စာရေးသူ မင်းသျှင်သာ၏ မြန်မာ့နွေဦးတော်လှန်ရေး နောက်ခံ ဝတ္ထုရှည် “ဆန်လိုက်ပြန်တုံ စုန်လိုက်ပြန်ရ” ကို Ebook အဖြစ် (ကို)မင်းကိုနိုင်နှင့် မောင်လွင်မွန်(ကသာ) တို့၏ အမှာစာများနှင့်အတူ ငွေမောင်းသံက ထုတ်ဝေဖြန့်ချိလိုက်ပါပြီ။

ယခု ဝတ္ထုရှည်နှင့်ပတ်သက်၍ (ကို)မင်းကိုနိုင်က “ပုဂ္ဂိုလ်နာမတွေ မဦးတည်သော သူ့စာမှ ဘာရမလဲ မေးလျှင် အာမခံနိုင်တာ တစ်ခုရှိသည်။ တော်လှန်လူငယ်တွေ၏ ရင်ခုန်သံ ချွေး သွေးစက် မျက်ရည် အိပ်မက်တွေကို အရင်ထက် ပိုနားလည်ပါစေလိမ့်မည်” လို့ ညွှန်းဆိုထားသည်။

ဆရာမောင်လွင်မွန်(ကသာ)က “နွေဦးတော်လှန်ရေးတွင် နိုင်ငံရေးတက်ကြွလှုပ်ရှားသူတစ်ဦးအနေဖြင့် (ဆရာ ဗန်းမော်တင်အောင်၏စကားအရ) ခေတ်က ပခုံးပေါ်တင်ပေးသော တာဝန်များကို ကျေပွန်အောင် ထမ်းဆောင်ရင်း အခြားတစ်ဖက်က စာပေအနုပညာရှင်တစ်ဦးအနေဖြင့် နွေဦးတော်လှန်ရေး၏ ပုံရိပ်များကို အနုပညာ နှလုံးသားဖြင့် ဖန်တီးမှတ်တမ်းတင်သော တာဝန်တစ်ရပ်ကိုပါ ဆရာမင်းသျှင်သာအနေဖြင့် ပီပီ ပြင်ပြင် ထမ်းဆောင်နိုင်သည်” ဟု သူ့အမှာစာတွင် ရေးသားဖော်ပြထားသည်။

ဤဝတ္ထုဖြင့် တော်လှန်ရေးအတွက် ရန်ပုံငွေရှာဖွေလိုသူများအနေဖြင့် စာရေးသူထံ ခွင့်ပြုချက်တောင်းခံ၍ အသုံးပြုနိုင်ကြောင်းလည်း ဆရာမင်းသျှင်သာက အမှာစာတွင် ရေးသားဖော်ပြထားသည်။ ယခုစာအုပ်အတွက် ရရှိသော စာမူခငွေများကိုလည်း တောင်ပိုင်းတိုင်းစစ်ဒေသအတွင်းရှိ PDF ရဲဘော်များအတွက် ဆရာမင်းသျှင်သာက ပေးပို့လှူဒါန်းခဲ့ပြီး ဖြစ်ပါသည်။

“ဆန်လိုက်ပြန်တုံ စုန်လိုက်ပြန်ရ” (Ebook) ဝတ္ထုရှည်ကို အောက်ပါ link တွင် download ရယူ ဖတ်ရှုနိုင်မည် ဖြစ်သည်။

Click here for download

***