမ်းပတာ ​ဆောက်ခဲ့ကြလို့ ဖြစ်လာတဲ့ အ​ကြောင်းတရား​တွေရဲ့ အကျိုးဆက်ပါပဲ။ အခုလည်း ဒင်းတို့ လက်ဝါးကြီးအုပ် လုပ်ကိုင်စား​သောက်​နေတဲ့ ရမည်းသင်း အ​ရှေ့ပိုင်း မိုးထိမိုးမိ ​ရွှေလုပ်ကွက်ဝန်းကျင်မှာ ပြည်သူ​တွေ မ​သေဆုံးသင့်ဘဲ ​သေဆုံးခဲ့ကြရတယ်။ ပိုမို အထိနာခဲ့ကြရတယ်။ အဲဒီမှာ ဒင်းတို့က လူလုံးပြရုံသာ ပြခဲ့ကြပြီး ဘယ်မှာ အင်တိုက်အားတိုက် ကူညီကယ်ဆယ်မှု​တွေ လုပ်ခဲ့ကြလို့လဲ။ အရှိန်အဟုန်မပျက် ပြည်သူ​တွေကိုသာ ဗုံးကြဲ သတ်ဖြတ်ခဲ့ကြတယ် မဟုတ်လား။ ရုပ်​ပေါက်လွန်းလှပါတယ်။ 

ဒီမှာ ရုပ်​ပေါက်လွန်းတဲ့ သူ​တွေဟာ ဘယ်​တော့မှ ​ရေရှည် တည်တံ့နိုင်လိမ့် မဟုတ်​ပေဘူး။ ​"ခွေးရူး​ကောင်းစား တမွန်းတည့်" ဆိုတာလို တ​​နေ့မ​ပြောနဲ့ တမွန်းတည့်​တောင် မခံနိုင်ပါဘူး။ ​နေ့တဝက်မျှနဲ့ ပျက်စီးကြမှာပါ။ စစ်အာဏာရှင်​တွေက ရုပ်​ပေါက်လွန်းတဲ့ သူ​တွေ ဆို​တော့ မလွဲမ​သွေ မုချ ပျက်စီးကျရှုံးကြရမှာပါပဲ။ အဲဒီလိုပဲ ​တော်လှန်​ရေးအတွင်း ပါဝင်ဆင်နွှဲ​နေကြတဲ့ ပုဂ္ဂိုလ်​တွေ၊ အဖွဲ့အစည်း​တွေဟာလည်း ပြည်သူ​တွေအတွက် မျက်နှာမူကြဖို့ပဲ လိုအပ်လှကြောင်းပါ။ ရုပ်​ပေါက်ကြမယ် ဆိုရင်​တော့ ကိုယ့်သမိုင်းနဲ့ ကိုယ်သာ ဖြစ်​ကြောင်းပါဗျား။

~~~~

ဒေါင်းနီ